قصة قدر مكتوب الجزء الثالث عشر

#قدر_مكتوب

الكاتبة. Zainab Farqad

بارت 13

ودائما هناك امل

بأن يكون لنا في الغد شيء جميل

ويستحق منا الانتظار 💖

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

وديان: رحت للمول واني لافة ايدي بالباندج وبعدها توجعني اكو اثر شوية بس خف الورم الي بيها

قائد: كانوا كاعدين كلهم الظهرر فتحت موضوع وياهم

يمة اريد احجي وياج بموضوع

ام عبدالله: كول يمة

قائد: يمة اني من شفت وديان اول مرة حبيتها، ونويت اخطبها، هي صحيح ما عدها احد بس اني حبيتها واريد اخليهة ببيتي واحافظ عليها و ع خواتها

ام عبدالله: صددك، يووم عيد عندي ووديان تصير جنتي

ماجد: شنووو يمة، يعني راح تزوجين وديان لقائد، لعد واني

قائد: انت انجب واسكت

مصطفى: لعد ما دام فتحت موضوع، اني هم اريد منى اريد تخطبيلي ياها

ام عبدالله: يااا كلوووش راح ازوج ولدي، واخيرااا،

احمد: هي هاي الي درت تتزوجها من البداية

مصطفى: اي هي

قائد: هسة فهمت، ليش ما قبلت تكولي منووو هي

مصطفى: ايي لهذا السبب كنا ضامين عليك الموضوع

قائد: لعد اشو اخر مرة كلت بطلت مااتزوج كلت صارت عرقلة بالموضوع

مصطفى: اي مو نويت اخطبها، بس هي هسة راحت للسادس وكلت خليها تكمل السادس واخطبها مااريدها تلتهي

ماجد: اووووو ماي كاد تخاف ع مستقبلهة

مصطفى: لعد شعبااالك

احمد: شنووو هل تطورات، يعني راح تتزوجون الاخوات ذابحين روحكم عليهن عاد حلواات هنة

ام عبدالله: يااا لك غير يخبلن اية من الجمال

ماجد: لهل درررجة يمة

ام عبدالله: وبعد اكثر

ماجد: بعد مو عدهن خوات 2 زوجيني وحدة منهن

ام عبدالله: انجب انت

ماجد: ليش يمة ليش، ليش هيج تفرقين، اشووو كيفتي من كال قائد ومصطفى نريد نتزوج واني ما تقبلين

ام عبدالله: انت طايح حظك، منوو تقبل بيك

ماجد: اهووو والله معلية اريد اتزوج

ام عبدالله: انجب كتلك، اكول احمد

احمد: كولي يمة

ام عبدالله: شنو رأيك اخطبلك صابرين

احمد: هاي يا صابرين

ام عبدالله: هي اختهن الثالثة، راحت للخامس اعدادي

احمد: لااااا عيني لااا مااريد اني بعدني ما مخلص كلية مااريد اتزوج،

ام عبدالله: ع اقل خل احجزلك ياها

احمد: يمة شبيج شنو هي ثلاجة وتحجزينها الي، شنوو تريدين تمشين سوكهن بينة

ام عبدالله: انجب لا اطيح حظك، الف واحد يتمناهن، اني اختاريتهن الكم لاءن من صدك بنات يرفعن الراس

ماجد: يمة اني اني زوجيني لصابرين الي تكولين عليها

ام عبدالله: اشو انت بدون ما تشوف البنية تريد تتزوجها

ماجد: ما دام قائد انعجب باختها وقرر يتزوجها، اكيد اختها حلوة وانتي اكدتي هذا الشي وتدرين بية مااقاوم الحلواات

قائد: تنجب لا اكوم ادفنك،

ماجد: يمةةةة يمةةةة زوجيني

قائد: ما تتزوج انت

مصطفى: ع عناااادك مااجد راح اتزوج

ماجد: والله معلية يمة زوجيني

ام عبدالله: اكول مصطفى وقائد اشو انتو واثقين من نفسكم منو يكول راح يوافقن

قائد: توافق غصبا عليها

ام عبدالله: واذاا ما وافقت شنوو تجبرهة

قائد: اي اجبرهة

ام عبدالله: قائد اذا تسوي شي اوتجبر البنية ع شي والله ماارضى عليك

قائد: طلعت العصر رحت يم المشتمل شفتهة طلعت من البيت وراحت عرفت رايحة للمول، غيرت ملابسي ورحت وراها مااعوفها اليوم

وديان: وكفت بمكاني وكل يشوي يجون ناس ياخذون عطور، كوة احرك ايدي توجعني حيل

فجئة اجة واحد وكف كبالي، شاب كام يشم بالعطور كال

- اكول اريد نفس العطر الي انتي مخليتة لاءن ريحتة اوويلي سطرتني

وديان: كام يحجي بطريقة مستفزة، ما عدنة هذا العطر حجيت بصوت واضح

- اهاا زين هاج هذا رقمي من تجيبون العطر خابريني اجة اخذة

وديان: كنت حاطة ايدي ع ستاند العطور، من حجة هيج درت راسي وكمت اصفط بالعطور

- يااا ايدج مبينة مكسورة، اذا تريدين اني ادخلج الرقم بموبايلج لاءن ما بيج حيل

وديان: وتااالي يعني ممكن تتفضل عندي شغل

قائد : وصلت للطابق الي هي بي وشفت واحد كبالهة ويمد الها الرقم يحجي ويبتسم عيوني نطن رحت تقربت من يمة جريتة من ياخة قميصة

- شكووو هييي انت شتريد

قائد: انت الي شتريد منها، كنت احجي ويا وادفع بي

- انت شدخلك منووو انت اصلا

قائد: اني خطيبها شون تتجرء وتجي تنطيها رقمك علني النووب حجيت بصووت عالي اذا شفتك هناا مرةثانية ادفنك بمكانك

- ما دام خايف ع خطيبتك شعندك مخليها مثل العارضة تتفرج عليها الناس

قائد: هجمت عليه وكمت اضرب بي اجوي الناس يفازعون، وشرطة المول اجتي تريد تبعدني طلعتلهم البطاقة مالتي، دائما اشيلهة وياية

عرفوني الضابط قائد، كامو يعتذرون، كتلهم هذا اشتكي عليه والا اسجنك اخذوا من عندي وراحو باوعت لوديان عيونها غركانات من الدموع

وديان: خرررب حظي اي والله هذا شجابة هنااا، وسوالي سالفة دائما تصير هل سالفة وتالي اطنشهم همة يملوون ويروحون شجابك يا قائد

كام يضرب بالولد وخفت هو طلع ويا الشرطة مدري شيحجي وياهم، اجة واحد من العمال الي يشتغلون بالمول كال المدير يصيحلج

رحت عليه وكال انتي مطرودة، سوالنا مشكلة خطيبج وما عايزين مشاكل احنة واحنة استغنينة عن خدماتج،

ضليت مصدومة هذا منو كايلة خطيبي، طلعت من غرفة المدير وكل العالم تباوعلي بنظرات مااعرف افسرها الكل شاف العركة

وعرفوني اني صاحبة المشكلة، امشي ومدنكة راسي والعالم تباوعلي باستهزاء او نظرات بنت مااعرف شحجي صعب هالموقف

وكأن اني سويت جريمة، كل شخص كام يحجي بكيفة ويألف قصص علية، شي انو اني خنت خطيبي ودااحجي ويا واحد بالمول

وشي اني متفقة وياهم واضحك عليهم، يعني اني صعدت للطابق الي كنت بي دااخذ غراضي وسمعت اشكال الحجي

الله اليعلم بعد شحجو علية، دموعي نزلن. ليش هيج يااربي اني شسويت، اخذت جنطتي وغراضي من نداريت شفت قائد

شكد كرهت هل انسان احسة يتعمد يذلني لاءن يشووف ما عندي احد

قائد: تقربت منها وكلت، شبيج تبجين منوو وياج

وديان: باوعتلة والدموع بعيني، مااالك دخل بية، صحت بي وطلعت من المول

قائد: لحكتها. مشي وراهة عفت السيارة، اباوع دخلنة بشارع فاارغ صحت ودياان اوكفي مو دااحجي وياج ركضت صرت يمها

وديان: انت شنو تريد مني بالضبط، كافي ترااا هنتني واذيتني وطردوني من شغلي وخليت سمعتي جواا الكاع خليت اليسواا والما يسواا يحجي علية

بعد شتريد تسوي اكثر عوفني بحاالي يااخي شفتك بس يومين وجبتلي مصاايب

قائد : كوة متحمل حجيها، اني ما سويت شي غلط اني داافعت عنج وظربتة

وديان: اني اعرف ادافع عن نفسي، هاي الاشهر كلها كضيتها اني ادافع عن نفسي وعن خواتي ما محتاجة منك ولا من احد ثاني يداافعلي

رجائا رجاائا مااريدك تتعرضلي عووفني بحالي يكفي الهم الي بية

قائد: حجت وعافتني وراحت، شكد انقهرت من كلامهة وحزت بقلبي مع انو ما ردت ااذيها وكل هذا سويتة ما تحملت من شفت واحد ينطيها رقمة ويحجي هيج

هاهية وديان بعد مااتعرضلج. كنت احجي بداخلي رحت جبت السيارة ورجعت للبيت ضايج ومخنوك

دكو علية اصدقائي رادوا يطلعون، ما طلعت ويااهم مالي واهس، حسيت بالذنب لاءن طردوها من شغلهة هذا مصدر رزقها واني قطعتة بس بنفس الوقت فرحت ما راح تطلع وتخلي العالم تشوفها

مااتحمل احد يباوع عليها

وما عداا الحجي الي سمعتة من الناس اوووف شسوي هسة

وديان: رجعت للبيت راسي راح ينفجر

منى : اشوو من وكت جاية مو من عوايدج

صابرين: وديان شبيج شنو كنتي تبجين

ورود : احجي ورود شبيج

وديان: اني متعودة مااضم شي ع خواتي، حجيتلهن

ورود : عزاااااا كل هذا صار من ورا هذا الحلووو

منى: النوب اذا تكولين حلوو اكص لسانج، هذا ما عندة رحمة لاءن يشوفنة ما عدنة احد جاي يستقوي علينا

صابرين: لا تنقهرين وديان، خيوولي انتي كملي بهذا شغلج مال الطلبيات ماكو داعي لشغل ثاني

وديان: اني ما مقهورة ع شغل اني انقهرت ع كلام الي سمعتة من النااس شلون كامت تألف علية قصص خلال عشر دقايق الفوو قصة كاملة

منى: هي هااي الناس ما عدها شغل وعمل بس تحجي ع عالم

قائد: كاعدين كلنا بالليل نتفرج تلفزيون واني بالي يم وديان وتاالي شرااح اسوي

ماجد: يمة اريد اطلب منج طلب

ام عبدالله: كول

ماجد: كولي الوديان خلي تسويلنا بيتزاا فدووة

ام عبدالله : يااا مو اول البارحة اكلت بيتزا شنو يومية

ماجد: والله ما ينشبع منها

ام عبدالله: باحر اوصيها

ماجد: اي وصيها خلي تسوي 2 وحدة صغيرة الية ووحدة لقائد جبيرة

ام عبدالله: وليش القائد جبيرة

ماجد: مو راح تصير زوجتة غير تدللة

احمد: يمة لعد اني هم اريد كبة وصيهاا فدوة

مصطفى: يمة اني اريد الكعك ابو التمرر

ام عبدالله: يااا شجااكم الي يسمعكم يكول اني كلشي ما مسويتلكم ولا طابختلكم

ماجد: لا يمة مو هيج بس اكلها ما ينشبع من عندة

قائد: كانوا يحجون واني ساكت

ام عبدالله: اشبيك قائد ليش ضايج

ماجد: اليوم زوجتة زعلااانة عليه

قائد: نجب منين جبت هذا الحجي

ماجد: لعصفورة كالتلي

احمد: لا صدك كول معقوولة زوجتة المستقبلية زعلانة عليه

قائد. انجبووو ثنيناتكم تراا ابتلي بيكم

ام عبدالله: كول يمة شبيك شنوو صاير وياك

قائد: ماكوو شي بس تعبان

ماجد : شووف الجذب يكوول تعبان هو انت شمسوي

قائد: وتاالي تسكت لا تعرف شيصير بيك

ماجد: سكتت

وديان: مرت 3 ايام ايدي صارت زينة بس بعد اكو اثر، عابتلة شكد ايدة قااسية هو كله ع بعضة قااسي

اجتي ام عبدالله علينا سالتني ليش تركت الشغل بالمول عرفت قائد ما حاجيلهة طلعتلها الف عذرر

اني استمرريت بشغلي وما طلعت بعد من يومها بس للسوق ويا ام عبدالله اروح للضرورة وبعد ما شفتة نهائيا، احس فدشي ناقصني بس بنفس الوقت خلصاانة من عندة

قائد: امي فتحت موضوع وياية وكالت اروح اخطبهة الك وديان ومنى مو هسة لمن تكمل سادس ما قبلت وكلتلها سدي الموضوع هسة

خلي تعدي هاي السنة وديان خلي تكمل سادس يلا نفتح موضوع مااريدها تنشغل واصلا اني مااضمن هي توافق علية

خلال هاي الفترة بعد ما شفتها كنت اوكف قريب ع مشتمل واباوعلهة من تطلع وتنطي الطلبية للناس الي يجوهة بس هي ما تنتبهلي

اشتاقيتلهة اووف شوكت تحس بية، واني هم ابتعدت عنها مااريد تصير مشااكل من وراية

وديان: رحاب صديقتي خابرتني كالت اليوم العصر اجي عليج ، كمنة نرتب البيت وكذا ولو هي مو غريبة

اندكت الباب عرفت رحاب لبست شالي وطلعت

فتحت الباب رحاب وزوجها، زوجها سيف سلم علية من بعيد وكذا، رفعت راسي شفت كبالي تلقائيا قائد بعيد عني بكم امتاار، هذا شنو واكف يم بابنة شنو ديراقبني

دخلت جوا وكمنة نحظن ببعض اني ورحاب مشتاقتلهة صاار هواي ما شايفتها

وديان: ولج شخباارج شلونهة عمتج وياج

رحاب: خطية حبابة وياية، هي مرة جبيرة بالعمر واني ما مقصرة وياهة واخدمهة لذلك تحبني وما مأذيتني الحمدلله

وديان: الحمدلله

رحاب: اكول هاي شبيها ايدج ليش هيج لونها ع ازرك

وديان: تعلثمت بالحجي شكوللهة، ورود من يمها نطت وكالت

ورود: هذااا الحلوو ابو شوارب جرها من ايدها

رحاب: شنووو لج قصدج الضابط

وديان: اني حاجية لرحاب ع كل خطوة صارت و ع قائد، اي هو

رحاب: مو كلتي مساافر

وديان: اي اجة من السفر، ومن اول يوم الي اجة سواالي مشكلة وطردوني من المول

رحاب: هااي شنو شصار احجيلي

وديان: الي صار .........

رحاب: تدرين والله حبيت هذا ابو شوارب، مبين يخاف عليج

وديان: مااريد احد يخاف علية وخاصة هو لو بس يبتعد عني اني بخير

ورود: لا عفية ليش تحجين هيج عليه والله حباب وحلو

منى: اكولج ورود شبيج خبصتينة بي بس تمدحين بي و كل النهاار ع لسانج حلو وحلووو شنو الموضوع اخاف نعجبتي بي واحنة ما ندري

ورود: انجبي لج انعجب بي شنووو هو بكد ابوية، بس مااعرف حسيتة حباب وتمنيتة ابووية

وهوو تراا صدووك حلووو

رحاب : اي ما كتلج

وديان: شنوو

رحاب: اني حاامل

وديان: صدووووك الف الف مبروك حبيبتي

رحاب: الله يبارك بيج عيوني

وديان: راح اصير خالة يعني، طبعا انتي اختي الي ما جابتها امي

رحاب: اكيد واحلى خالة هم

وديان: اكلج مرت ابوج شخبارها هم تروحيلها

رحاب: اووي ختولي لا تجيبين طاريهة، اني كل فترة وفترة اروح لخاطر ابوية اروح واسئل عليه ولا اني ما ميتة ع شوفتها

وديان: يلا المهم خلصتي منها

رحاب: اي الحمدلله

منى: اكول رحاب، اذا. طلعتي حامل بولد شتسمينة واذا بنية هم شتسمينها

رحاب: والله اذا ولد هو سيف يسمي اني معلية، واذا بنية عاجبني شهد

صابرين: ايي حلو شهد

ورود: لا لا سميها عسل

منى: نجبي ورود عسل شنووو محلووو

ورود: شبي عسل اصلا يخبل الا اسمي بنتي عسل

منى: اي سميها عسل والولد سمي كيمر وانتي كاهي وزوجج جاي وتريكوو

رحاب؛: خرررب يوومج منى 😂😂😂

ورود: ليش هيج كل مااحجي تحطمين معنويااتي ليش

وديان: لا حبيبتي معليج بيها شتريدين تسمين سمي بنتج

ورا ساعتين اجة زوج رحاب واخذهة، ردتها تبقة ع عشة ويانة ما قبلت كالت عمتي وحدهة بالبيت راحت صدك حسيت بتغيير جو من هي موجودة كضيناها سوالف وضحك

قائد: كل يوم اروح اوكف قريب ع مشتمل مال وديان، واضل اراقب الرايح والجاي، جنت واكف اشو اجتي سيارة طبكت ببابهم

نزل ولد شاب منها وويا بنية، طلعت وديان وسلمت عليه والبنية دخلت جواا والولد راح، هااي منو ضليت مصدوم هي مو ما عدها احد

ضليت لازك بمكاني، لحد ما رجع الولد واخذ البنية الي اجتي ويا، ضلت حسرة بكلبي اريد اعرف منووو هذولي

رحت للبيت باللليل اخواني كاعدين لا شغل لا عمل وامي تفتر منا ومنا صحت

يمة يمة وينج

ام عبدالله: تعال يمة اني بالمطبخ

قائد: دخلت بالمطبخ ولحكووني اخواني، شكووو وجع ع شنو اجيتو

ماجد: غير نعرف شتريد من امي

قائد: استغفر الله وانتو شعليكم

احمد: مو انت هل ايام صاير كلامك ويا امي كله عن زوجتك المستقبلية

قائد: باوعتلهم ودرت وجهي ع امي، يمة انتي مو كلتي ما عدهن احد

ام عبدالله؛: اي ماعدهن احد، ليش

قائد: اشو اليوم اجتي سيارة يمهم ونزلت بنية ووياها شاب دخلت البنية ضلت ساعتين ورجع اخذهة الولد وراح يعني مو تكولين احد الزبائن

ام عبدالله: هاااا عرفتها، هاي اسمها رحاب صديقتها من زمان دائما تجيها

قائد: متأكدة

ام عبدالله: اي يمة لعد شنووو دائما تجيهة صديقتهازهاي من الطفوولة

ماجد: خررب عرضك وانت ضليت كاعد يم بابهم ساعتين

قائد: اييي مو ردت اعرف منوو هذولي

احمد: اي عيني مسوي البيت مالتها برج ايفل وكل النهر يمة

قائد: انجب، اكول مصطفى

مصطفى: كول

قائد: شبيك شو مبين ضاايج

مصطفى: لا ما بية شي

ماجد: يااا شلون تريدة ما يضوج صارلة هوااي ما شايف زوجتة المستقبلية

مصطفى؛ وتااالي مااجد

ماجد: اهوووو شبيكم كل مااحجي تسكتوني

احمد: لاءن سوالفك طايح حظها

ام عبدالله: ترااا والله ظوجتوني راح اروح يم البنات شوية صار كم يوم ما شايفتهن

ماجد: يمة اماانة اخذيني وياج

ام عبدالله: يااا اخذك شنووو هو انت طفل

ماجد: اريد اشوف هاي وديان، ضلت حسرة بقلبي اريد اشوفها

قائد: تنجب وتنطمر هنااا تشوفهة شنوو

ماجد: شبيك تراااا ما راح اكلها والله

ام عبدالله: يلا اني راح اروح مااتاخر بس اطمئن عليهن واجي

ماجد: يمة سلميلي ع ودياان وبوسيلي ياها

قائد: ردت اكوم اخنكة، كمت من مكاني وجريتة حيللل، اشو انت ما تحترم نفسك

ماجد: هيييي شبيك غير مرت اخوية وتبوسلي ياها

قائد: راح اخنكك ترااا

ماجد: خررررب دوخر دااشاقة

قائد: لا تتشاقة هذا الشقة ترااا ادفنك

ماجد: مو صوجكم، صوجي اني هنااا كاعد يمكم واسولف وياكم اروح اطلع احسلي بلكت اشوفلي بنية حلوة ولا وجوهكم الكشررة

قائد: امشي ولا يلااااا

وديان: اجتي ام عبدالله تطمئن علينة شوية وراحت، اليوم ضلينة سهرانين نسولف، رحنة ننام، خواتي كلهن نامن بس اني بقيت افكر بقائد وبحياتي وبخواتي كل الافكار تجمعت ببالي

تذكرت امي الله يرحمها دمعت عيوني ردت اختنك من البجي مااتحمل، طلعت من الغرفة رحت نزلت جواا وكمت ابجي واعاتبها يمة ليش عفتينة وحدنة

محتاجتج يا امي والله محتاجتج، احاوول امثل القوة كله لخاطر خواتي انتي تركتيلي امانة جبيرة يمة ليش عفتيني كنتي بس انتي الوحيدة

تحسين بية هسة محد يحس بية يا يمة والله مشتاقتلج، حتى القبر مالتج مااعرف مكانة بالضبط

..أمس چانت من تجينا..تجيب وياها شمس 💝

أمس أمي تهل علينا چن زفة عرس 😔

يمه مشتاگه لأيدج 

بيچ جيه ؟لو أجيچ ؟

يمه ضايعه أني بعدچ 

فدوه سلميلي عليچ 💔😢...

ربي يرزقك الفردوس الاعلى يانور عيوني مشتاقتلج 😔

وديان: مرررت الايام وخلصت العطلة، طبعا بللعطلة ام عبدالله جابتلي ملازم وكتب ابنهة ماجد كان سادس وضليت اقرة بيهن

وجابت لوديان هم ملازم مصطفى جايبلهة يا، من ساعتها عرفت بمصطفى مهتم لمنى بس منى ما بادرت باي مشاعر تجاهة

واني فضلت هذا الشي مااريدهة تلتهي بغير شي اهم شي دراستها

خلصت العطلة وصااار وقت المدررسة والسادس وشلعاان القلب عدن اول اسبوعين ع خير بس بعدها صاار حدث ما خطر ببالي

يتبع