الكاتبة. Zainab Farqad
بارت 2
ولا تيأس فأن اليأس كفر
لعل الله يغنى من قليل
وأن العسر يتبعه يسر
وقول الله اصدق كل قيل
(الامام علي عليه السلام)
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وديان ، رجعنة من المدرسة لكيت امي متمددة ع جرباية لزمتها حرارتها مرتفعة وكوة تحجي
ركضت واني بعدني بملابس المدرسة رحت اسويلها كمادات شوية صحت
وديان : يمة كومي وياي نروح للدكتور
امي : لا ما يحتاج تعبانة شوية خليني انام اني وارتاح ، وانتي سوي الكبة العالم تنتضر عيب نتأخر
وديان : اي راح اكوم ، رحت صحت ع منى كلتلها خلي عينج ع امي وكل شوية سويلها كمادات لحد مااكمل الكبة
كعدت الف بالكبة وافكر ، يااربي ارحم بحالنة ، اعرف ليش امي رفضت نروح للدكتور ماعدها فلوس كلت بلكت فلوس الكبة يكفن واوديها
كمل الطلب العصر اندك الباب اجة جاهل وكال اني ابن فلان الكبة جاهزة كتلة اي انطيتة ياهن وانطاني الفلوس وراح
مبين من غير منطقة ، لاءن منطقتنة شعبية و ع كد حالهم يعني ميطلبون هيج اشياء ، وماعدنا اختلاط بأي جار يعرفون بابوية مو زين
محد يختلط ويانة ، واحنة من المدرسة للبيت ومن البيت للمدرسة ، كعدت امي كلتلها خل اوديج للطبيب عاندت وما قبلت كالت صرت زينة
وامي المشكلة الوحيدة الي بيها من تعاند تقفل فد مرة كلمتها وحدة
منى : اعرفكم ع نفسي اسمي منى صف رابع علمي ، اتمنى اصير مهندسة لذلك رحت
علمي مواصفاتي عادية ( لون بشرتي ابيض عيوني لون رصاصي طولي وسط ووزني مو
حيل سمينة . ) جنت اني اقصر وحدة
بالصف لاءن البنات الي وياي طويلات حيل يصيحولي القزمة ، اني شخصيتي ضعيفة كانت واتأثر بالحجي
حيل من اي شي اخذ موقف
بس من بعد ما صار هذا الموقف الي وياية والبنات يحجون علينا ماكدرت اجاوبهن ، طلعت من الشعبة ودموعي تجري
شافتني اختي وديان حجيتلهة الموضوع وراحت عليهن شفت ردت فعلهة وصلافتهة وشلون تدافع علينا زادتني ثقة بنفسي اكثر
واتخذت قرار بحياتي اي واحد يمسني بكلمة اردلة ياها بعشرة ، وديان كولشي بحياتنا متعلقين بيها كولنا امنة الثانية وخاصة اني
اي شي يصير وياية اروح احجيلهة ، مثلا مشكلة تحلها وياي بهدوء وتفهمني الصح من الغلط
وديان : التفكير ما خذني ع حالة امي مريضة مدري شبيها كلت باجر لازم اخذهة للدكتور او ع اقل للمستوصف واشوف حالتها
ادري بيها مريضة وجهها اصفر وشاحب وهي تمثل القوة كدامنا حتى لا يضل بالنا عليها
كامت تحضر العشة وادري بيها تمثل القوة وهي تعبانة
وديان : يمة اكعدي اليوم واني والبنات نسوي العشة
منى : اي يمة كعدي انتي اليوم احنة نسوي شوفينة احنة شااطرت
امي : يلا راح اكعد خل اشوف
ورود : اني اسوي زلاطة
وديان : شوف الفاهية راحت تركض ع زلاطة ، ما عدنة خيار بس طماطة
صابرين : عدنة طماطة نسوي زلاطة بس نحتاج خيااار
وديان : انجبن عاد ، هسة شنسوي عشة
منى : شعدنة احنة
وديان : اكو عدس ، راح اسوي شوربة. واكو طماطة اكلي للخانم صابرين تحب الطماطة بالدهن
منى : عدنة تمن مالت الغدا هم يصير طيب بالعشة راح اسخنة
ورود : ولكم بنااات
الكل : شكوو ولج
ورود : لكيت بتيتية بالسلة ما شفتوها انتو
وديان : طاحضج ، الي يكول لاكية كنز ، طلعت لا كية بتيتة جيبها اكليها الج
امي : شوكت تسون عشة بس تتناكرن
وديان : بدينة نسوي العشة ، حطينة وتعشينة نسولف ونضحك رغم البسااطة بس احلى شي
امي : بنات اريدكم تهتمون بدراستكم ، معليكم بالشغل اني اسوي
وديان : يمة احنة غير نساعدج
امي : اريد افتخر بيكم واشوف شهادتجن كلجن من تتخرجن ، اريد ارفع راسي بيجن واكول هذني بناتي الي ربيتهن رفعن راسي
وديان : امي من تحجي هيج مااعرف شيصير بية يجيني احساس غريب وتنزل دمعتي
كملنة الاكل وغسلنة المواعين ، كعدنة نلعب انسان حيوات نبات جماد دولة ، هيج احنة بوقت الفراغ
ما عدنة تلفزيون ، كان عدنة بس صار بي عطل وما صلحنة ، نلعب وامي كاعدة تباوع علينا وتضحك ع سوالفنة
بس من نداريت شفت امي مبتسمة بس بالها بعيد ماخذتها الصفنة والحيرة تفكر ، تمنيت اكدر ازول الهم الي بكلبها
كملنة لعب ورحنة نام ، ورود كالت ،
ورود : يااا نسيت اكول لماما
وديان : ع شنو شتكوليلها
ورود : اوكفي هسة خل اروح اكللها واجيج
وديان : راحت ورود والحيرة اخذتنة شتكل الامي اني واخواتي كاعدين ننتضرها اجتي ، هاا شنو شكلتيلها
ورود : كلتلها اريد تسويلي دولمة باجر ع غدا
منى : امداااج ، بس تفكرين ببطنج ما تشبعين انتي ، تفكرين منا لباجر ، منو يكول ما نموت
ورود : هسة انتي شعليج ، امي وقبلت تسويلي باجر انتي شنووو
صابرين : اسمي صابرين صف ثالث متوسط مواصفاتي ( بشرتي حنطاوية عيوني لون
اصفر جسمي متناسق كأي شابة عادية ) بطبيعني اني هادئة مو هلكد احجي
بس ويا خواتي اسولف واضحك بس بالمدرسة مااختلط ويا احد واصلا مو هلكد البنات يختلطون وياي
بسبب ابووية الي يكول احنة هم نشرب خمر مثلة ، ومبتعدين من عدنة ، امي كولشي بحياتنة ضحت علمودنا
نشووفها تتعب كدام عيونة وتريد راحتنا وتريد ننجح وتفتخر بينة ، هذا حلمها واحنة قطعنة عهد ع نفسنا اني وخواتي ما نترك دراستنا
مهما صار ونحقق ابسط حلم الي هو من حق كل ام تشوف بنتها بأعلى المراتب ، واما وديان فهي امنا الثانية
رغم هي صف خامس اعدادي بس كأن عمرهاا بال30 تفكيرهة وعقلهة اكبر من عمرهة احنة متعلقين بيها اي شي نريدة هي تسويلنا يا
من امي تكون مشغولة وتشتغل ، مثلا الخياطة او اي شي وديان تقوم بواجب البيت ، وتقصر بدراستها في سبيل احنة نقرة وما نهمل دراستنا
اني عندي موهبة وهي الرسم احب ارسم هوواي ، بس،ماعندي هدف بالدراسة يعني ما حاطة هدف ببالي مثلا اصير محامية مثل وديان تريد تصير
او مهندسة مثل منى هم هذا حلمها ، اني ما عندي هذا الشي ، فقط اكول اي قسم يطلعلي قابلة بي المهم اتخرج وعندي شهادة
مع انو اني مستوواي الدراسي ممتاز ، بس مااعرف ليش ماعندي هدف ، اريد احقق هوايتي بالرسم فقط اريد بس ارسم
ورود : اسمي ورود صف ثاني متوسط اني بزر الكعدة ع كولتهم مواصفاتي ( كأي
بنت عادية بشرتي لون ابيض عيوني لون جوزي دبدوبة جسمي متروس يعني ، بس
مامبينة حيل سمينة شايلة السمن بطولي )
اني شوية خشنة يعني الي يشوفني عبالهم بالاعدادية مو بالمتوسطة حتى من اوكف بصف وديان اغطيها بضخامتي
اني متعلقة بأمي وبوديان ، مااعرف اسوي شي لوحدي احس نفسي مرات مثل الطفل ما يعرف يسوي شي بدون اهلة
مع انو خواتي يكوللي احنة بعمرج اعتمدنة ع نفسنة بهواي امور ، احس نفسي ضعيفة ماعندي سند غير امي
شخصيتي مرحة واحب الضحك هوااي وانكت كلت ماكو شي يسوة احزن علمودة اهم شي عندي الااكل اموت ع اكل وخاصة الاكلات
الي احبها مااقاوم لذلك اني شوية دبدوبة جسمي متروس 😂
ما شفت حنان من ابوية ابد جنت اتمنى اعيش الاحساس الي يعيشونة البنات الي وياي من يسولفون عن ابوهم انقهرر
اكول ليش اني ابوية مو مثلهم ، ما يطلعني ولا يشتريلي الاشياء الي اريدها ، اني شنو ذنبي اتعذب من اشوف صديقاتي يغورني
يكولن ابوية اشترالي كذا وكذا ، واني اتحسر ع ابسط الاشياء ، كنت دائما حزينة ، بس اخفي حزني يعني كتومة لدرجة
كانت شخصيتي حزن وبجي من اشوف موقف حزين انقهر بدااخلي واكتم بقلبي ، من يصير الليل افرغ طاقتي بالبجي
من ينامن خواتي اطلع من الغرفة واروح بالحديقة افرغ طاقتي والهم الي بكلبي بس ابد ماابين هذا الشي اضحك كداامهم
ارتاح شوية وارجع انام ، لكن بعد فترة من هاي الحالة شافتني وديان ، وضلت تحاول بحجيها تحفزني
انو احنة نكدر نعيش ونواجه الوحوش
الي تريد تاكلنة ، اي العالم صارت وحووش بالنسبة النة ، كلها تباوعلنة بنظرة اشمئزازية
احنة بناات السكيررر
بنظر العالم فقط ينظرون النا من هذا الجانب ، ابد ما شافوا الجانب الايجابي الي بينة
اني صح صغيرة بس عقلي كبير وافهم
بس مااعرف اعبر عن شعوري ابقة كاتمة الحزن والهم بقلبي ابد مااعرف اشكي الاحد
مو يكولون من تحجي الهم الي بقلبك هذا الهم راح ينزاح
اني ماعندي هذا الشي الهم ما ينزاح من قلبي ابد فقط ارتاح شوية بالبجي
بس مرات احجي لوديان عن الي بقلبي طبعا لاءن هي تلح علية احجيلهة
تريد تطلعني من الحالة الي اني بيها ، بس مااكول غير الحمدلله والشكر ع كل حال
اني حالي افضل من هوااي ناس
بس بعد فترة كمت مااهتم ابد لاي شي يصير واخذت الحيااة بس ضحك هاهية طز بالدنيا اني شوكت اشوف حيااتي اذا اضل بس حزينة
وديان : وتاالي يعني خلي نام كافي تلغن
صابرين : اكول بنات خلي نغني شوية
وديان : اكوول شعندج معرسة وتغنين تالي الليل وج نخمدي ونامي ، عود من تتزوجين غني
صابرين : اهووو شبيج وديان حبابات بس شوية والله ضوجة واني ما نعسانة وباجر عطلة
منى : تنخمدين لا اكوم اكسرج
ورود : معليج بيهن تعالي نغني اني وياج
صابرين : يلا ورود صفكي واني اغني
ورود : 👏👏👏👏👏👏👏👏👏👏
صابرين : صغيرة جنت وانت صغيرون حب عرفنا بنضرات العيون
وديان : جنت متمددة و ورود و صابرين كاعدات يصفكن ويغنن ، عدلت كعدتي وكلت احم احم اوكفن
صابرين : شكو ولح
وديان : يلا منى اتحضري
منى : ولج شتحضر
وديان : ورود جيبي الشال مالتي ، منى كومي اوكفي عاد
منى : ههههه ضحكت ع وديان عرفت السالفة
وديان : ورود جابت الشال ، ومنى وكفت شديت الشال حول خصر منى ، وكلت اا ورود حضري ادينج وصفكي
وانتي صابرين حضري صوتج وغني ، واني راح ادك ع طبلة
كمت ادك ع طبلة سويت مثل اللحن و ورود تصفك وصابرين تغني ومنى تهز بخصرها وكلنة كمنة نغني سوية
صغيرة جنت وانت صغيرة ، حب عرفنا بنضرات لعيون ، كالو ترا ذولة يحبون ومن الصغر لما يكبرون
مثل نجمة والكمر كبر حبنة وازدهر لعيونك حبيبي ...... كملوها انتو
وكل شوية اغنية ونضحك ع صوت صابرين و ع ركص منى مع انو حلو الصوت والركص بس احنا الله ذب علينا كل الضحك والفطارية بذيج الليلة
وديان : كملنة وكمنة نضحك ع خبالنة الي سوينة جانت احلى يوم بحياتنة تحسة صحيح احنة بسيطين بس نكدر نفرح نفسنة بأبسط الاشياء
نمنة مرتاحين اول مرة ، ضليت مستغربة ما كعدنة ع صوت ابوية من يجي سكران ويضرب امي
كعدت ثاني يوم باوعت اخواتي نايمات ، امي ما كاعدة اتفاجئت هي قبل ال7 تكعد وهسة راح تصير 9 وبعدها كلت يجوز تعبانة رحت غسلت
وحطيت قوري الجاي ع نار ، ورحت اكعد امي يمة يمة شو لهسة ما كعدتي اهز بيها امي ما تتحرك
تخبلت ، يمة يمة كمت اعيط ، ولكم لحكووووو امي مدري شبيهااا يمة فدوة كوومي
لا تعوفينة ما عدنة احد غيرج يمة فدووة كومي والله ننذل من وراج كوومي فدوة يمة كوومي
يتبع
تحياتي
أحمد
11/6/2019
ليست هناك تعليقات:
إرسال تعليق