السلام عليكم
اليوم راح نبدي مع اول قصة بعنوان
قدرك افجع قلبي
للكاتبة
سارة المجيد
القصص كلها منقولة يعني مو اني اكتبها
وكل قصة راح يكون الها قسم خاص حتى تكدرون اتابعوها بشكل منظم
نبدي بأول قصة
🌹🍃🌹🍃🌹🍃🌹🍃🌹🍃🌹🍃🌹
ســ أبقيك سراً كما وعدتك..!!
ليس خوفاً من شيء ، لكننا حين نبوح.. بِــ النعم أمام الجميع تزول وَ أنا أريدك حباً لا ينتهـي..!❤
مساء الخير والمسك والعنبر ع متابعيني الاعزاء
كثيراً ما نسمع عن قصص حب مؤلمة ، والتي نعيش كثيراً منها في حياتنا ، أو
يعيشها بعض الأشخاص المقربون منا ، قصص بعضها سعيدة وبعضها مؤلمة إليكم
نموذجاً عن قصة
« حـب مؤلــمهہ💔 »
...طبعا جثير قصص كاعد تجيني ومواضيع اكثر تنطرح عليه ..
لاكن كلها قصص عاديه صايرة بحياتنه اليومية ...
بس شفت كم قصة شدتني حسيتهن بيها احداث حلوة ف قررت انشرهن ك قصص قصيرة
حتى ليزعلون عليه اصحابها لان صار جثيير من دزوهن الي ...ومن ضمن هل قصص
..قصة متابعه الي بالبيج اسمها اريج من محافظة الانبار ...حبت تشاركنه
قصتها تعالوا نفتح الصفحة الاولى من قصة صديقتنه وانشوف شنو من احداث
واقدار جانت منتظرتها .....
طبعا البطلة تشبه البلوكر حنين مشهورة بالانستا اسمها ديفا 👇
والبطل يشبه الممثل كاران سينغ ..👇
القصة مثل مانوهت قصيرة بواقع 10 بارتات فقط
هسه انطي القلم لاريج تقص عليكم احداث قصتها
اريج ..شكرا سارة ..
هلو اني اريج مواليد ١٩٨٨ من الانبار ..
عندي اخوان ٣ محمد الجبير وعمار وبدر .. وخوات عندي ٢ منار ورنا ..
واني اريج ..امي الله يحفظها مره جبيره هسه ..
ابويه اتوفه من سنه ٢٠٠٠ جان عمري ١٣ سنة من فاتحة ابويه اتعرفت على عمي وابن عمي لان جنت ماعرفهم لان عمي جان زعلان ويه ابويه ..
ابويه موته جانت صدمه النه الله يرحمو جان مدللني كولش بحيث جنت اذا ابجي
بابا يظل يبوس بيه ويشتريلي اخواني يغارون مني يكلولو هاا بابا بس اريج هيج
تلعب وياها
بابا .. بزر الشيب لو دللتو مو عيب هاي بنيتي لحد يغار منها ولكم ...
صحت ع زوجتي كتلها فدوة ام محمد صبيلي جاي
ام محمد ..تدلل من عيوني
اريج ...اني جنت داغسل ايدي امي ودت الجاي لابويه كلتلو هذا الجاي اتفظل
ابوي ماكو منو نفس ..امي عبالها ديمثل عليها ويتشاقه وياها كلبتو منا شافت
الجها من خدو زركه اتصيح اتعيط ماكو نفس ..
كامت ادك وتلطم اني جنت ماعرف شنو شبي ابويه واكفه يم الباب مال الهول وابجي ..
اخويه ظل ايدوس على گلب ابويه يحاول وياه ماكو امي طلعت للشارع اتعيط
واتصيح الحكوني اجوي الجيران شالو ابويه البيت فرغ ظلينه اني واخويه بيت
جارتنه نبجي لحد ما مرت ساعتين اجوي الكل اتعيط وتبجي اني اجيت ركض الماما
كتلها ماما بابا وين
ماما ..ولج اريج بابا مات بابا راح سودة بوجهي يبووو راح ابو جهالي انهجم بيتي ..
اريج ..اني كمت اعيط وابجي جنت طفله ماعرف الفقدان وانصدمت بفقدان بابا
الي جان اعز انسان عليه بلكون ...اختي جانت مزوجه اجتي منهاره اتعيط بابا
وين عفتني بابا وادك وتلطم اختي الثانيه حامل اجتي تركض واتعيط وتبجي
واتصيح راح ابونه الغالي ..
اخويه اجه يحضن امي ويحضنه ويبجي
ويصبرنه وهو مكسور والثاني مريض وايكول ابويه مات ... الزغير اخذتو خالتي
ويه جهالها حتى ليخاف ..انسبينه اسبايه بذاك اليوم
صار ثاني يوم
الصبح جابو نعش بابا وصار العياط ماما انهارت وصارت عدها صدمه حته دمع ماكو
بعينها اخواني اتخبلوو بلبجي اختي خربت يم نعش بابا واختي الثانيه شالو
بابا وهيه صارت عدها ولاده اتصيح عوفوني ماريد اولد خلوني امي ادك وتلطم
تريد تلحك وره النعش ..عمي سد الباب ومخله امي تطالع
امي ..كمت اضرب بحماية واكولو خليني اطلع ولكم اريد اروح وياكم عوفوني لاكن للاسف مخلوني اطلع وره الجنازة بقونه بالبيت ...
اريج ..عمي لزم كدامها لامي مخلاها تروح ويه الجنازة وانهارت امي كولش ...
اني صارت عندي صخونه طول الفاتحه اختي تسويلي كمدات وابن خالتي ايوديني
للدكتور اجه ابن عمي احمد كالي اريج لتخافين اني يمج اصير صديقج وحبيبج
احمد .. اعرفكم بنفسي اني ابن عم اريج واحبها حب طفولة مواليدي ١٩٨٤ من
مات عمي صارت علاقتنه قوية ابيت عمي ابو محمد من شفت بنت عمي اريج اتعلقت
بيها ردت اكون الها السند والذخر ع زمانها ..
لان من مات ابوها
اتدهورت حالتها وهيه طفلة عاشت هل موقف كوولش صعب عليها متحملت صارت عدها
صخونه خفت عليها بقيت بجانبها ماعفتها ...حسيتها طفلتي وبنتي جنت اخاف
عليها مثل ما اخاف ع نفسي واكثر كمت اتقرب منها واحسسها اني واكف بجانبها
وما اعوفها ابد ...
اريج ..خلصت الفاتحه وظلوا عماتي يمنه وعمي ..
جنت ابجي واكول بس اني ماعندي اب ليش هيج مر الوقت وصار ابن عمي احمد صديقي واخويه الي اكعد يمو واكولو احمد مشتاقه البابا
احمد ..ارفعي راسج للسماء تلكين هو جاعد بلجنه وديدحج عليج لتبجين ماحب اشوف دمعة عيونج ..
اريج ..اظل ابجي شويه واسكت بعدين ظلينه هيج علاقتنه قوت كولش حته اخواني
اتصالحوا ويه عموو جنت احب عمو بس مو جثيير ماعرف ليش بس احمد جنت احبو مرت
الايام عادي بحزن علينه امي النهار وليل بس تقراء قران خواتي كل اسبوع
وحده تجي يمنه عماتي احنه انحبهن جثيير يجونه دائما ويطلعونه ..
بابا مات بشعبان وراها رمضان وصار العيد ورحنه للمقبره اني واخوتي وعمامي وعماتي المقبره بغداد قريبه رحنه ..
أول مره جنت ادخل مقبره ظليت حاصره راسي بصدر. اخويه الجبير وابجي من
وصلنه يم القبر ..كاموا يقرون الفاتحه ويبجون بس عماتي يعيطن ويصيحن الحنين
وين عفتنه وخواتي انهارن من البجي والعياط اني اظل ابجي واحظن اخويه كعدت
بلكاع وابجي واصيح بابا ارجع مشتاقتلك اجه ابن عمي يكومني كتلو احمد شوف
بابا مو بلسماء اهنا وهو هم يبجي
احمد ..انقهرت عليها جثيير وكسرت كلبي واسيتها كتلها قوي نفسج لتبجين هذا امر الله اريج اني يمج شتريدين كولي
اريج ..مسحت دموعي وابتسمت حسيت بالامان من كلامو ..رجعنه للبيت امي
اتلكتنه خطيه تبجي وعمتي الزغيره ظلت يمها لان ماما بلعده وماتكدر تطالع
اخواتي حضنوا ماما ويواسن بيها وراها ماما سكتت وكامت سوت الغدا لان الكل
يمنه مجموعين لان من قبل بابا هو الي يجمعهم يمنه يحب لمة خواته واخوانه ..
وره ايام العيد اجه خالو الماما كاللها تعالي بيعي البيت وارجعي يمنه عيشي
امي مقبلت كالتلو اني مابيع بيتي اظل اهنا ..سكتوا خوالي وعافونه لان
مالهم حق بشي مشت ايامنه عادي اخواني يشتغلون بمحل بابا لان جان عندو محل
حداده ..
ومرت الايام عادي روتين بهاي ظلت علاقتي بابن عمي حلوه
وهنا اخويه محمد قرر يتزواج واني صار عمري ١٥ سنه واخويه خطب وحده جيرانه
حبابه كولش احنه انحبها سوينه الخطوبه اتجنن لبست تنوره قصيره وبدي وردي
وعادي جنت اركص وابن عمي اتخبل شلون اركص جدام ولد خوالي
احمد ..من شفت اريج هيج لابسه وجاعد تركص وولد عمنه يدحجون عليها انجنيت رحت عليها خزرتها كتلها اجعدي
اريج ..اني جنت احسو صديقي كتلو تعال اركص ويايه جرني حيل من ايدي وداني للغرفه فوك
احمد ..لزمتها من ايدها حييل كتلها هسه اتبدلين هل لبس ماريدج تنزلين بي
اريج ..ضجت من تحكمو كتلو مماااا انته شعليك بيه
احمد ..اتعصبت من ردها حسيت جمرة بكلبي احتركت كتلها اني معليه ؟! اريج مو
اطيح حظج لتعانديني كتلج اتبدلين هل ملابس يعني تبدليهن افتهمتي
اريج ..مقبلت ضليت اعاند بي
احمد ..متريدين تبدلين بس راح تخسريني اريج
اريج ..مدرت بال كتلو عادي هو زهك ونزل وعافني اني نزلت بس ضجت وزعلت ليش
هيج يسوي واني مامسويتلو شي بليل طلعت للحديقه ولد خالي جاعدين وعمامي وابن
عمي هم جاعد اني تانضف ويه البنات واسولف بس عيني ع احمد اشو ضايج اني
لابسه بجامه حمره وواكفه
وهو اندار شافني تامسح بلماسحه هيج ورجلي مبينه والولد جاعدين اتخبل اجاني وعينو تجدح نار متعصب يبووو ..
احمد ..هاي بيانها متريد اتجيبها البر وقسطني تتعمد اتثير غيرتي بنت ال
....هففففف رحت عليها كتلها امشي طبي جوه وصحت ع امي كتلها يمه اريج اذا
وصلت بابا المطبخ اموتها
امي ...اي اي يمه ومشيت يم اريج كتلها يمه كسري الشر لتطلعين ماعرف شبي احمد اشو ضايج ومتعصب ..
اريج ..سكتت وفتتت صارت ساعه ١٢ بليل الكل ملتهي احنه بليل من يصير عدنه
عرس يغنون اغاني زمان ويسوها جلسه طرب اتصير كعده حلوه همه يغنون واني
صافنه عليهم غنو اغنيه حلوه ..
اني احبها ياحريمه واني ادندن وياهم
اجه احمد كعد بصفي كالي شبيج كتلو عجبتني الاغنيه انداريت عليه كتلو انته
مو زعلان مني ليش تحجي ويايه😏
احمد ..احم ..من وراج زعلان لان تعانديني ومتسمعين كلام
اريج ..اني شمسويه مو كل البنات لابسات قصير ومكياج ..اني حتى مكياج مامخليه
احمد ..لا والله عوزج اتخلين مكياج حتى اكسر راسج
اريج ..انته بس اتحاسبني والله داضوج منك
احمد ..هاا اني صرت اضوجج هسه
اريج ..اي موانته صديقي .. والصديق ميضوج صديقتو
احمد ..ضحكت ع حجيها كتلها يله هسه اتصالحنه
اريج ..اي بس احمد اريد موطه اتجيبلي مال الصلح
احمد ..هههههه تدللين هسه اجيبلج 😉
اريج ..طلع شغل السياره وراح يجيبلي اجه جايب للكل انطاني العلاكه كالي
اخذي وزعي الهم كتلو اني اخذ مالتي ومعليه بيهم اخذت موطات اثنين اليه
وانطيتو العلاكه الو اخذها ويضحك عليه
احمد ..ههههه خبله والله ..بس احبج 😉
اريج ..عززة شكال هذا 😱 ..خفت لحد سمع حجايتو غلست ..اكلنه الموطه اني صعدت انام ويه البنات وسوالف وضحك صارت ساعه ٣ بالليل واحنه والبنات انسولف ..
نزلت اشرب مي البيت اظلم داشرب مي حسيت واحد ورايه صدك يبست من الخوف
اندريت لكيت احمد ورايه فزيت ..كتلو اشجابك ..اجه يتقرب عليه وعينه عليه
اني كتلو شبيك هيج اتدحج عليه انتبهت عينو ع صدري مفتوحه السحابه سديتها
احمد ..شفت اريج بالمطبخ رحت وراها ع كيفي وانصدمت بيها ..الشيطان غواني
بقت عيني ع فتحة صدرها جانت السحابة نازلة شافتني ادحج ع صدرها هيه سدت
السحابة كتلها ليش سديتيها بقيت اتقرب عليها متحملت
اريج ..خفت منو
لايسوي شي نندم عليه دفعتو داوخرو جرني وحضني ادفع بي ماكدرت كتلو احمد
فدوه لايجي احد يشوفنه قرب شفتو عليه اني درت وجهي منو دارني عليه وباسني
بوسه خلتني بلبدايه ادفع بي بس رخيت وبادلتو الشعور هو حضني قوي
احمد ..جنت مشتاق لحظنها عصرتها بين اذراعي مكدرت تتحرك واخذت شفايفها بين
شفايفي وبقيت ابوسها جانت تقاومني بس بالاخير استسلمت ورخت كتلها احبج لحد
اخر يوم بعمري انتي صرتي النفس الي يصعد وينزل لو اعوفج اموت ...بقيت اطبع
بوسات خفيفه جان شعور يجنن حبيبتي بحظني ومستسلمة الي ...الله حسيت نفسي
طاير بالهوه ....
اريج ..جنت فرحانه واني بين حظنو حسيت كلبي يريد
يطلع من صدري شعور عمري محاسة بي اتخردلت بين حضنو من كلي احبج اني سكتت
وغمضت عيني كمت ارجف ..
احمد ..حبيبي كولي احبك
اريج ..دفنت راسي بصدرو هزيت راسي لا ما اكدر ضحك عليه كالي اني احسها مايحتاج اتكوليها وخرت منو وصعدت ركض يم البنات
وجهي احمر بنت خالي كالتلي شبيج اريج اشو مدري شبيج كتلها مابيه شي بس
صعدت ركض دخلت جوه الفراش وغطيت راسي اريد انام ومكدرت ظليت افكر شسوه احمد
جوه وجسمي احسو يقشعر اتنهدت وابتسمت بسري لمست شفايفي وضحكت ياربي شكد
حلو الحب 😍
المهم ماعرف شلون نمت كعد ع الهوسه ناس تتريك وناس داتطلع البيوتهم كملو
الريوك وفرغ البيت كامن خواتي ينضفن واني بس اتشاقه وياهن ومشغلين اغاني
امسح اشويه وارجع اركص بلستقبال اركص هو طب احمد واني اركص ..
محسيت
بي غير بس من يصفك ودخل يركص ويايه اني امسح وهو دخل يركص اني استحيت منو
وسحبت نفسي ورحت ليغاد وهو ظل يركص ويه اختي منار صاحتني اختي تعالي اريج
كتلها هاا
منار ..تعاي شبيج كملي الركص هههههه
اريج ..هو
عرف اني استحيت منو وطلع بره ينظف بالطرمه كملنه البيت ورحت سبحت وطلعت امي
سوت الغدة بدت امي اتصب الغدة صاحتنه تعالن ودن الاكل كمنه اني وخواتي
انودي الاكل وكعدنه سوه احمد صار جدامي ويدحج عليه اني حتى ماكدر اكل من
الارتباك اكلت لكمه وكمت رحت للمطبخ ظليت الملم بي وجان اتصيحلي اختي
منار ..اريج عفيه سوي الجاي اريد ابدل الجهال لان رجلي راح يجي ياخذني
اريج ..ماشي ..راحت اختي اتبدل الجهالها كملت الجاي وديتو للهول انطيت الكل وصلت يم احمد هو يدحج عليه
احمد ..اخذت الجاي من ايدها دحجت عليها شفتها متخردله كتلها اتصرفي طبيعي ليش اتخليهم ينتبهون
اريج ..هوه هيج حجه انوب ايدي كامت ترجف خررب حظي اخذ احمد الجاي ورحت اني للغرفه يم اختي كملت جهالها واجه رجالها اخذها فرغ البيت
احمد ..يله اني اروح لبيتنه
اريج ..اني دحجت علي ميهلي يروح اضوج من يروح دحج هو عليه كالي هااا تريدن ماروح كتلو لا عادي روح بس مو طول عود تعال
احمد ..ضحكت وغمزتلها كتلها من عيوني
اريج ..راح احمد واني دخلت للغرفه نمت كعدت المغرب راسي يوجعني رحت لامي
كتلها ماما راسي يوجعني انطتني حبايه وجع راس ظليت حاطه راسي بحضن امي
اشويه وحسيت نفسي صخنت ..
امي اخذتني للمضمد يمنه انطاني علاج ورجعت وعادي مرت الايام واحمد يوم يم اهلو ويوم يمنه بس من يروح احسو ياخذ روحي وياه ..
وقرب موعد عرس اخويه سوينه الحنه بلبيت والعرس بلقاعه سوينه الحنه اتجنن
لبست بنطون كابوي وبدي احمر نص ردن اختي سوتلي شعري وطلعنه ..اني مو محجبه
دخلو الولد يهوسون الاخويه واني اهوس وياهم واركص وع غفلة انجريت من ايدي
احمد خلاني وره ظهرو واني اكولو حباب بس خل اشوف شبيك ضجت ميخليني كولشي
اشوف
احمد ..اششش بلا حجي زايد الولد يدحجون روحي اكعدي يم امي
اريج ..اووف ياربي كتلو ماااا
احمد ..ازعل والله
اريج ..كمت انافخ بحلكي طكت روحي ..كعدت وسكتت شويه وكمت اركص جان يجي يمي احمد
احمد ..هاي خرررب يومها شكد تعاند وتتعمد اتضوجني رحت يمها خلي اني وياها نركص ...كتلها عجل تعالي خل نركص سوه اني وياج
اريج ..عيب هسه شيكولون
احمد ..اهااااا تركصين بيناتهم عادي من تركصين ويايه عيب
اريج ..ضحكت وجرني وركصنه سوه وظلت اختي رنا اتهلهل النه وعمتي الزغير
اتكولو يوم الالك حمودي وهو يركص ويهوس ويهوس يوم الالي واذبح طلي اني فشلت
من هيج سوه خلصت الحنه حلوه جانت كولش وثاني يوم خلص بلهوسه وبيتنه انمله
ناس كومه وناس طالعه ناس طابه ..
اني لبست فستان ابيض وهو لبس قاط زيتوني طالع حلو عليه هو دز عليه اختو الزغيره مريم كالي تعالي شافني بلفستان صوفرلي
احمد ..من شفتها بفستانها الابيض اتسمرت بكاعي شطالعه هاي كتلها وواووو مرتي اتجنن اليوم 😉
اريج ..اني من سوه هيج عفتو ومشيت لان استحيت اجه هو جرني من ايدي ودخلنه
لاستقبال هو لازم ايدي ويركص وامو تضحك علينه ع فكره امو ابد متحبني لان هو
يحبني وهيه تريد اتزوجو بنت اختها ..
اجتي السياره وطلعنه كولنه
رحت اصعد ويه البنات مقبل كال تعالي وياي كتلو ميصير الكل راح تنتبه كال
هيج يعني ماشي ....انطه مفتاح السياره لااخويه عمار. ..
اجه هو صعد
بسيارتنه والولد كم واحد بسيارتنه يدكون واحنه انصفك وانغني اجه هو يمي جر
البرده من يمي ضحكت عليه اني وصلنه القاعه كولها ولد وشيوخ العشيرة وصدقان
اخواني والشرطه اصدقاء بابا قبل لان بابا كان بلجيش ضابط صار العرس كولش
حلو ..
احنه كل البنات كعدنه لان ماما كالت ممنوع وحده تركص كمنه احنه خوات العريس ناخذ صور ويه العرسان ..
اجه احمد وكف يمي كال شكومج كتلو اخذ صوره ويه اخويه بس اخذنه الصور
ورجعني هو وكعد يمي مقبل يكوم لحد ما دكو جوبي وكل الشباب كامت فديتو شلون
يركص حلو واني واكفه اأشرلو اهلهل وهو يخزرني لان يعرفني من اهلهل صوتي
عالي كولش هههه
كمل العرس بخير ورجعنه وزفو العرسان بخير مشت ايامنه
حلوه بس متخله من غيرة احمد الي يضوج من اي واحد يحجي ويايه وزوجه اخويه
طلعت حامل وهذا الخبر فرحنه كولش ..
احمد اجه فديوم من الدوام ضايج كتلو شبيك
احمد ..اتعاركت ويه امي وخوالي واجيت
اريج ..مسئلتو شنو سبب المشكلة لان الي يهمني راح يبقه يمنه 😁 ..وفعلا هوه ظل يمنه زعلان من امو اربع اسنين عايش ويانه وجانت احلى اسنين عمري بعد حبيبي ويمي شريد ...
يحاول ابوه وياه ان يرجع احمد ميقبل بعدين عرفت احمد زعل ويه امو لان
متريدو يتزوجني اتكولو بنت خالتك احسن هو عاند وياها اني من هو حجالي هيج
كمت ابجي صدوك انقهرت لان احبو واعشقو كتلو احمد اذا تريد بنت خالتلك
اتزوجها وانساني هو اتخبل
احمد ..اريج شبيج شلون اتكولين هيج انتي
متحبيني ول بوية اني عاديت امي وكل اهلي الخاطرج وهسه جاية اتكوليلي اتزوج
غيري يمكن بعدج متعرفين حجم حبج الي بكلبي ..افتهمي اني احبج من طفولتي
يعني حبج نبت بكلبي وكبر وياي ...
اريج ..كمت ابجي كتلو احبك بس
ماريد تتأذه من ورايه حظني ويسكتني وظل يمنه وتعب بلدوام لان احنه منطقه
وهو منطقه يطلع من الفجر يروح للدوام ويرجع للمحل يشتغل ويه اخواني ..
جنت من اكعدو الفجر هو يكيف اكوم وياه احضر اهدومو ميقبل يتريك هو من يوصل
الباب يبوسني ويروح واظل ادعيلو لان اخاف من الامريكان اهواي بلشارع من
يرجع خطيه تعبان يقراء شويه وينام من يقراء اكعد يمو يكولي مادام انتي يمي
يهون كولشي مرت ايامنه بروتين عادي وزوجة اخويه جابت احلى حفيد بلكون حسين
سمينا ع اسم ابويه وحتى عمي فرح بي لان الحفيد الاول للعائله ولد حسوني جان
ابيض مدنفش يخبل وظليت حايره بلهوسه الي صارت ناس جايه اتبارك امي ذبحت
خروف فجران دم
البيت هوسه وناس جثيير عماتي وخلاتي جايات يباركن
فرحه جبيره بحفيدنه المهم مرات ايام حلوه بلمتنه وحسوني الي ترس البيت عليه
بضحكتو الحلوه وقرر احمد ابن عمي يخطبني اجه يتفاهم ويه امي وجان جواب امي
لاحمد ما انطيك وبحجه بنتي زغيره ومازوجها
احمد ..ماكولكم شصار
بحالي من مرت عمي رفضتني ومقبلت تنطيني بنتها حسيت سلبت روحي مني هاي بنتي
الي ربيتها ع ايدي من جانت طفلة وهسه ميقبلون ينطوها الي اوووف ...بس اني
ماهتميت لكلام امها قررت اجيب عمامي واهلي يوم الجمعة حتى اطلبها واخلي
امها جدام امر الواقع ...اريج بنت عمي وغصبا ع الكل اخذها اخذها ...
اريج ..طبعا احمد مهتم الكلام امي واجه يوم الجمعه واجني عماتي وعمامي وهو
وصار الحجي وهم انصدمنه برفض امي وكمت ابجي من كل كلبي لان اعشقو حب
طفولتي وكمت اتخيل راح يعوفني لان اهلي جثيير طردوا
ياربي شنو راح يكون مصيرنه ومصير حبنه 😔😔
وللحكاية بقية ..
حبًُ انولد منذ الطفولة ..لاكن اقدارنا تكتب بالغيب رغماً عنا ولانعلم ماهيه ..ايعقل ان تكون قدري المشؤؤم ياحبيبي 😢
يتبع ..
تحياتي
أحمد التكريتي
24/5/2019
ليست هناك تعليقات:
إرسال تعليق