بارت 15
الكاتبة. Zainab_Farqad
"هناك خير في كل شر ،لا احد يعرفه الا الله "
🎀🎀🎀🎀🎀🎀🎀🎀🎀🎀🎀🎀🎀🎀🎀🎀
بعد مرور مدة طويلة
خلصت المدرسة بالنسبة الي وبالنسبة لمنى اجتي عطلة المراجعة تعبنا حيل وهلكنا من القراية
بهل فترة ورود اتحسنت ما بيها شي بس مثلا اذا نطلع لمكان وتشوف ماجد تتخبل مدري وين تريد تضم روحها واحنة نحاول تتجنب شوفتة
ورود وصابرين يداومن سوية بعدهن اكثر من مرة شفت قائد من اودي الطلبات يكون جاي من الدوام مرة نزل من السيارة ووكفني بنص الطريق
قائد: وديان. لحضة اوكفي
وديان: ارتبكت. نعم شتريد
قائد: وديان صدكيني اني احبج ونيتي وياج زواج داانتظرج نكملين سادس واخطبج
وديان : وحاليا شنو المطلوب مني
قائد: موافقتج
وديان: ومنو كلك اني راح اوافق، قائد انت اكثر واحد تعرف وضعي وخواتي
شلون اعوفهن مااكدر اني قاطعة عهد ع نفسي ازوجهن يلا افكر بنفسي
قائد : ليش تصعبين الامور كلشي ينحل واني مستعد انتظرج
وديان : لا تتأمل من عندي شي قائد شوف حياتك واتزوج اني طريقي وياك مزدود
قائد: لا تصعبين الامور اذا الله كاتب يصير، يعني افهم من كلامج انتي مرايدتني
وديان: اي ماااريدك
قائد: انصدمت ليش شنو السبب
وديان : كتلك مااريدك ولا اريد غيرك اريد اشوف مستقبلي رجائا اخواتي ما عدهن احد غيري واترجاك لا تطلع بطريقي
قائد: احس الشر كام يطلع من عيوني، مو بكيفج وغصبا ماعليج اخذج افتهمتي
وديان : ضليت مصدومة من كلامة كم ثانية ومشيت تركتة فجئة جرني من ايدي
ضليت اباوع بالشارع خايفة خاف اكو احد الحمدلله الشارع جان فارغ وهذا ماخذ
راحتة
قائد: ما تحملت برود اعصابهة وعافتني وراحت جريتهة من ايدهة
وصرت اعصر بايدهة حيل، وديااااان لا تلعبين وياي ع شنو شايفة نفسج والله
اندمج
وديان: اخ اخ ايدي اترجاك عوفني احنة بالشاارع كاافي هو شنوو
غصب ياااخي اكرهك تعرف شنو اكرهك كل مااشوفك تسويلي مصيبة عوووفني بحااالي
قائد: تركت ايدهة واني مصدوم من الي تحجي معقولة لهل درجة تكرهني عفتها ورحت
وديان: من عافني نزلت دموعي مو وجع من ايدي بس وجع ع خيبتي وجع. ع نفسي
الي ما عشت يوم راحة بجيت لاءن من صدوك دااحس بمشاعر اتجاه قائد واحبة بس
مانطيتة ولا ذرة امل ينتظرني مااريد يتعلق بية وادري ويا طريقي مزدود
كنت افكر وسرحانة جفلت ع صوت هورن سيارة
ابتعدت بسرعة ورحت وصلت الطلبية واني بغير عالم حتى من رجعت للبيت ماالي خلك ادرس،
شفت خواتي متجمعات، ابتسمت ع شكلهن كلت لازم اكون قوية علمودهن لازم ادرس حتى اطلع معدل عالي واكون قدوة الهن
وياربي منى هم تطلع معدل عالي حيل تعبت حتى ضعفانة وذبلانة من القراية
ورود: هييييي صااابرين وين صاافنة
صابرين: ووجع شبيج ما صافنة
ورود: خايفة من نظراتج، هاي نظراتج وراهن شي اني اعرف نظراتج
صابرين: تدرين ليش احبج
ورود : ليش
صابرين: لاءن تفهميني، لذلك اريد تساعديني
ورود: بشنو اساعدج
صابرين: باجر تعرفين
ورود: بس لا خطة علموود احمد
صابرين: اشش نصي صوتج لا احد يسمعج
ورود: والله انتي مخبلة مو صاحية
صابرين: معليج لازم انتقم ع الي سواا بية
ورود: شراح تسووين
صابرين: معليج كتلج، واذا كلتي لوديان ما تلومين الا نفسج
صفنت واتذكرت الي صار وياي
طلعنا اني. و ورود دنروح للمدرسة لاءن منى ووديان معطلات دنمشي سوية تقريبا وصلنة الشارع المدرسة
ورود شافت صديقتها وكامت تسلم عليها وضلت تخرط وياها سوالف بالشارع كلتلها راح اروح قبلج للمدرسة كالت اي
داامشي وااحس الا اجتي سيارة طايرة كبالي كوة سيطرت اعبر ع جهة الثالنية
وانجرحت رجلي بحديدة السيارة من جوة انشكت الصدرية وانجرحت رجلي ماكدرت
اسيطر وكعت بالكاع
اجتي ورود تركض هي وصديقتها ونزل شخص من السيارة مااعرف منو هذا كام يصيح
الولد؛: هيييي ما تشوفين كدامج
صابرين: انت اثوووول ليش طاير بالسيارة ماتشوف نااس دتمشي
الولد: لج احترمي نفسج شنوو اثول
صابرين : اخ يمة رجلي، وفوكاها ما تعتذر
الولد: مااعتذر انتي الي غلطانة مدا تمشين ع رصيف هذااا شارع عام تفوت سيارات انتي امشي ع رصيف
صابرين: تراا ادري اني دااعبر ع جهة الثانية وانت اجيت
ورود: شو كومي ع رصيف اكعدي دااشوف رجلج كعدتهة وراح الولد نزل بطل ماي
من السيارة وخرت الصدرية الي جانت مشكوكة والجرح هواي دتنزف دم انطاني
كلينكس وصابرين كوة متحملة تون من الوجع
الولد: اوديها للمستشفى
صابرين: ماايحتااج بس روح منا اصير بخير
الولد: صدك ما عندج اسلوب مو صوجج صوجي اني
ورود: ما يحتاج خوية راح اوديهة للمدرسة وهناك يضمدولهة يا
صابرين : لا والله روحي بوسي ايدة، فوك ماهو الغلطاان
الولد: اخر مرة اسئل اوديج للمستشفى تحتاجين شي بيج شي ولو مبين مابيج شي لسانج شطولة
صابرين: كتلك ماابية شي
الولد: ركبت سيارتي ورحت
صابرين: شووووفي هذا التااافه ما صدك بسرعة رااح حتى مااعتذر من عندي
ورود: عوفي هسة اهتمي بنفسج، نروح للبيت لو شلون
صابرين: لا لا اذا نروح للبيت وديان تنخبص والا توديني للمستشفى واني ما بية شي مااريد تلتهي خلي تقرا يكفي الشغل والدراسة
نروح للمدرسة واكوللهم اندعمت قريب ع مدرسة وخلي الادارة يضمدولي ياها
ورود : يلا امشي خلي اسندج كومي
صابرين: وصلنا للمدرسة وكلنالهم ضمدولي ياها والمرشدة التربوية اخذتني
بخرفتهة خيطتلي الصدرية شوية اكو وجع ومن امشي ع كيفي لازم شكد دعيت عليه
حتى مااعتذر من عندي
كملنا وحلينا من المدرسة دنمشي اني وورود ساندتني فتنة من فرع بيت ام عبدالله طريق مختصر داامشي وكفت بالطريق
ورود: شبيج شو وكفتي
صابرين: لج شوووفي هاي السيارة مو نفسها الي دعمتني واكفة بباب بيت ام عبدالله
ورود: وقابل بس همة عدهم من هاي السيارة شمدرينة هي امشي
صابرين: لج لا تجرين بية مااتحرك الا اعرف هي لو مو هي جنت دااوخر بايد ورود ورفعت راسي سفت واحد طلع من بيت ام عبدالله
ولج شووووووووفي هذااا هو نفسة مو متلج احساسي ما يخيب
ورود: اي والله. هو،
صابرين: هذاااا شيصير من ام عبدالله
ورود: لج هذا يمكن ابنها الرابع احمد بس بقى هذاا ما شفناا
صابرين: هااا اي والله يمكن هو، من طلع من البيت جان ديخابر فتح السيارة
مدري شطلع من عدها وطب واحنة وراها بشوية فنة يعني ما شافنا
نفضت الافكار من راسي ع صوت وديان تصيحلنا ع عشة
ورود: شبيج وديان شو مو ع بعضج
وديان : ما بية شي راسي يوجعني من القراية
وديان: تركت الاكل وكمت مالي نفس اخذت كتابي احااول اقرة مااكدر تالي سديت الكتاب ونمت وضليت افكر مااعرف شوكت غفيت
صابرين: ثاني يوم دوامي مسائي دااتحظر للخطة، كمت احط علبة الالوان تكون الوان طوخ بس تنمسح بالمي
ورود: خير شسوين بهذني
صابرين: ارسم
ورود: عدكم فنية
صابرين: لا
ورود: لعد شنو
صابرين: معليج امشي كملتي
ورود: اي كملت، الله يستر منج
صابرين: طلعنا من البيت فتنا بفرع ام عبدالله كمت اتلفت ماكو احد والسيارة موجودة بالباب
ورود امشي منا
ورود: لج وووين تعااي شراح تصخمين
صابرين: جريتهة وياي وكفتهة بطارف السيارة اوكفي هنااا وشوفي خاف احد يجي
ورود: ليش تدخلينا بمشااكل مااعتذر منج خيوولي ليش هيج تسووين
صابرين: حطيت الجنطة بالكاع وطلعت الالوان وبديت ارسم ع سيارة، ورود
تدرين بية الا اخذ حقي والي يكلي كلمة اردها بعشرة تعلمي مني اخذي حقج بيدج
وانتقمي
ورود : يلا لج فضيها هسة يجي احد وننفضح
صابرين:
كمت ارسم اشكال تخرع واني رسامة متقنة الشغلة فبسرعة ارسم رسمت مثل الشيطان
والا كروون وكتبت احمد التاافه ما خليت شخابيط ما شخبطت
ورود: ولج يلااا عاد
ما حسينا الا بس ع واحد صاح شدسووووون
ماجد: من بعد هذيج السالفة تبت من البنات وقليل اصادق حتى لو بس مراسلة
حسيت بخطأي وتندمت ع الي سويتة بالبنية صارت كل ما تشوفني تنفر من عندي
كرهت نفسي وعاقبت نفسي بس مدا اكدر ارتاح
اليوم عندي اوف بالكلية واحمد هم عندة اوف تقريبا الساعة 12 طلعت من البيت
ضجت وصلت لباب الشارع اجتني اشعارات بالموبايل والتهيت اشوف بيهن
بس كمت اسمع صوت بنات يسولفن وحدة تستعجل الثانية انتابني الفضول شديسوون
فتحت الباب ونصدمت من شفت اثنين بنات وحدة ترسم ع سيارة وثانية تراقب بس
ثنيناتهن مندارات ما منتبهات
صحت بيهن شدسوووون
صابرين: جفلت بمكاني كلت هذا احمد رفعت راسي طلع اخوه يمة متت خوف
ورود: جفلت من الصوووت هذا الصوت اعرفة انداريت وشفتة كمت ارجف اخس بعد
مااكدر اسيطر كوة رجليني مشت خطوتين وحضنت صابريت كمت احجي بصوت عالي من
الخووف، فدووة خل نرووح منا اخاف
ماجد: نسيت السالفة اصلا وليش هنا ديرسمن ضليت صاافن ع ورود الي لحد الان تخاف من عندي
صابرين: بس لحضة خل اخذ الجنطة والم الغراض ونروح
ماجد: شنو هذا الي سويتي، خزرتهة
صابرين: ماالك دخل
ماجد: شنو مااتدخل هذا الي سوووويتي شنووو
صابرين: يعني اذا عكست السؤال راح اجاوبك. والله يالله
احمد: نسيت الهيتفون بالسيارة طلعت اجيبهن وسمعت صوت صياح طلعت وشفت البنية الي دعمتهة وماجد ووياهم البنية الثانية
هاي شكووو شديصيد دااحجي وعيني صارت ع سيارة وشفتها، هاااااااي شنوووووووو
شسويتي لج
صابرين: كمت ارجف من الخوووف، احسن رديتلك ياها حتى تعتذر مرة ثانية
احمد: لج شو ما عندج احترام انتي عديمة تربية
صابرين: مترباية احسن من عندك والدليل اذا واحد يخطأ يعتذر وانت مااعتذرت
واني الي يعاديني بشي اردهة الة واخذ حقي وصارت وحدة بوحدة افتهمت
احمد: انتبهت ع بنية الي وياها خاتلة ورا ام لسان وخايفة ودموعها يجرن هاي
شبيها ليش تبجي معقولة خايفة اسويلهن شي اشو اختها متخاف لعد
صابرين: اخذت جنطتي وغراضي وجريت ورود قبل لا اروح كلت لماجد
صابرين: لوما اختي وديان واكفة بوجهي جان عرفت شلون انتقمت الاختي من عندك ع الي سويتة بيها
نااااس ما تستحيي جريت ورود ومشيت بسرعة تأخرنا ع مدرسة الجرس داك
ماجد: ضليت مصدوم من حجيها، ما توقعت ورود هيج تخاف فد مرة الا شوية تتخربط من الخوف
احمد: ضليت صاافن، هي هااااي ورود الي جانت تبجي
ماجد: هزيت راسي اي
احمد: وهاي وياها اختها ام لسان شكد وكحة وصلفة
ماجد: انت شسويتلهة
احمد: حجيتلة السالفة
ماجد: بس انت هم صوجك جان اعتذرت من عدها
احمد: دختووولي اكولك هي صوووجها ، لك شوووف شمسوية بسياارتي هذا بالغسل يروح موو
ماجد: ماادري شوف
بس شوف هنااا شكاتبة 😂😂😂😂😂😂 اخ يابة متت ضحك راسمتك فدشي يعني مطلعتك واحد ثاني ومسويتلك كرووون 😂😂😂😂😂😂😂
احمد: تنجب لا اموتك روح جيب غراض الغسل خل نغسلها
اني الج اردلج ياها لو بعة 100 سنة، صفنت ع رسمها حلووو رسمها بس لما هاي الشخابيط
يعني معقولة اني هيج مسويتني وحش
ماجد: الزم اغسل سيارتك، يلااا باي
احمد: لك تعال وين وين رايح
ماجد: انت تحمل اخطائك تعلم غلطك علمود لا تندك بيها مرة ثانية جاوووو
احمد: اغسل بالسيارة واني اسب بيها يعني شوية بصعوبة يلا يروح اللون
صابرين: ورود كافي مسحي دمووعج خيولي ميسويلج شي
ورود: مو بيدي اخاف من عندة،
صابرين: كافي حبيبتي راح نرجع للبيت وانتي بعدج كل ضديقاتج انتبهن لازم تقاومين الخوف وتتغلبين عليه
وديان: مرت الايام واني افكر بقائد مااعرف ليش هلكد تعلقت بي، وخلصت فترة المراجعة واجتي الامتحانات
هلكنا وتعبنا حيل، عدنة اول يوم امتحان احنة ابد ما نايمين خايفين حيل، دنراجع، كملنا مراجعة اخير شي دنبدل
سمعت صوت الباب يندك، منووو
ام عبدالله: اني خالة فتحي الباب
وديان : فتحت الباب الم عبدالله جايبتلنة ريوك خطية
ام عبدالله: ادري بيجن ما راح تتريكن وخايفات من الامتحان ما تطلعن اليوم اذا ما تتريكن
وديان: تسلمين خالة مااعرف شلون اشكرج، دمعت عيوني تمنيت امي ويانة وهي
الي تكلنا لا تخافن وهي الي تسويلنا ريوك وهي الي تدعيلنا. الحمدلله ع كل
حال
كملنا دنطلع، ام عبدالله كالت قائد يوصلكم ما قبلت بس هي اصرت، احنة كل وحدة بمدرسة صارت مراكز امتحاناتنة اني ادبي ومنى علمي
بس اثنيناتهن قريبات ع بعض، سلمنة ع قائد ام عبدالله هم راحت ويانة يوصلها بطريقة للسوق متعودة من الصبح تروح ماكو ازدحام
كنت اراجع بالسيارة واهز برجلي واطكطك باصابيعي من الخوف
قائد كل شوية يباوعلي من المرايا الامامية بس مو مثل كل مرة هل مرة نظرتة قاسية قاطب حاجبة حسيتة شخص ثاني
وصلنة وامتحنة الحمدلله خلصت الامتحاناات ع خير هواي تعبنا بيها
صار يوم النتائج كالو يطلعوها ع نت واحنة ماعدنا ام عبدالله كالت اذا طلعن اخلي مصطفى يشوفهن
ماجد: اكولك مصطفى اليوم يمكن نتائج السادس
مصطفى: احلف، كاعد وكمرت من مكاني فتحت الحاسبة ع سريع
ماجد : ع كيفك يمعووود الي يكول النتائج مالتك
احمد: عوفة خطية مستقبل مرتة شلووون لعد ما يشوفة نتيجتها
قائد: جاي من الدوام وتعبان كنت نايم ونزلت سمعتهم يضاحكون، شكو شكو شبيكم
ماجد: النتائج مال السادس اليوم
قائد: كووول والله رحت بسرعة وكفت يم مصطفى
احمد: هاااك استلم عود هذا الجبير
ماجد: مستقبل زوجاتهم في خطر جاي يترقبوون
قائد : هااا مصطفى
مصطفى: مدا ينحملن اذا هو الشعب لعراقي كله فاتح الموقع
ضليت احااول طلعت المدرسة صحت ع امي يمة اسمهن الرباعي شنووو
ردتلي يا امي وطلعت اسم منى، يمةةةةةةةة
ام عبدالله: كول شكو
مصطفى: منى معدلها 97
ام عبدالله: كلووووووش، ووديان
مصطفى: لحضة دااشو
قائد: دعيت ياربي ناجحة بالمعدل الي يرضيها
مصطفى: معدلها 89
ام عبدالله: كلوووووووش يستاهلن بنياتي
قائد: يطلعلها قانون مو
مصطفى: اي يطلعلها
ام عبدالله: دكيت ع وديان، الو يمة وديان طلعت النتائج
قائد جر الموبايل وفتح سبيكر
وديان: صدووك خالة طلعت، فدوة شكد معدلاننة راح نموت، كاعدين كلنا ونترقب راح انجلط من الخوف
ام عبدالله: معدلج 89 ومعدل منى 97.
وديان: عاااااااااا عطنا كلنا بفرح
منى: معقوووولة اني الحمدللله ياااربي
وديان: الحمدلله يااارب الحمدللله ما ضيع تعبنا
قائد: استمع الها واني مبتسم فرحت لفرحها
مصطفى: جنت سرحان واني اسمع صوت منى جفلت ع ضربة ع راسي من ماجد
ماجد: ابووو الشباب لا تصفن، زوجتك راح تصير دكتورة منو يكووول تقبل بيك
مصطفى: انجب لك، اخذتلي صفنة معقوولة ترفضني لاءن طلعت معدل عاالي
ام عبدالله: ماجد روح جيب جوكليت من السوبر ماركت
ماجد : يوووم ما بية حيل
ام عبدالله: دكوم ياابني اريد اطشة ع بنات
ماجد: هذولة مو 3 عندج غيري ما تدزينهم لو بس ماجد المكرود بكل سالفة بيها تعب تدزوني
ام عبدالله: تكووم لو شلون
ماجد: اي راح اكووم
وديان: ما مصدكين نجحنا وبمعدل عالي الحمدلله وخواتي الفرحة ما سايعتهن
انتبهت عندي طلبية بعد ساعتين وطحين ما عندي عزاا شلون ماالحك من راح يجيبلي طحين هسة
ورود : اني اروح
وديان: لا شلون اخليج تروحين وحدج، اني جان رحت بس ما بية حيل والله
ورود: اي شبيج اني اروح هو السوبر ماركت قريب، بعدين اريد اتعود اطلع
وحدي اريد اعتمد ع نفسي خما تضلون وياي طول العمر لازميني وين ماتروح
وديان: ماشي بس مو تتأخرين
ورود: اكتبي الي تحتاجي بين ماابدال
ورود: اخذت القائمة ورحت للسوبر ماركت تكو شوية خوف بداخلي لاءن طلعت وحدي بس لارم اتغلب ع هدا الشي
وصلت ودااشتري الغراض السوبر ماركت جبير دخت لما لكيت الاشياء الي اريدهن
داامشي شفت جوكليت كلت اخذ بمناسبة نجاح وديان ومنى داادفع بالسلة ورفعت
ايدي من دااجرة حسيت ايد طخت ويا ايدي جفلت عبالك صارت صعقة كهربائية بايدي
انداريت بسرعة وشفت ماجد يمة هو قريب من عندي حيل ورجع الشعور الطايح حضة
شعور الخوف
هو انصدم وابتعد شوي اني اخذت السلة بسرتة ومشيت حتى
الجوكليت نسيتة رحت حاسبت واخذت الغراض بسرعة هو وراية جان بس ما نداريت
ولا اهتميت اله بس بداخلي خوف مو طبيعي حسيت راح يتعرضلي
ماجد: هاي سعدها طالعة وحدها، واختها شهجب خلتها تشتري غراض وحدها
ام عبدالله: رحت للبنات دكيت الباب طلعت صابرين دخلت عليهن لكيته كاعدات طشيت عليهن الجوكلين واني اهلهل
كلووووووووش، يمة بنياتي تستاهلن مبرووك يمة
وديان، ومنى، الله يبارك بيج خالة تسلمين
ورود: كعدنة نسولف واني تربعت وضليت اكل جوكليت اجيب واكل
وديان: كافي ورود لا تكثرين حلا مو زين عليج
ورود: يووو مااكدر اقاوم
وديان: ورود علمودج مو زين
ورود: بس هاي اخر وحدة
ام عبدالله: من شفت ورود انقهرت عليها حسيت بالذنب من ورا ابني مدا تكدر تاكل علمود السكر اوووف ربي يسامحنا
ام عبدالله : وديان عندي وياج موضوع وحدنا
يتبع
ليست هناك تعليقات:
إرسال تعليق