السلام عليكم وياكم الكاتبة زينب فرقد بقصة جديده
قراءة ممتعة
الكاتبة. Zainab Farqad
بارت 1
ما تمنيت البكاء يوما
ولكن هم الزمان ابكاني
تمنيت ان اعيش كما تريد نفسي
ولكن عاشت نفسي كما يريد زماني
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
اسمي وديان عائلتي ع كد اصابع ايدي بالاصل احنة 6 نفرات بس ابوية ممعتبرة
اله وجود ويانة فقط امي واني وخواتي ال3و اني اكبر منهن حاليا عمري 17 سنة
خامس ادبي احب الدراسة هواي وحلمي اكون محامية مواصفاتي ( لون بشرتي ابيض ،
عيوني لون اسود شعري اسود فحمي طويل جوة خصري طولي مناسب مو طويلة ولا
قصيرة ووزني عادي رشيقة مااحب السمن بس مو حيل ضعيفة )
اني الوحيدة
بين خواتي عيوني لون اسود خواتي كولهن عيونهن ملونة بس امي وصديقاتي
المقربات يكولولي عيونج تجذب لاءن كبار ورموشي طوال 😎😎😎 اخاف عليهن من الحسد
ابوية رجال مااعرف شأحجي عنة او اوصفة رجال سكير يشرب الخمر وحشيش وكل
الاشياء الي مو زينة ويجي بالليل يفرغ طاقتة بأمي يضربها حيل بكل قوتة
امي تحملتة لخاطرنا واصلا هي ما عدها احد ، كانت قبل تسولفلنة تكول ،
عندي اخ واحد اسمة محمد ، بيوم امي تمرضت واخذها للدكتور وابوية هم راح
وياها واني جنت بالمدرسة وبعدها من طالعينراجعين وصار حادث وياهم ماتوا
كلهم ، كان عمري بوقتها 16 سنة ، واني ما عندي احد لا خوال ولا ابد
بس عم واحد وزوجتة متوفية و عندة هم بنية وولد البنية متزوجة ومسافرة والولد اسمة رائد زوجني عمي لرائد
لاءن ما عندي احد لو ابوية عايش مجان زوجني الا لاءن يعرف بسوالفة المكسرة من زمان ، بعدها بفترة
توفة عمي ، وهو جان شايل البيت بالمصرف
بعدها ازدادت حالتنة للاسوء ورائد ما يصرف ع بيت مكضيها شرب وجكاير وكولشي طايح حضة
بعنة البيت ، الديون تلاحكنة جانت وأجرنة مشتمل صغير ، كضينة كم سنة ندفع فلوس الاجار
من بيعة ذاك البيت ، بس خلصن لاءن اكل ومصرف ، ورائد مضيع نصهن ع شرب واني مااتحمل
اشوف بناتي يموتن جوع ، اشتغلت خياطة وبديت اخيط للناس حتى الم فلوس الايجار والمصرف
ومرات اخبز او اسوي كبة وابيع يعني كولشي اشتغل حتة اوفر لكمة عيش لبناتي
رائد شوفني الويل من اول يوم تزوجتة بي ما يوم حسسني بشعور حلو ولا حسسني اني زوجتة
حاولت بكل الطرق ابعدة عن الشرب ماكدرت ، حتى ماعرفت علتة ليش هيج يسوي ويشرب
حتى خلة كل الجيران تبتعد من عدنة ما يتقربون من عدنة ولا الهم شغلة بينة الي يكول بينة مرض معدي
رائد من زمان طبعة عصبي وسوالفة مكسرة من كان شاب ، يعني مااعرف من منو الصوج من عندة لو
من عند اهلة ، شنو الخلا هيج يسوي ماادري ، حااولت بقدر المستطاع افهم السالفة بس عمي الله يرحمة
ابو رائد يكول هو هذا طبعة ، ماكو اي سبب لهذا الشي ، بس ما معقولة هل شي ضليت
بحيرتي كل هاي السنين ، رائد كان يقسي علية حيل ، حتى حاولت انتحر. استغفر الله واخلص من هل
عيشة ، بس بعد ما صرت حامل كلت لازم اتحمل لخاطر الي بطني ، واجتي وديان للدنيا وبعدها منى
وبعدها صابرين وبعدها ورود ، بين وحدة ووحدة بيناتهن سنة ، صارن احلى شي بحياتي
صارن خواتي مو بناتي وخاصة وديان مثل صديقتي اعتبرهة نكعد نسولف احجيلهة عن اهلنة قبل وذكرياتي
وشلون تزوجت ابوهة ، وهي تحجيلي عن المدرسة ، يعني وديان من عمر صغير وعت ع دنيا وفهمتني
حسيت وديان عقلها اكبر من عمرها بهواي ، وديان حيل تعلقت بيها ، لاءن هي اول طفل الي
ورائد من كان يقسي علية بالضرب ، اكثر من مرة ردت اخسرها بس الله ستر وما خسرت وديان
وصارت احلى شي بحياتي ،
مثل مشفتو هاي قصة حياة امي 👆 امي تعذبت حيل من ورة ابوية من يجي للبيت
نسمع صوتة امي تدخلنة بالغرفة وتقفل علينا الباب
حتى لا نشوفة وهو يضربها ، بس جنة نسمع صوت عياط امي وابوية يضربها بكل قسوة
كانت اختي ورود الصغيرة تلبد بزاوية الغرفة وتبجي واني واخواتي الباقيات
نحضن بعض ونبجي ، حتى وصلت المواصيل بينة ندعي ع ابوية يموت ونخلص منة
اني مثل مكلتلكم صف خامس ادبي ومنى صف رابع علمي وصابرين صف ثالث متوسط و ورود صف ثاني متوسط
يعني بين كل وحدة ووحدة بيناتنة سنة ، رحت للمدرسة ورجعت تعبانة ، شفت امي كاعدة ع مكينة الخياطة كالعادة بس وجهها اصفر
سألتها شبيج كالت مريضة وتعبانة شوية ، رحت للغرفة وبالي ما مطمئن عليهة ، التمينة كلنا نتغدة
ابوية كالعادة براا تعودنة عليه يجي تالي الليل يدور اكل فقط ، لا يسأل علينا ولا ابد
كعدت افكر بيني وبين نفسي واحلم اني اصير محامية ، واتعين يصير عندي راتب مااخلي امي واخواتي محتاجات شي ، احنة حالتنة مو هلكد
حتى لبسنة من البالة يعني ارخص الاشياء نجيبهة ، يادوب نلحك ، ع مصرف الايجار والكهرباء والماي ومصرف الاكل ومصرفنة وهواي امور
مثلا ما عدنة خط سحب ع مولد ما نكدر يزيد المصرف فمتعودين اول منجي من المدرسة نحل واجباتنا اخاف تطفى الكهرباء بالليل
ومرات اذا عدنة قراية هواي ونضل لليل نشعل لالة (مصباح نفطي ) اكيد تعرفونها ،
كعدت ثاني يوم اني واختي منى حتى نروح للمدرسة واخواتي الباقيات نايمات دوامهن مسائي عكس دوامنة
شفت امي وجههة بعدة اصفر وتعبانة ، ما بيدي شي اسوي ، كلتلها اليوم شعندج شغل غير الخياطة
امي : اليوم لازم اسوي كبة
وديان : لا تسوين لحد مااجي اني اسويهة
امي : انتي عتدج قراية ، معليج بهذني السوالف
وديان : لا يمة مو اليوم خميس وباجر عطلة فاليوم استراحة واسوي الكبة وانتي تعباانة كملي الخياطة الي عندج وارتاحي
امي : مو اخاف متلفين الكبة زين
وديان : يمة شنو تشكين بقدراتي لما لفيت اربع صياني ذاك الاسبوع 😎😎
امي : هههه عفية ببنيتي ، اريدج تصيرين ام بيت
وديان : اي اكيد اصير ام بيت ونادرة اطلع عليج
امي : الله يحفضجن الي ياارب
وديان : ويحفضج ياارب
امي : وديان انتي كبرتي ، وانتي من بعدي اني ما دايمة الكم ، اريدج تصيرين سباعية وتديرين بالج ع خواتج
وديان : بعد عمر طوبل ، يمة ليش هل حجي
امي : بنيتي هاي الحياة كل واحد نهايتة هيج ، واني جاي اوصيج هذني خواتج
هله هله بيهن داريهن من بعدي كوني سند الهن كوني امهن الثانية
وديان : امي من كامت تحجي هيج حضنتها وبجيت ، مااتحمل هيج تحجي ، بس بنفس الوقت حسيتها وصتني ع امانة
وامانة جبيرة وحملها ثكيل هنة خواتي ، باارب احفضها الي
طلعت عدلت ردن القميص حتى لا يبين السوار ، طبعا هذا السوار هدية من امي سوار ناعم ذهب عبارة عن
زنجيل خفيف وبي مدالية ناعمة كولش ع شكل فراشة ، امي جمعت فلوس بوقتها وسوتلي يا
من نجحت من الثالث متوسط للرابع اعدادي واني قطعت عهد ع نفسي ماانزع هل سوار
من ايدي لاءن احلى هدية واحلى ذكرى راح تبقى بالنسبة الية ، حتى خواتي رادن نفس السوار
امي كالتلهن من يصير عندي فلوس اسوي لكل وحدة من عدجن احلى من عندة
رحت للمدرسة اني واختي منى ، تلكتني صديقتي رحاب
رحاب : صباح الخير
وديان : صباح النور
رحاب : الامتحان اول درس راح تجينة ام كفشة
وديان : ههههه وج بعدنة بسم الله من الصبح تحشين بالعالم
رحاب : اني ما مجذبة كفشتها شكبرها وتجي تصيح علينا اول درس العالم تصبح
بوجوه جميلة مو بوجه هاي اي عطووب ، هسة لو تتحجب مو احسن ، وج لو شعرها
حلو مي خالف
وديان : وج كافي عيب اسكتي ، معلينا بالعالم هي حرة
تراا ما تريد تتحجب شعلينة ،تعالي نراجع الامتحان شوية ما بقى شي رادح يدوك
الجرس
رحاب : اكلج تراا اني ما حافضة نص مادة الامتحان
وديان : ليش ولج
رحاب : مو تدرين بية باليومي مو هلكد احضر يوم احضر وعشرة لا وكلت بوكت الامتحان اقراهن
وديان : اي مو اليوم عدنة امتحان ليش ما قريتي
رحاب : كله من ورة سيف خابرني وضلينة نسولف وبعدها مراسلة والتهيت
وديان : طاحضج اي والله ، انتي ضلي هيج لما ترسبين وخلي يفيدج سيف
رحاب : شسوي ولج مااكدر والله احبة
وديان : وهو لو يحبج جان كلج اهتمي بامتحانج وقرايتج
رحاب : لا مو هو سألني كال عندج امتحان كتلة لا ، وضلينة نسولف
وديان : يعني انتي الصوج منج ، طبج مررض
رحاب : اهوو لا تسوين هيج حبابة ، غششيني كم سؤال عود
وديان : لو تموتين ، كافي عاد غششتج هواي بكل امتحان اساعدج ، كافي عاد اقري بنهاية السنة شلون
رحاب : تنحل والله كريم ، انتي غششيني بس هل مرة
وديان : وتالي وياج يا رحاب اني غير علمود مصلحتج لا يغرج الكلام الحلو ،
اهم شي دراستج منو يكول هو بالاصل يحبج او شنو الي يثبت هل حجي
رحاب : لا والله يحبني ، هو كالي بس اتخرج اخطبج
وديان : اوو انتي الحجي ضايع وياج ، اسكتي اجتي ام كفشة طلعي ورقة
رحاب : من اضربج انتبهي ورديلي الجواب حبابة
وديان : اذا كدرت ،
مو بيدي احب اساعدها ، رحاب صديقتي من الطفولة ومااكدر مااساعدها بس هي الضاهر ما تعرف مصلحتها وتمشي ورا سوالف الحب
اكثر من مرة حجيت وياها ونصحتها بس هي ما تسمع مني
كملنة الامتحان وطلعنة نتمشى بالساحة
رحاب : شكو ماكو اخباركم
وديان : رحاب اني خايفة ع امي
رحاب : ليش شبيها
وديان : اليوم شو مو ع بعضها حسيتها تعبانة ومريضة ، اني لوما الامتحان مااجي للمدرسة كان ضليت يمها
رحاب : يجوز مجرد تعب لا يضل بالج
وديان : وانتي شخبارج ويا مرت ابوج
رحاب : يمعودة اسكتي وخليها ، موتتني ، البارحة همزين ما لكفتني احجي ويا
سيف جان رحت بالرجلين وهي تدورلي الزلة عاد النوب تعرف عندي
علاقة والله تشرني ع حبل
وديان : ما دام تعرفينها هيج ، ليش ما تجوزين من سوالفج ، اني خايفة عليج بيوم تلزمج وساعتها لا هي ولا ابوج يرحمون بحالج
رحاب : تصدكين اني هم مرات افكر بهذا الشي واتخيل شراح يصير بية واحاول ابتعد عن سيف بس مو بيدي مااكدر
وديان : مااعرف شكولج ، بس انتي دتضيعين مستقبلج
رحاب : هي لو بس تخلص هل سنة ويجي يخطبني عاد اعد الدقايق والثواني صرت
وديان : الله كريم بس انتي ديري بالج
جنت داامشي وشفت منى كاعدة تبجي ع صفحة رحت تقربت يمها بخوف عبالي صاير شي بيها
وديان : منى شبيج ليش تبجين
منى : 😭😭😭
وديان : مو داااحجي وياج احجي شبيج
منى : صديقاتي يعيروني بأبوية يكولولي ابوج سكير والله اليعلم ما مشغلجن بالدعارة
وديان : ما تحملت هل حجي كوة لازمة نفسي ، هن منين جابن هل حجي وانتي شجاوبتيهن
منى : ماسكتت الهن وكمت اصيح عليهن وهنة كالن الكل تحجي عليكم ما دام ابوج هيج الله اليعلم شيسوي بيجن وشيشغلجن
وديان : انفجرت فدنوب ، عطت منو ذني الكالن احجي
منى : نور ولمياء
وديان : رحت اتوجهت للشعبة مال منى والشر يتطاير من عيوني
منى : لحضة وديان لحضة اووكفي وين رايحة شراح تسوين لج اوووكفي
وديان : اسمع منى تصيحلي بس اني ما جاوبتها وصلت قريب ع شعبة واجتي رحاب
رحاب : شبيج وديان وين رايحة
وديان : عفتها ومشيت
رحاب : هيييي مو احاجيج ، شفت اختها لحكتها اني هم رحت اركض
وديان : دخلت للشعبة لكيت نور ولمياء وبعد كم وحدة من صديقات منى كاعدات ع رحلة ويحجن
اجيت وكفت بيناتهن ولزمت نور من شعرها بأيد ولمياء بأيد هم من شعرها جانن ما محجبات
شنو هل حجي النكس مثلجن يا حقيرات شلون تطلعن هيج سمعة علينا يا كلبات
نور : لج هييي عوفيني ، والله ما جبنة هل حجي من عدنة انتن مو شريفات
رحاب : افتهمت الموضوع وكمت ادفع بينهن بس من سمعت كلام نور ، عطت بيها احترمي نفسج لج لا احركج
لمياء : ولج عووفيني حقيرة ، بنات السكير ، اذا ابوجن هيج انتن شتشتغلن لعد ، مفكرات نفسجن شريفات وانتن ذرة شرف ما عدجن
وديان : ما تحملت جريتهن حيل بكل قوتي من شعرهن ، لججج احنة اشرف من الشرف
يا حقيرة مااسمحلج وهذا الي كالج هذا الحجي هو الي مو شريف
رحاب ومنى كامن يحاولن يخلصنهن من ايدي صرت اعصاب فدنوب وفقدت كمت اضرب بدون وعي بيهن اضرب نور
وارجع ع لمياء والطالبات التمن بالشعبة بعدها سمعنة صوت كلنة خرسينة جانت المعاونة وعاطت ببنة
صاحتلنا اني ومنى ونور ولمياء ورحاب هم اجتي ويانا علمود تشهد ع حجي
استلمتنة المديرة دك رزايل بالبداية انو انتن كبار شلون هيج تسون بعدها كمت احجيلهة واني الغضب يتطاير من عيوني
وهذني الحقيرات جذبن يكولن ما كايلين هل حجي تالي رحاب شهدت ع حجي والمعاونة جابت كم طالبة هم شهدن ويانة صار الحق
اعتذرن من عدنة ، وطلبت اولياء امورهن ، رجعنة كل وحدة لشعبتها ، بس ما رتاحيت هذني الحقيرات يطعنن بشرفنا
ورحاب كل شوية تحاول تضحكني حتى انسى ،طلعنا من المدرسة وصارن كبالنا نور ولمياء يخزرن بينا مااهتمينة اني ومنى
كلتلها هذا الي صار ما ينفتح بالبيت يبقى بيني وبينج مااريد امي تعرف او خواتي
هزت راسهة بمعنى اي ، بس كان واضح ع منى بعدها ماخذة موقف العالم تحجي علينا
رغم احنة ما سوينا شي ، شنو ذنبنا ابونة يشرب ، لازم احنة نتحمل اغلاطة والعالم تحجي علينا
يتبع
تحياتي
أحمد
3/6/2019
ليست هناك تعليقات:
إرسال تعليق