الكاتبة. Zainab Farqad
بارت 14
يعوض الله، ويعطي الله، ويغني الله، ويجبر قلبك الله
ولا يعلم ضعفك وحاجتك وقلة حيلتك الا الله ❤
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وديان: داومنة بالمدرسة كلنا نفس الدوام، كنت شايلة هم لورود الحمدلله
صارت اعدادية ويانة هي رابع وصابرين خامس واني ومنى سادس بس منى سادس علمي
واني سادس ادبي، من اول ما داومنة صار ضغط علينا تعرفون سادس حيل صعب كمت كوة اكدر اوازن بين شغلي والمدرسة والقراية
بهل فترة كمت ماالحك اشتغل طلبيات ااجل بيهن من ورا الدراسة اخذتلي عقلي، تاالي كلت اذا اظل هيج راح نموت جوع وما عدنة مصرف
اكو سوبر ماركت قريب ع مدرسة، اتفقت ويا اسوي كعك عادي وكعك سمسم وكعك تمر وهذني الشغلات راد طلبية كبيرة
وبهاي الفترة كنت اشوف قائد قليل من نرجع من المدرسة، لاءن هو خفارات قليل يجي شغلة متعبة مااعرف ليش كمت اتمنى اشوفة
ورود تمشي ويانة بس بخوف مااعرف شبيها، ومنى ما مهتمة لمصطفى نهائيا وصابرين ملتهية بالرسم
كاعدين كلنا بالليل نقرة
وديان: باجر اني مااداوم
ورود: ليش
وديان: باجر عندي طلبية وماالحك الابو السوبر ماركت
صابرين: احنة باجر دوامنة مسائي يعني ما تلحكين
وديان: لا يادوب الحك من الصبح اشتغل والظهر والعصر اروح اسلمهن
منى: اني هم لعد باجر مااداوم
وديان: ليش
منى: اساعدج بالي اكدر عليه
وديان: لا ماكو داعي اهتمي بدراستج
منى: يعني ما راح يصير شي لو غبت يوم واصلا باجر ما عدنة امتحان
صابرين: ترااا اني باجر مااداوم، كنت متمددة واحجي
وديان: وشبيج انتي الثانية
صابرين: متشوفيني مدا اكدر احرك راسي مسخنة واصلا ما حضرت الباجر
وديان: سودة علية، براحتج لا تداومين كمت اسويلها كمادات
ورود: شنووو يعني اني اداوم وحدي
وديان: اي شكو عليج قبل مو كنتي تروحين وحدج بالثالث
ورود: هاا مو تعودت انتن وياية، معلية اني هم مااداوم لعد
وديان: ورود عندج امتحان ليش حرامات ترسبين بي
ورود: هففففف اي اي
وديان: ثاني يوم كعدت من الصبح نضفنة اني وومنى ورتبنة البيت وتريكنة وويانة ورود بس صابرين خطية مريضة بعدها
صار الظهر راحت ورود للمدرسة وكعدنة اني ومنى نسوي بالطلبيات وهي تساعدني بكم شغلة كامت تتعلم من عندي
خلصت الطلبية جهزت، كلتلهة راح اروح ابدل واروح اوديها الابو السوبر ماركت
منى: اروح وياج
وديان : لا ماكو داعي صابرين وحدهة تبقى اخاف تحتاج شي
منى: ماشي بس لا تتأخرين
وديان: لا مااتأخر، رحت بدلت ع سريع واخذت الطلبية ورحت للسوبر ماركت
كان موعد حلة البنات من المدرسة وهو السوبر ماركت قريب ع مدرسة بكم فرع
رحت سلمتهة اله وانطاني الفلوس وطلعت، فتت بطريق المدرسة من الافرع كمت
داامشي باوعت الشوارع فارغة كلت هسة اكيد ورود رجعت للبيت لاءن فرغت
المدرسة
مشيت ودخلت بفرع باوعت اكو سيارة قبلي تمشي بعيدة عني. تمشي السيارة ورا بنية لابسة زي مدرسة، بس البنية ما واضحة لاءن بعيدة علية
اني امشي وخايفة كلت هذولي شيريدون من هاي البنية، فجئة وكفت السيارة
ونزل منها ولد وكام يمشي وراها وهو جرها من ايدهة كامت تبجي بصوت عالي
اني صرت قريبة عليهم شوي اخطي خطوا ليكدام وعشرة ليورااا من الخوف بس من تقربت وكامت تبجي هذااا الصوت اعرفة صووت ورود تخبلت
كمت امشي سريع بكل قوتي، اباوع عليه هذا الولد كام يجر بيهة يريد يدخلهة للسيارة رحت بسررعة دمووعي نزلن ع عيااط ورود من تعيط
كام يجر بيها بكل قوتة واني اعيط وياها وادفع بي، فجئة نزلو ويا 2 من السيارة كانوا ويا حاوطونة جريت ورود لحظني واني خايفة
مااحسيت الا ع صوت سيارة طبكت صاااح واحد منها هذااا الصوت اعرفة صوت قائد
كنت مدنكة وحاظنة ورود من الخوووف مااعرف شسوي اريد احمي اختي بكل طريقة
قائد: كنت جاي من المركز وراسي مسطور وتعبان وصلت للافرع الي قريبة يم
بيتنا شفت سيارة طابكة واكو ولد نزلو وبنات 2 يبجن وهمة يجرون بيهن يريدون
يدخلون بيهن للسيارة
تخبلت شلون اخليهم هيج يسوون نزلت من السيارة بسرعة واشووف ماجد واااكف وياهم ويجر باخت ودياان ووديان حاظنة اختها وتبجي
قاائد: ولك ماااااجد
ماجد: التفت وشفت قائد وراي جفلت بمكاني
قائد: هجمت عليهم وكمت اضرب بماجد وال ويااا هذولة ال....... مااجد ما بادر باي ردة فعل كنت اضرب يي بدون وعي وهو ما دافع عن نفسة
الولد الي ويا بسرعة شردوا اخذو السيارة وراحو من كنت اضرب بماااجد لك شلووون هيج تسوي صحيت ع نفسي من سمعت صووت وديان تعيط
باوعت اختهة مددة بالكاع فقدت الوعي وهي تحاول تكعد بيها ماكو فائدة، صرت قريب يمها ودياان بيج شي احجي
وديان: الله يخليك خل ناخذ ورود للمستشفى مدري شبيها مدا تتنفس احجي واشهك اذا صار بيها شي والله اموت
ماجد: ضليت مصدووووم هااااي وديااان معقوولة باوعت لقائد واني مصدوم
قائد: صعدنة ورود بالسيارة وماجد ضل واكف بمكانة صافن باوعتلة بتحذير وكتلة اليوم ادفنك وانت عايش اذا صارلهة شي
وديان: طوول الطريق اصحي بيها وابجي، كله من ورااية خليتج تروحين للمدرسة وحدج الله ياااخذني ان شاء الله
قائد: وصلنة للمستشفى، دخلناهة وراا شوية طلع الدكتور كال شكل عدها سكراا الله ستر ما نجلطت لاءن ارتفع نسبة كولش عاالية
وديان: يااا صخام الصخمني وج ورود وينج وين السكر، الله لا يوفقكم كمت ادعي وابجي
ورا شوية كالو صحت ورود ورحنة دخلنة نشوفهة وجههة باهت وعيونها ورمانة من البجي شربتهة ماي واني كوة متحملة ماابجي وياهة
ورود: ودياان فدوة لا تعوفيني بعد والله اخاف
وديان: دمووعي نزلت ، والله بعد مااعوفج وحدج لا تخافين
قائد: مااعرف شسوي لا والنووب ورا الي صار وياهة اخوية السكط، تقربت يمها احجيلي شسوالج
ورود: كمت اشهك بالبجي
قائد: لا تخافين والله مااذيج اني اخذلج حقج بس احجيلي شسوالج
ورود: كمت ابجي واحجي واخذ نفس واكمل السالفة، من كنت صف ثالث مترسط العام يعني اداوم وحدي واكثر من مرة شفتة واكف بباب المدرسة
ينطي رقمة للبنات ويذبلهن حجي، ورا فترة كام يتعرضلي كل مااطلع من المدرسة، اوصل لحد فرع معين يم المدرسة يعوفني ويروح
بس كنت دائما اخاف، خاف يلحكني ويعرف بيتي وما عدنة احد، اذا تتذكرين
وديان من اجيت مرة وكلتيلي ليش مخطوف لونج كتلج كلب لحكني، هووو كان يذبلي
حجي وشمر علية رقمة وخفت من عندة
استمرت هل حالة وخفت احجي الاحد
حتى لو اكولج ما نكدر نسوي شي، بنهاية السنة كام يلحكني ويهددني لاءن
مااخذت رقمة ولا احجي ويا كنت احاول ابتعد عنة بأي طريقة
خلصت السنة
ع خير وخلصت منة كلت، ومن داومنة هاي السنة سوية بعد ما شفتة غير قبل
اسبوع من طلعت وحدي لاءن انتي ومنى عدجن اضافي وصابرين راحت ويا صديقتها
اني طلعت الحارس مال المدرسة كالي اني منتبه ع هذا ولد يلحكج وادري بيج
مرباية كولي الاحد من اهلج خلي يوكفونة عن حدة لا يتمادة ويااج تراا هذا مو
راحة ما بقة بنية ما حجة وياهة
كتلة ان شاء الله ماكدرت اكولة ما
عدنة احد، من داامشي بالشارع لحكني وكام يحجي حجي مو حلوو يكولي انتي
تبيعين ثكل علية وتححين ويااا الحارس
يعني شافني من كنت اححي ويا
الحارس عبالة عندي شي ويااا، وكالي اني اعلمج واشوفج من اكون لذلك اني خفت
من عندة و ما ردت اداوم لاءن وحدي
بس رحت علمود الامتحان، طلعت من المدرسة حسيت سيارة وراية كان هو كاعد بالصدر مال السيارة وويا ولد 2
كامت تمشي السيارة وهو يذبلي حجي، كاللهم اليوم اشوفكم منوو اني وكفو
السيارة ونزل يجر بية وكمت اعيط فجئة اجتي وديان وانت وصار الي صار
انكطع نفسي واني احجي وابجي ووديان وياية تبجي،
وديان: ليش ما كلتيلي مو شكد لحيت عليج تحجيلي شبيج كان وضعج ما عاجبني ليش ما كلتيلي ع الي صار
ورود: حتى لو اكولج شراح تسوين، احنة وحدنة ما عدنة احد انتي ما تكدريلهم
قائد: ع اقل لو كايلة لوديان وموصلتلي الحجي كان وكفتة عن حدة وما تمادة وياج
وديان: الدكتور كال ما راح انطيها علاج خلي تتبهرز احسن الها من العلاج
وتحاول تبتعد عن الصدماات هاي خايفة او مصدومة وشكل عدها سكر
طلعنة من المستشفى ومنى حركت الموبايل علية بالاتصالات، لاءن اني اشتريت موبايل اخلي يمهن من اطلع اخاف يصير شي يتصلن علية
رفعت خط وكلتلهة اني جاية بالطريق اني و ورود لا تخافين من اجي احجيلج، صعدنة بالسيارة و ورود ما بطلت بجي واني اهدي بيها
وقائد يحاول بكل الطرق يحجي ويااهة بهدوء ويطمنهة يكوللهة اخذي وعد مني
بعد ما يتعرضلج واليوم الا اطيح حظة واسويلة عبرة بعد ما يسوي هل سوالف
هي شوية هدأت من كلامة، وصلنة للبيت دننزل من السيارة هو نزل وكام يساعد ورود باوع علية وكال
قائد: مااعرف شحجي ولا اعرف شعبر عن الي صاار بس اني اعتذر الف مرة
وديان: باوعتلة ودموعي تجري، والاعتذار شيفيد، اخذت ورود ودخلنة جواا
منى تلكتنة وصابرين كوة تمشي مريضة اجتي هم شافتنة تخبلت من شافتنة نبجي ورود دخلت لغرفتها رئسا سبحت وغيرت ملابسها ونامت
واني كعدت بالمطبخ كعدت بصددمة والله لحد الان مدا استوعب الي صار كاعدة وصافنة ومنى تحجي وياي شربت ماي وارتاحيت
وبديت احجيلهن، نصدمن وماعرفن شيحجن وكلنة بعد ماكو وحدة تروح وحدهة كلنا سوية
رحت للغرفة باوعت لورود نايمة وتون وترجف اووف ياربي
كعدت وافكر يااربي فدواتك لو صاير هذا الشي واخذوهة كان شصاار بيها،
يااربي احمدك واشكرك خليت قائد يجي بالوقت المناسب الا شوية كان اخذوهة
وحتى اني اخذوني وياهة
حسبي الله ونعم الوكيل عليكم، ما تخافون ع
عرضكم، كمت ابجي بصوت عاالي اوووف اوووف ياربي ليش مكتوبلنة القهر لييش
والله ما سوينة شي خطأ
جاي اسوي الي بوسعي حتى ما يندااس شرفنة ليش هيج يااربي اووف يا يمة تعالي شوفي بناتج شصار بيهن من رحتي تعاي شوفي حالنا
كمت توضيت وصليت ودعيت من كل قلبي دعيت ربي يفرج همنا تعبت والله تعبت ليش
الناس ما ترحم احد ليش من يشوفون بنت ما عدها احد لازم يستغلووهة
ليش ما يخلوون العالم تعيش بشررف، بجيت وقريت قرأن من كمت اقرة قرأن احس كلمات القرأن تنطبق ويا حالنة
سبحان الله كلمات القرأن الي قريتها كلها عن الصبر، ارتاحيت شوية ورحت لكيت ورود مسخنة اووف ياااربي كمت اسويلهة كمادات
كعدتهة نطيتها علاج واني كاعدة يمها اقرة عليها ايات، كانت تبجي وترجف هي ونايمة
قائد: وصلتهن وبس اريد اوصل للبيت اليوم مااعرف شراح اسوي بماجد، دخلت للبيت كمت اصيح
ماااجد ولك ماااجد وينك اليوم اذبحك
احمد: شبيك قائد شبيك تخبلت
مصطفى: كنت براا البيت رجعت لكيت قائد يصيح، ولك قائد شبيك
قائد: وينة هذا الكلب اليوم اشرب من دمة، اححي وادور عليه بالصالة والمطبخ، اجتي امي تركض كانت فوك
ام عبدالله: خير يا ستاار شبيك يمة قائد شكووووو
قائد: جريت نفس وكلت ، كلوولي وين ماجد
احمد: ماجد ماكووو هنا طلع من العصر لحد الان ما جاي
ام عبدالله: يمة كلي شمسوي ليش هيج معصب من عندة
قائد: حسيت بعد مااكدر اوكف ع حيلي من العصبية، كعدت وبديت احجيلهم شلون كان يتهجم ع بنات النس وبعدهة ع ورود والي صار
ام عبدالله: يمةةةة صخام الصخمني، ورود شصاار بيها
قائد: يمة شكل عدها سكر من ورااا هذا الساقط
ام عبدالله: الله لا يوفقك يااا ماجد وصلت لهل مواصيل
قائد. : اني انطيتة عين هوااي اني اليوم اعلمة، كمت اسئل عنة مااكو خابرت اصدقائة الي اعرفهم ماكو يكولون ما شاف هسة وين راح
ضليت كاعد انتظر اول وتالي راح يجي للبيت فجئة دخل للبيت عيونة حمرر كمت من مكاني بعصبية! !
وديان: كعدت بين ورود وصابرين ثنيناتهن مريضات واسويلهن كمادات ومنى
تساعدني بس الي قاهرني اكثر ورود كل شوية تفز من مكانها تعيط بخووف وترجع
تنام
تحلم بيهم من تهجموا عليها، واني حايرة شراح اسوي والله شلت هم اكبر من عمري شحجي او شكول بس حسبي الله ونعم الوكيل عليكم
قائد: كمت من مكاني وهجمت عليه بالضرب واخواني كوة دفعوني من عندة وامي كاعدة ع كرسي تباوع ع ماجد وعيونهة غركانات من البجي
دفعوني عنة وهو ساكت ما يحجي
ام عبدالله: لك ماجد يا ابن بطني هاي تربيتي الك، هيج تسوي لك لييش ليييش اني هيج علمتك هيج ربيتك يعني
لك اخوانك ولا واحد بيهم هيج سوااا حتى بالمراهقة انت عليمن طالع لك لييييش بس كوولي ليش اني علمتك هيج تسوي ببنات العالم
من وراك البنية صار عدها سكر لا شوية كان نجلطت وماتت هي هاي اخلاقك وغيرتك ع بنات العالم، لك احجييييييي لا تضل ساااكت احجي
عوود اني جبتهن يمي قريب حتى احافظ عليهن من الما يخافون الله طلع ابني ما
يخاف من الله كرة عيني اي والله كرة عيني ما دام ابني كام ياخذ البنات
ويريد يغتصبهن
شحجي شحجي بس كووولي شحجي، رووح لا انت ابني ولا اني اعررفك وماارضى عليك ليوووم الدين
ماجد: ما تحملت امي هيج تسووي نزلت ابوس برجليهة واعتذر منهاااا يمة فدوة لا هيج تسووين اني غلطت والله سامحيني يمة
ام عبدالله: وخرررر كتلك انت مو ابني اني ما عندي هيج ابن
قائد: كوة متحمل ما دفنتة لماجد بس بنفس الوقت من شفت الندم بعيونة نقهرت عليه امي ضغطهاا ارتفع وحرنة بيها ماجد راح صعد لغرفتة
وبعد ما شفتة، امي ضلت كاعدة تبجي وتدعي للبنات وتدعي الله يغفر لماجد للي سواا
صار الصبح شفت امي وجههة تعبان كالت اني راح اروح للبنات خلي اشوفهن كانت كوا تحجي
وديان: الليل كله ما نمت سهرانة ع خواتي الصبح توضيت وصليت ورجعت كعدت يمهن، كلنا ماالنا نفس لا ريوك ولا شي
مااعرف بيش الساعة اندكت الباب طلعت منى فتحت الباب اجتي عبدالله وجههة تعبان ومبين عليها الخوف علينا والحزن
كعدت يمي حظنتني وكاامت تبجي واني ابجي وياها
ام عبدالله: والله يا يمة مااعرف شكولج والله انتن بنااتي وماارضى عليجن
يصير شي وياجن واني جبتجن هناا حتى اامن عليجن تالي يطلع ابني هيج يسووي
مااعرف وين اودي وجهي منجن وورود خطيتهة بركبتي اذا الله يريد يطلع حوبتها خلي يطلعها بية
وديان : ضليت ابجي واباوع لحال اختي كل شوية تكعد تصرخ واقرة عليها ايات
ومعوذات ترجع تنام صارت بيها حالة نفسية وكامت تتخيل شغلات ام عبدالله شافت
حالتهة وكالت العصر نوديهة لدكتور نشوف علتهة
قائد: كاعد انتظر امي اشوف شصار عليهن اجتي امي كلت
ها يمة شلونهة ورود
ام عبدالله: مااعرف شحجي حالتها تكسر الخاطر، كل شوية تفز من نومها تصرخ وتتخيل شغلات وتكوم تحجي بكيفها لحد الان مصدوومة
قائد: يمة نوديهة للدكتور
ام عبدالله: اي اني هم كلت هيج، العصر ان شاء الله
قائد: رفعت راسي شفت ماجد واكف يباوع امي شافتة. ودخلت للغرفة
ماجد: لحكت امي مااتحمل زعلها وهي ابد ما غضبانة علية هيج، الليل كله ما نمت
ام عبدالله: ماااجد اطلع براا مااريد اشوفك
ماجد: يمة اماانة بس احجي وياج فدوة خل احجيلج
ام عبدالله: شتريد تحجي
ماجد: يمة اني ماانكر كنت ارقم بالبنات وعندي علاقات بيهن بس والله ما
سويت وياهن شي غير الاتصالات والعام شفت هاي البنية الي طلعت اخت وديان
هي الوحيدة الي ما عبرتني ولا هتمتلي وضليت مخيل عليها، عرفت بيها هي ما
تنطي مجال الاحد بس قبل فترة شفتها تحجي ويا الحارس كلت هاي حذابة وتبيع
ثكل براسي
كلت الاصدقائي عليها وعن مواصفاتها طمعنة بيها وكلت اني اعلمهة لازم اربيهة كانت تبيع ثكل براسي وهي تحجي ويا الحارس
اتفقنة اني واصدقائي شفتها طلعت من المدرسة ضلينة نلحكها دخلنة بفرع فارغ نزلت اجر بيهة اريد اخذهة
ام عبدالله. امداك يالاغم وتحجيها ومكيف بنفسك بالي سويتة لك هذا عرض عاللم
ام عبدالله: البنية صارت بيها حالة نفسية وخوف، خلي نوديها لطبيبة نفسية نشوفها شتنصحنة
قائد: الله كريم
ماجد : نزلت من الدرج وسمعتهم يحجون يريدون يودونها للدكتور، يعني لهل درجة واصلة حالتها، الله ياخذني
امي بعدها ما تحجي وياي وما معتبرة الي وجود ادري الي دتسوي مو من قلبها بس بعدها زعلانة علية وقائد هماتين ما يحجي وياي
صعدت لغرفتي صليت ودمعت عيوني واني استغفر ربي ع الي سويتة ياارب سامحني اني شلون هيج سويت والشيطان غواني
وديان: عشت اقسى يوم بحياتي حسيتة من شفت اختي صار هيج بحالهة، كل شوية تكعد تعيط وتحضني وتكولي رادوا ياخذوني
ام عبدالله خابرتني كالت العصر حظري ورود ناخذهة للدكتورة، بالبداية ما
قبلت كلتلها ماكو داعي هي ضلت تلح علية وورود حالتها ازدادت للاسوء خفت
عليها لذلك وافقت
العصر بدلت لورود وبدلت اني ورود ما تحجي شي
كاعدة صافنة اجتي ام عبدالله علينا اخذت ورود وطلعنا خواتي بقن بالبيت
تأكدت قفلن الباب وطلعنا
رحنا بسيارة قائد هو يسوق وامة كاعدة
ليكدام واني وورود ليورا قائد كام يحجي ويا ورود ويسألهة عن احوالهة يريد
يطلعها من الجو الي هي بي
بالبداية ما جاوبت باي ردة فعل بعدين كامت تجاوبة بس تحجي ومالها خلك ، ورود فقدت ظحكتها الي كانت متفارك وجهااا
وصلنا للعيادة مالت الدكتورة ورا شوية اجة دورنا ما قبلت ورود تدخل وحدهة
دخلت وياهة الدكتورة كامت تحجي ويا ورود وتسألهة كانت ورود ما تقبل تحجي
بالبداية بس بعد تشجيع مني ومن الدكتورة
كامت تحجيلهة الي صار وياهة الدكتورة نطتها نصائج وضلت تحجي وياها حسيت ورود ارتاحت
انطتني نصائح ادير بالي عليهة ومااخليها وحدهة واطمنها محد يتعرضلها وحتي
حجت ويا قائد وام عبدالله عبالهة قائد اخوية وام عبدالله امي
رجعنة من العيادة بالطريق قائد وكف يم مطعم وكال اني اليوم اريد اعزم ورود دخلنة للمطعم وطلب اكل وكعد يحجي ويا ورود ويبتسم الها
دققت بملامحة ووابتسامتة صدوك ع كولة ورود حلووو ما كنت منتبهة لجمالة ورود انطلقت بالحجي ويا وكعدت تحجيلة عن حياتنة شلون كضيناها
وام عبدالله تشاركهم الحجي واني اباوع علي ورود وابتسم لضحكتها صدوك غيرت جو
ام عبدالله : يمة قائد ما كتلك ع ورود شتكول عليك
قائد. باوعت الامي بتساؤل ، شتكول علية
ام عبدالله : تكول عليك حلووو وشخصية دائما ع لسانهة كلمة حلوو اول مرة ادري بيك هلكد حلوو هلكد ما مدحتك
قائد: هههههه انتي الاحلى ورود
ورود : لا والله انت الحلووو ، لو تروح تمثل البنات يكتلن روحهن عليك
وديان : ولج ورود اسكتي عيب
ورود : هسة اني شكايلة هو حلووو والله
قائد: ظحكت ع سوالف ورود وحسيتها مثل اختي بس تفكيري وقلبي يم وديان الي ما مهتمتلي
وديان : رجعنة للبيت وصلنا قريب ع بيت يم الشارع العام فجئة ورود شهكت ولزمت ايدي حيل وضمت وجهها بالعباية مالتي
كلنا انفزعنا من تصرفها باوعنة كان ماجد واكف ع شارع يم اصدقائة شافتة وخافت كمت اهدي بيها واكوللهة احنة وياج لا تخافين
رجعنة للبيت تعبانين ورود راحت نامت طبعا هل يومين ما داومنة بالمدرسة كلنا خايفين ع ورود
يتبع
ليست هناك تعليقات:
إرسال تعليق