الكاتبة. Zainab Farqad
بارت 8
وحين يدفعك الله
الى الحافة ..........
ثق أما سيلتقطك قبل ان تقع
او سيعلمك كيف تطير!
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
ما اهتميت للبنات الي وياية ابد ولا رفعت راسي وشفت شكلهن شلون يطلعن من الدكتورة جنت مدنكة راسي وادعي واسبح بأصابع ايدي
وخواتي كاعدات بصفي خايفات
بعدها طلعونة من المستشفى ورجعونة للمركز ، اجراءات المستشفى تاخذ وقت
طويل ، وبعدهة سألوني ع مستمسكات النة هذا الشي يثبت ويفيد بالقضية اني
حطيتهن بجنطتي كلهن هنة والفلوس الي بقن دليتهم ع مكان الجنطة وجابوهة اخذو
المستمسكات الي يريدوهن وانطوني الجنطة كانت بيها الفلوس والملابس كم قطعة
يعني
كعدنة ننتظر وهم رجعوا يحققون ويانة كل شوية ماخذين مجموعة بنات اكثر شي ركزوا ع سعاد والي وياها جانن 2
بس المشكلة سعاد ما جاي تعترف منو الي وياها ويساعدها يجيب البنات الها
اخذوني اني وخواتي هم يحققون ويانة كان كاعد ابو شوارب ( قائد ) وواحد ويا
قائد : دخلت هي وخواتها ومبين عليهن الخوف ، اشرت اكعدوا ، هسة راح ترجعين تحجين كل الي حجيتيلي يا للضابط محمد
وديان : كرهت قصة حياتي هلكد ما حجيتها ، كمت احجي وكوة كاتمة دموعي واختي ورود لابدة وراية بالعباية مالتي مغطية وجهها تخاف
وومنى وصابرين مدنكات ما يحجن شي ، بس اني احجي ويسألوني واجاوب
محمد : هذا الشخص الي اتصل ع سعاد تعرفينة
وديان : لا مااعرفة الشيخ هو الي جابة ، اعتقد يشتغل وياهم. وهمهم انو هو عندة واسطة بدار الايتام
محمد : اذا اجيبلج مجموعة صور تكدرين تميزي وتعرفينة
وديان : اي اني اتذكر ملامحة
قائد : عدنة هواي رجال مشتبهين بيهم ، وعدنة صورهم عسى ولعل يطلع واحد
منهم ، طلعنة الصور قبل فترة هم اجتنة هيج حالات وانطونة صور لهذولة
الاشخاص الي يجيبون بنات
وديان : اباوع بتركيز وخواتي وياي هم يشوفن بالصور
ورود : وديان شوكت نطلع خايفة راح اموت
وديان : ورود فدوة اسكتي ، اتحملي لخاطري ما بقة شي راح نطلع وداعتج ، جنت احجي بهمس
واباوع ع صور ، مجموعة صور هواي حتى كمت مااميز بينهن
قائد : اباوعلهة شلون مرتبكة ولازمة الصور باوعت ع ايدها جانت طالعة نصها
من العباية ، لابسة بأيدها سوار ناعم ، متناسق ويا جمال ايدها
هو
اني شفتها نعجبت بيها ، شحال ولد الحرام من شافوها ، يابة تسطر مو بنية ،
كانت ايدها ترجف بخوف وكأن بس تريد تلكى دليل يثبت براءتها وتطلع
وديان : هذاااا ، اي هذااا والله صورتة ، مو منى هذا مو
منى : اي هذا الي وصلنة للسيارة ، ورحنة ويا سعاد
صابرين : اي هذاا هو
ورود : وديان يعني راح نطلع منا ، بعد ما عرفتو
وديان : ورود اي راح نطلع بس يكملون الاجراءات ، جنت احجي بصوت ناصي ، اريد اوهمها بأي شي نقهرت عليها حيل مااعرف شسوي
ورود بعدها عقلها عقل طفلة مدا تستوعب الي احنة بي كل همها وكل الي تريدة نطلع منا من المناضر الي شافتها هنا ، استغفر الله
قائد : شفت اللهفة بعيونها من لكت الصورة وكأن هذا الي راح يحدد مصيرها ، محمد وهسة
محمد : راح اسوي اتصالاتي عسى ولعل نلكا
قائد : محمد ، خابر ع ليث بالاستخبارات هو يساعدنة
محمد : ماشي راح اطلع اخابرة
قائد : باوعتلهن كاعدات يباوعن خايفات وكأن ينتضرن مني اكوللهن اطلعن من المركز
اا بعدة ما خلص التحقيق هسة راح ترجعون لمكانكم لما يخلص التحقيق
ورود : يعني شنو وديان ما راح نطلع
وديان : ورود راح نطلع والله احنة ما سوينة شي صدكيني بس بعدة التحقيق ما خلصان مثل ما كال
ورود : فقدت وكمت ابجي ، دخت فجئة وبعد ما حسيت ع شي
وديان : ارتبكت ما عرفت شسوي من شفتها هيج وخواتي نخبصن بيها
قائد : جريت بطل الماي الي كان ع ميز وانطيتها الها بدت تصحيها صحت للشرطي الي برا يجيبلها شي تاكلة ويا العصير
وجههة اصفر مبينة صار عدها هبوط ،
وديان : حيل خفت ع ورود ، ورود من زمان متعبتنة ومريضة ما عدها مناعة ، من اي شي تتخربط ورئسا تتمرض
قائد : اذا صرتي احسن تكدرون تروحون ، بالغرفة ترتاحين
ورود : هزيت راسي بمعنى اي
وديان : اشكرك ، كمت سندتها ومنى وياي هم سندتها واجة الشرطي طلعنا ودانا
للغرفة الي كاعدات بيها البنات الي ويانة كعدناهة وبس تبجي ،
حاولت وياها بكل الطرق ما يفيد بس اريدهة تسكت ،
قائد : جنت مدنك ع ميز رفعت راسي باوعت للكاع شفت فدشي ناعم اقتربت شلتة طلع سوار
هذا سوار وديان اني شفتة لابستة يجوز وكع منها اخذتة وضميتة بالجرار ، كلت انطي الها من تطلع
وديان : مر يوم ثاني واحنة ع هل حالة ، ثاني يوم جابو التقارير من المستشفى وحولونة للمحكمة طبعا الضهر اجة القرار وحولونة فجئة
وهم تحقيق وكذا وثبت عدهم احنة مامسوين شي واحنة كلنا باكر
واجينة لهذا البيت بدون ما ندري حتى سعاد اعترفت لصالحنا وكالت اني جبتهن ووهمتهن ع اساس دار ايتام
اخذونة للمحكمة وصدر القرار
طلعونة وكالو ما عليكم عقاب ولا شي ، وانطونة المستمسكات مالتنة
ما تتخيلون الفرحة الي احنة صرنة بيها ، تحررنا من السجن ، طلعنة واحنة فرحانات مثل الطير من يطلقون سراحة من القفص
طلعت وما همني لا سعاد ولا البنات ولا اي واحد شنو صار وياهم ، ما يهمني احد بس خواتي طلعنة فرحاانات والدنيا ما سايتعنا
و ورود اول ما طلعنة وجههة ورد من صدك ورجعتلها الضحكة بس انتهت الابتسامة من راودنا
الاحساس والشعور كلنا ، وين راح نروح ما عدنة احد احنة
منى : وديان وين راح نروح
وديان : ماادري منى الله شكاتبلنة هسة ، بس ربج كريم وما ينسانة ، خلي
نروح ناكل شي صابرين ورود وانتي وجهكم تعبان خلي شوية يرجع بيجن الدم من
جديد
صابرين : كلنة ذكرتينا تعبانات الا انتي ما ذكرتي روحج بالتعب مع انو انتي مبين عليج التعب اكثر من عدنة
وديان : اني تعبي يزول من انتو تكونون مرتاحين
طلعنا نتمشى وصلنة بسوق جبير ، يعني فرع للمواد الغذائية وفرع للمخضر وفرع مطاعم وفرع كهوة كولشي موجود بهل سوق
وصلنة يم مطعم صغير ومابي احد طلبنة اكل ع كد فلوسنة وهو اصلا مطعم شعبي مو غالي كعدنة ناكل ونسولف مااعرف ليش
رغم تائهات وما عدنة احد بس بهذا اليوم حيل فرحنة حسينة صدك احنة محررين من هذا الضلم كملنة اكل. وطلعنة نتمشى بالسوق
عحبني منظر السوق والعالم من تمشي،والي وتشتري والي يبيع
رفعت ايدي انتبهت السوار ماكو شهكت
منى : شبيج وديان شصاير
صابرين : شبيج شدورين شكو
ورود : مو دنحجي وياج شكو ع شنو تدورين
وديان : السوار مالتي ماكو السوار
منى : عززة ولج وين ضيعتي
وديان : ماادري ماادري ماانتبهت عليه هسة يلا شفتة ماكو
ورود : اخاف حطيتي بالجنطة ويا المستمسكات
وديان : لا ، بس خل اتأكد ، ضليت ادور وماكو فقدت الامل ضاع السوار ضاعت الذكرى الوحيدة الي من امي
صابرين : لا تنقهربن وديان ، احنة خسرنة كولشي بقى ع سوار ما نخسرة
وديان : دمعت عيوني ع سوار هذا اغلى شي عندي رغم بساطتة بس اله معنى جبير بداخلي هذا احلى هدية من امي وضاع من عندي
منى : كافي وديان ، قابل البجي راح يرجع السوار
وديان : مو بأيدي هذا السوار قيمتة غالية عندي
ورود : وديان لخاطري كافي ، مسحت دموعهة ، خلونة نكمل مشي شوفو الاجواء شلون حلوة هنا العصرية
وديان : استسلمت للامر الواقع ومسحت دموعي ، لخاطر خواتي ، هاهية مكتوبلي كولشي عزيز علية افقدة
ضلينة مستمرين نمشي ونباوع ع سوق اول مرة اشوف سوق بهل جمالية رغم الكل لابس اسود لاءن محرم والي زايد جماليتة اللطميات ع جرح
رغم السواد الي يعم ع شارع بس يبقى حلوة اجوائة وخاصة العصر من مشينة نسينة الهموم ونباوع ع هموم العالم
ومنى كامت تصنف تحاول تضحكنة وصابرين هم وياها ، ورود وجهها تغير وكامت تضحك من شافت هيج اجواء وارتاحت نفسيتها
واني فرحي ع فرح خواتي وحزني ع حزن خواتي شيصير وياهن يصير وياي ، رغم
احنة نجهل مصيرنة وين راح يكون بعد لحضات لكن متمسكين ببعض ومبتسمات
للحيااة رغم المأسي
دخلنة بشارع ا دنمشي وشفنة طفل عمرة تقريبا 6
سنوات يبجي يريد العاب اهلة اشترولة ويريد بعد ، كام يضرب بروحة ويكول
امدااني امدااني اذا اجي وياكم للسوق بعد ،
شفنة منضرة يخرب ضحك من يغم بروحة اهلة يضحكون عليه واحنة هم نضحك منى طكتهة بضحكة كرصتها خفيف حتى تنتبه ع نفسها احنة بالشارع
واني كوة كاتمة الضحكة دنكت راسي وكمت اضحك كان منضرة فدشي يخرب ضحك
رفعت راسي وهناا. ؛كانت الصدمة. كلنا تفاجئنة !!!!!!!!
قائد
بعد ما وديان اتعرفت ع شخص بدا البحث عنة ، وطلع مسافر طالع بالخارج ، والتقارير مال البنات بعدهن بالمستشفى ما جايبينهن
واحنة بعدنة نحقق ويا سعاد. تعبتنة حيل ما تعترف بعد منو يساعدهة واحنة متأكدين اكو واحد ساندها وسوت هل شغلة
بعد التحقيق المستمر يومين اني ما رايح للبيت تعبت حيل كوة مفتح عيوني
كلتلهم راح اروح ارتاح من يصير شي خابروني رحت للبيت الساعة 10 الصبح
جانن بعدهن التقارير بعدهن ما واصلات للمحكمة ، رحت والطريق كله افكر بوديان مااعرف ليش عقلي ياخذني الها
امكن انقهرت ع حالتها وحالة خواتها ، وصلت للبيت تلكتني امي
امي : الله يساعدك يمة
قائد : هلا يمة ، شلونج
امي : الحمدلله ، انت شلونك طمني عليك
قائد : الحمدلله ، تعبان شوية
امي : ضل بالي يمك ، ليش مااتصلت بية واخوانك عجزوا يدكون عليك ما تجاوب ما كلت امي يضل بالها علية خل اطمنها
قائد : اعذريني يالغالية والله انشغلت بسالفة جديدة صارلي يومين ملتهي بالتحقيق والنوم ماشايفة
امي : سودة علية يمة روح اسبح وبدل لما احضرلك لكمة
قائد : رحت سبحت وبدلت واتمددت ع جرباية. اتذكرت وديان ، تذكرت عيونها اويلي حتى بالحزن يلمعن
اوووو اني ليش هلكد افكر بيها ، مع انو هي صغيرة واخذتلي عقلي
طردت الافكار من راسي وكمت نزلت يم امي محضرتلي اكل ، كعدت اكل وهي تسألني عن اخباري
امي : يمة شو مو ع بعضك
قائد : لا يمة ماكو شي سلامتج بس داافكر بهاي السالفة الجديدة الي صارت ويانة
امي : اي شنو هاي السالفة سولفلي
قائد : ابتسمت ، متعود دائما اسولف الامي ع كولشي يخص الشغل من تجينة اخبارات وانشغل اكعد اسولفلها
يمة يصير اسولفلج العصر لاءن سالفة طويلة وراسي مصدع
امي : اي يمة عيني روح نام وارتاح
قائد : رحت اتمددت ع جرباية وبعد ما حسيت ع شي نمت بسرعة كنت حيل تعبان ما كعدت الا المغرب الساعة 7 ونص
لكيت حاركين الموبايل علية ، الضباط والشرطة ، هاي شصاير خابرت محمد هو اقرب صديق الية
محمد : وينك يمعود
قائد : ولكم شكوو حاركين الموبايل بالاتصالات شنو نهجم المركز
محمد : مو انت وصيتني من يصير شي جديد ويا البنات الاربعة اخابرك
قائد : اي
محمد : ابشرك طلعن برائة ، ما عليهن حكم ولا شي
قائد : جنت نايم كمت منصدم من الحجي عدلت كعدتي شنووو ؟؟
يتبع
تحياتي
ليست هناك تعليقات:
إرسال تعليق