يسعد مساءكم بكل خير احبتي
⚘🌸⚘🌸⚘🌸⚘🌸⚘🌸
سـميـتك عـيــونـي
ألبيــها أشـــوف النـــاس
يل فــــدوة لـعيــــونك
يـــرحـن عـيـٓـــــونـــي😔💔
اريج ..ومرت الايام واخوي الثاني عمار قرر يتزوج اخذ بنت عم ابويه خطبناها وهناك بلخطوبه الانظار بس عليه وعلى احمد
ركصنه ومشينه الوضع عادي رجعنه البيت صعدت ابدل صعد احمد بس شفتو صعد اني بجيت كتلو مليت احمد شوكت نخلص
احمد ..حبيبي هانت مابقه شي ان شاءالله يقبلون اهلج لو اعرف اخذج غصب عن
الكل صدكي ماعوفج لو اعرف اتحدى كل العشيرة الخاطرج ماتأخر
اريج ..اوووف ليش هيج يصير ويانه مشاكل شرايدين قابل احنه غير الحلال 😢
احمد ..الله كريم حبيبي فدوة لعيونج لتبجين ماتحمل اشوف دموعج بس كولي يالله ان شاءالله يجبر بخاطرنه
اريج ..يااااالله ..
وظليت ٣ اشهر بس قهر وتفكير شراح انسوي اتزوج اخويه عمار بيوم الحنه.
مالتو احمد كال اليوم افتح الموضوع مادم الكل مجموعين بالليل حجه احمد
جدام الكل واخواني وافقوا وامي سكتت واني طرت من الفرح مصدكت اخيرا قبلت
امي وراح انخطب لحبيبي بس للاسف يافرحه ما تمت 😔 ..الصبح بلعرس ويجينه خبر عمتي اتوفت ..
وانكلب العرس عززة وبجي وامي تبجي بصفحه واخواني وخواتي وكلنه انقهرنه
اتفقوا ان العروس تجي هذا هو لان مو مال انأجل وهيه حتى العروس اجتي من
الصالون راحوا ناس كولش قليلين جبنه العروس وزفينه العرسان وكل البيت فرغ
..
كولنه رحنه للفاتحه ورجعنه بالليل سبحنه ونمنه والصبح حتى
العرسان اجوي ويانه للفاتحه وزوجة اخويه الجبير جابت الطفل الثاني بنوته
اتجنن سميناها ميرنا حلوه مدنفشه ..
واتأجلت خطوبتنه صارت الاربعين
مالت عمتي وراها هم رجع خطب احمد وهنا انصدمت صدمة عمري امو لاحمد كالتلو
اذا اخذتها تنسه عندك ام واتبره منك ليوم الدين وعمي وافق مرتو ..
......
احمد ..ادري شرايد منكم يا اهلي وعزوتي رايد بنت عمي بالحلال الله اكبر
يعني تكسرون گلبي ليش بس هل بنية التمنيتها من الدنيا وانتوا تريدون توكفون
بطريق ساعدتنه ليش
الام ..والله هذا العندي افتهمت بنت عمك ماتصير
جنه لهذا البيت وماريدها تصير مرت ابني الي ربيتو وتعبت علي وكبرتو اني
اختاريتلك بنت خالتك همس الك وان شاءالله اخطبها الك وانتهى كولشي
احمد ..والله لو تنطبك السما ع الارض ماخذ غير اريج وشتريدون اتسوون سووا
وبنت اختج تحلم ادحج بوجها لو اتزوجها اني احب اريج وراح اتزوج اريج وبس
الام ..عجل روح اخطب وحدك شوف منو ينطيك مرة واهلك مرايدين بنتهم .
ابو احمد ..ابني كفي الشر وسد الموضوع هسه لتناقشنه بي
احمد ..ابوية حتى انت صرت ضدي يعني قبلت بحجي امي صرتوا اثنينكم ضدي لو ما اني وحيدكم جان شسويتوا ها
واستمرت المشادات بين احمد واهلو وماخذ منهم لا حق ولا باطل
.......
اريج ...اجه احمد مكسور الخاطر وسولفلي ع الي صار ووصارت مشاكل كولش قويه
واني بس ابجي واكولو احمد لتعوفني حاولنه جثيير ومصارت وكال ما استسلم
العمر جدامنه واجتي اوضاع الطائفيه جثيير ناس اتهددوا من ظمن هل ناس عمار
اخويه واحمد اجوي ناس رادو ياخذون اخويه من البيت ..
وامي ادك وتلطم
عمار ..طبوا جماعة مسلحة رادوا ياخذون اخوي اتخبلت لزمت جدامهم وكتلهم
اخذوني اني بمكانو لحد ما عفو عن اخويه احنه متشاهدين ودم ماظل بجسمنه ...
اريج ..خطية اخوية هو بعدو عريس واكلنه هل هبطه الله لايوفقهم دمروا البلد
بسبب الطائفية البلد تايه القوي ياكل الضعيف والعالم تتذابح الخوف والرعب
انتشر بالبلد ...
وجان الصبح يجي احمد اسمعو يحجي ويه عمار اخويه لان همه علاقتهم قويه
احمد ..اكول عمار هذا لكيتو التهديد بلباب
عمار ..لا بربك
احمد ..اي والله الوضع متأزم وماعاد ينسكت علي كامو يشمرولنه تهديدات ..دبرنه شراح انسوي
اريج ..اني سمعت هيج اتخبلت دخلت لاستقبال كتلو شنو تهديد احجي يريدون
يكتلوك كولي هو يحاول يسكتني مكدر لحد ما اغمه عليه ودوني المستشفى هبوط
بلضغط حاد صحيت راساً صحت احمد اجه يمي
احمد ..هياتني يمج كافي ليش هيج اتسوين بنفسج تريدن تموتيني كوليلي
اريج ..اني لازمه ايدو وابجي كتلو لتعوفني اترجاك احمد ابقه بجاني اني ماكدر اعيش بلاك 😔
احمد ..لزمت وجها كتلها حبيبي منو كلج اعوفج اني للموت وياج صدكي اتخلى عن روحي وما اتخلى عنج
اريج ..ابتسمت وارتاحيت من هيج كال ..طلعوني واني دمعتي منشفت احمد ظل بلبيت ارتاح ع الاقل هو جدامي
احمد ..حبيبي راح اكولج شي بس ماريد اتضوجين اني اظل وياج حته لو بعيد ..مكدرت اكمل سكتت
اريج ..احجي شبيك كول شنو تريد تكول ليش سكتت
احمد ..احم شوفي حبيبي اني راح اسافر لسوريه لان اكثر العراقين سافروا بسبب هل طائفيه لسوريه
اريج ..اني ضحكت كتلو احمد هذا مو وكت شقه لو انته مصخن وتحجي هيج اجه اتقرب يمي ولزم ايدي وجرني عليه
احمد ..اريج اني حياتي بخطر حبيبتي هل شي لازم تعرفي
اني لازم اسافر
اريج ..انصدمت من هيج كال ..كتلو يعني تحجي صدوك هز راسو يعني اي ..
بجيت وكعدت بلكاع كتلو مفكرت بيه وين اروح بدونك منو اليه والله اموت من غيرك ما اتحمل ظل حاظني ويسكت بيه
احمد ..اريج الله يخليج لتصعبيها عليه يعني تريديني انقتل مو كدامج ديهددون بينه
اريج ..بلعت الغصة وسكتت شكدر احجي بعد ..وراح احمد لبيتهم واني الوب
وافرفح من القلق والخوف يربي شنو حياتنه احنه العراقيين جريناها كلها قهر
بقهر ومن صدمة لصدمة ياربي الطف بينه واحفظ ولدنه
وره ٣ ايام اجه احمد بليل وظل حاضني ..
احمد ..كافي يانظر عيني لاتبجين ول يابه دموعج حركني حرك ولج والله اموت عليج وحتى لو اموت اظل احبج
اريج ..سكتو حطيت ايدي ع شفتو كتلو لتكول هيج اموت اني ولا انته ..جان يسد
حلكي هو ابوسه كطع النفس بيه كال احبج كتلو شبيك احمد ليش هيج رجع هم
باسني وظل حاضني
احمد ..تعالي نامي يمي
اريج ..واهلي شلون بيهم
احمد ..هسه اني اعرف شسويلهم
اريج ..راح جاب منوم وخله بلعصير و وزع للكل وخلاهم الكل ينعس ضحكت ع اخبالو كتلو من كل عقلك
احمد ..اتقربت عليها وحضنتها كتلها اريد اشبع منج شسوي
اريج ..نمت يمو بلاستقبال وظل حاضني يبوس بيه ونزل ع صدري بلبوس صارت
لمساتو جريئه دفعتو كتلو احمد راح اكوم ماريدك رجع سحبني علي وحضني
احمد ..مكدرت اخليها اتكوم ردت اطفي نار شوگي بيها لان راح اسافر ومادري
ارجع لو لا كتلها عذريني مو بيدي والله ابقي بحضني للصبح بداعتي اريد اشبع
منج
اريج ..ظليت نايمه ع صدرو واسولف وياه وهو يلعب بشعري وكلساع
بوسه واني هم احب بوستو نمت ماعرف شلون الفجر كعدت الكيت نفسي بلغرفه
وماعرف من شالني بس ماكو غيرو حماده شايلني وحاطني بغرفتي بدون ماحس ..
صبحت عليهم سالت ع احمد ..زوجة اخويه كالت راح البيتهم دكيت عليه مارد
وراها كام يطلعلي مغلق ادوك ما احصل الحد ثاني يوم المغرب دك التلفون رقم
غريب مارفعت اول مره ..
ثاني مره رفعتو صوت احمد كتلو احمد وينك ادك عليك ماكو والله خوفتني ليش هيج تسوي بيه سكت هو
احمد ..حبيبتي اشتاقيتلج
اريج ..اي تعال هسه شعندك ..
احمد ..حبي عيوني انتي اني هسه بسوريا 😔
اريج ..اني هنا بهتت من الصدمة لا يالله شديحجي هذا وخرت الجهاز اشوف
الرقم والدمعه وكفت بعيوني اي هذا رقم دولي لا ميسويها كتلو صدوك احمد
والله سافرت يعني وعفتني ..بجيت كتلو اني اخر وحده تعرف بسفرك
احمد ..حبيبي اني وصيتهم ماريد اشوف ادموعج يصعب عليه اودعج والله
اريج ..اني اتهسترت ليش احمد والله اموت من دونك ماريد اعيش ..شنو معناة حياتي وانت مابيها فهمني 😭 ..
يحاول يسكتني واني ابد ما اسكت بس ابجي سديتو ونمت اني طبعي من انقهر
انهزم بلنوم نمت وكعدت ثاني يوم وراسي ينفجر ظليت بلغرفه اجتي زوجة اخويه
عمار اتسكتني
فاطمة ..اريج حبيبتي اهدئي هاي اني هم هسه مووياج وهم سافر عمار يسافر احسن من ما ايموت ونفقدهم للابد ..ع الاقل نعرف همه بأمان ..
اريج ..مسحت دموعي كتلها ولج فاطمة احس كلبي راح يطلع من مكانو سكتتني وقنعتني خابر احمد حجيت وياه
احمد ..حبيبي بس شويه يصير الوضع زين اني يمج لتخافين والله ارجع ..
اريج ..جانت العبرة خانكتني اريد اطك من البجي ..كتلو اي واني بس اريد ابجي يحجي هو واني ساكته
احمد ..حياتي روحي ارتاحي ولتضوجين متعرفين الله شظاملنه
اريج ..اتنفست بقوة حتى اهدأ كتلو والنعم بالله
ظلينه نتخابر كل ٣ ايام لان ماعندو شغل اهناك اخويه عمار سافر اهناك واختي
هيه وجهالها وزوجة اخويه هم مثل حالتي بس تبجي ع اخويه اواسيها وابجي ع
احمد هو من يحجي ويايه احسو يبجي بس مايبين اليه ..
اختي من وصلت
السوريا هيه واخويه امسلم عليه وكاللها ام حسن بس كوليلي شلونها اريج زينه
كالتلو اريج بس تبجي عليك هو عايف اختي ومقهور ..
ورايح طالع من
البيت ظلو اهناك واني عايشه بس اسمع صوتو ضعفت وزني نزل كولش ...فتره مرت
وحسيت احمد ابتعد عني كل مااخابرو مشغول لو شويه يكلمني ويروح كمت احجي
وياه واعصب كتلو ليش هاملني يكولي شغل وهاي اسكت ...
اكول حقو غربه
وشغل هواي عليه الحد ما فد يوم خابرت لحد هسه اتذكر تاريخ جرحي منو ٢٠٠٨
/٣/٤ خابرتو ساعه ١٠ بليل دكيت جوابتني بنيه عبالي اني غلطانه كتلها بلا
زحمه هذا تلفون احمد كالتلي اي نعم منو ويايه كتلها انتي منو ..احمد وين
اني كمت ارجف واني احجي وياها حسيت اختنكت اريد اجر النفس مايدخل لريتي
عبالك واحد طابك ع ركبتي جان تكولي احمد بلحمام ..
اني هنا فقدت عطت عيطه رجت الغرفة رج لان احس كلبي انفجر من النار الي بي ..
طلع احمد اسمعو يكولها ليش فتحتي تلفوني اتكولو هاي تلفونك دك واني رفعتو
وحده تسال عليك وكتلها انته بلحمام جر الجهاز منها وشافني اني
احمد
..من طلعت من الحمام شفت هل غبية فاتحه خط واريج جانت ع الخط اتخبلت ركضت
جريت التلفون من ايدها صرخت كتلها اريج بس افهمي بداعتي لتفهمين الموضوع
غلط
اريج .. اني سديتو متحملت اسمع كذبو او تبرير منو ..
شمرت التلفون وظليت ادك ع وجهي وابجي واصيح ليش شنو سويتلك وهيج سويت مو اني شكد حبيتك هيج سهله عندك الخيانه هاي عود حب الطفوله ..
صوجي حبيتك اكثر من نفسي اجتي زوجة اخويه فتحت الغرفه حظنتني وتسكت بيه
واني بس ابجي كتلها ولج خاني خاني ووكعت فقدت الوعي محسيت غير الكل يمي ..
بوجهم ورجعت ابجي من جديد امي حظنتي واتكول كافي ميستاهل الدمعه منج يمه
والله حبيتو ليش سوه هيج رجعت نمت ومحسيت غير الفجر وصليت جريت جهازي وليكت
٤٠ مكالمه منو وجثيير رسايل كال بس افهميني واعتذر عفت الجهاز ذبيتو
ومحجيت وياه ابد كلت ما دام باعني
ظليت اصلي وادعي وابجي كملت صلاتي
رجعت ع الجربايه وافكر بشنو قصرت والله ما اذيتو بشي احاول انسه وارجع
افكر اكثر هو استمر يوميه يخابر ع الكل اهلي اخوتي يحجون وياه ..
اني بس اسمعهم رغم كل الي صار ومن اسمعهم يحجون وياه كلبي يفرفح عليه يحجي
ويه اخويه وزوجة اخويه اتكولو كسرتها انته ليش هيج ماعرف هو شنو يحجي وياهم
بس يكولهم خليها ترتاح عفتهم ورجعت ابجي
وآأخسـر #دمــوع 😢
وانتــهى #المـوضوع💔
#في_مكان_اخر ..
احمد ..بذاك اليوم الي خابرت بي اريج جنت متعارك ويه صديقي من وره هل بنية
الي جابها وفرضها علينه كتلو منو سمحلك اتدخل بنية للشقه منو كلك احنه
نقبل
وليد ..والله مثل ما هيه شقتك شقتي هيه هم ..وبكيفي اطبب الي يعجبني افتهمت
احمد ..تاكل تبن اذا عندك شي وصخ روح بره الشقه سوي مو هنا احنه انصلي ومنقبل اتوصخها بقذارتك ...
شو هذا استوحش كام ولزمني من ياختي راد يضربني لزمتو وركعتو كله خليت وجها
يكت دم ودفعتو وشمرتو بالكاع كتلو اكسر ايدك اذا مديتها عليه افتهمت من
باجر اطلع من الشقه اروح اشوفلي مكان اعيش بي ..
طلعت من الشقه
وثاني يوم لملمت غراضي وشفت هاي البنية جاعدة ولابسة شبه عاري وتتمندل
بالشقه نفسي تقززت ردت اتصل ع اريج كلت اطب اسبح واطلع اتصل بيها ...
واني بالحمام صدفة اريج اتصلت وحظي المصخم هل بنت الكلب حشاكم شالتو
لتلفوني وفتحت خط واريج سمعت صوت هاي اتخبلت ركضت اخذت السماعة ردت افهمها
السالفه ..
بس للاسف مقبلت وسدت التلفون بوجهي وعاندت ..وصرخت بوجه البنية الي ردت ع تلفوني كتلها الله ينتقم منج شسويتي ..
اوووف ياحظي شسوي هسه اني بهل غربة وانوب اريج هيج افتهمت الموضوع غلط شراح يفهمها وشلون راح ترضا ..
اووويلي ياربي يعني لا ابلدنا ارتاحينه ولا من تغربنه ارتاحينه متكولولي وين نرتاح بالكبور 😣
في مكان اخر
اريج ..جنت امدده وبالي مشغول باحمد اوووف ليش كلبي يريدو هو خذلني كامو
اهلي يحجون عليه ليش هيج اتسوين بروحج هو عايش حياتو ومرتاح وانتي هيج راح
اتموتين ..
ظليت ساكته العصر اجوي بيت اختي واني بنت اختي كولش
صديقتي ظلت تشاقه وتضحك واني بس صافنه بعدين كامت جرتني كالت اووي خاله
لاتظلين حابسه روحج بالغرفة تعاي شوفي الناس وهاي كتلها مليت من كولشي ..
خلتني انزل وياه جوه كعدنه اتغدينه سوه ظلو يتشاقون بنت اختي ويه اخويه
وتكمز صدوك ضحكت من وره سوالفها الحلوه اجتي هيه حضنتني وباستني كالتلي
اتروحلج العشيره فدوه ..
كمت سبحت ورتاحيت طلعت حتى ميهلي امشط شعري
اجتي هيه مشطت شعري كالتلي خل اصيح امي تشسورو الج كتلها ماريد عوفيني
انام نمت وصرت هل فتر بس انام وروحي طالعه من كولشي ..
كعدت العصر
لكيت عماتي جايات نزلت سوالف وياهن وعادي كلت حتى ليحجون عليه اسمع عمتي
الزغيره تحجي ويه امي اتكولها خل انزوجها خل ترتاح من هيج تفكير
امي ..ماريد اخاف هم ترجع تتخربط عليه
اريج ..مرت هاي الفتره هيج بس قهر واحمد الي ما مل يوميه يخابر ورسايل ويتوسل ومر ع هاي الفتره ٥ اشهر هيج صار عدنه عرس ابن خالي ..
اتحضرنه كولنه امي كالت انروح قبل يومين رحنه انجمعنه كولنه ضحكت ويه
بنات خالي والولد سوالف وشقه ولعبنه بليل ورق نسيت قهري وياهم واجتي حتى
خالتي الي بالمحافضة وكرايبهم ..
هاا واخويه رجع من سوريا هو واختي
لان متحملو وصار يوم الحنه واحنه ملتهين سوينه شعرنه ونزلنه نشتغل ويه
امهاتنه صبو الغدا الناس واحنه بلمطبخ كملو الغدا لمو المواعين واحنه دنغسل
بلمواعين اني وبنت خالي وانسولف عادي داتكولي اريج بس انكمل الماعين نصعد
نرتب نفسنه ..
هيج دنحجي واجتي بنت بت خالي اتسلم علينه واتبوس
كالت اكو مفاجاء تنظرج كتلها اوووي مابيه حيل بعد شغل هيه بس تدحج طلعت من
المطبخ وياريتني ماطلعت واشوف الي شفتو ..
طلعت واشوف احمد ديسلم ع
امي وعماتي اني جمدت وبس ادموع تنزل اندار عليه كتلو صح لو اني داتخايل هوه
بس ساكت انداريت عليه وراسا وكعت بلكاع ..
اسمع بس الهوسه يمي وامي
اتصيح بنتي بعد محسيت غير اني بغرفة ابن خالي والبنات يمي وامي جاعده يم
الكنتور تدحج عليه واحمد يم راسي اني شفتو وكمت اعيط اطلع بره ماريدك ليش
اجيت اكرهك وهو يحاول يسكتني واني ابجي واحجي كمت بساع اريد اطلع ..
حسيت بدوخه لزمت الباب واجتني بنت خالي ويايه وبنت اختي كالن وين راح
اتروحين محجيت بس امسح بدموعي وادحج علي هوه مدنك راسو ويهز برجلو صعدت
وعفتو ..
بنت خالي كالتلي هااا هسه شنسوي نظل نبجي كتلها لاوالله
هسه ابدل وشوفي شراح اسوي كمت لبست ثوب قصير الوان اخظر فاتح ومنقط با اسود
وسويت شعري ع مكياج كولش خفيف ولبست حذا كعب وهنه البنات يبدلن ويدحجن
عليه ..ثوبي شويه دلعه مهتميتلو ..
نزلت من الدرج واشوف الولد
يدكون ويركصون واحنه طبعنه اعراسنه سوه ولد وبنات عادي لان بس كرايب بعدهم
الغربه مجاين الولد مسوين الشارع كراسي وهسه اني نزلت وابن خالي الزغير
جرني وركصت وياه
واحمد عينو عليه اني اعناد بي اركص ويه الولد وهو
يضوج كام ابن خالتي يركص ويانه والبنات اجني ويانه وصارت لمه حلوه بنت خالي
تركص وكالتي ولج راح يموت من وراج عيونو احمرت كتلها عوفي يستاهل مو مثل
نار الي بكلبي خل يحس شويه بيه داركص وااحمد طلع متحمل اني كعدت ..
ابن خالي صاحني من فوك كال تعاي صعدي اريدج كتلو هااا كال تعاي شبيج صعدت
بس صعدت وصلت الغرفه انجريت من ايدي ودخلني احمد وابن خالي نزل وعافنه اني
ظليت اجر بيدي كتلو شلون تتجراء هيج تسوي
احمد ..وانتي الي دتسوي تهزين بجسمج كدام الولد عادي عندج شبيج اتخبلتي انتي متستحين قسما بذات الله ادفنج بكاعج بس تعيديها افتهمتي
اريج ..وانته شنو منو حتى تحجي ويايه هيج
احمد ..هااا هسه اني منو
اريج ..اي نعم من يوم الخنتني وكلبي نساك وميريدك ولاعبالك انقهر عليك ما
انقهر لان انته متستاهل ..هو اني بس اريد ابجي من وره اتقدم عليه واني ارجع
لحد ما لطخت بلباب هو حصرني بيدو
احمد ..اتقربت عليها وحصرتها ع
الباب جنت مشتعل بنار كتلها اسمعي ولج اني احمد الي متكدرين بدونو
لاتكابرين اعرفج تريدني بس اني اريد افهمج لتظلين هيج تحجين
اريج ..هه بس هسه انته متهمني ولا اريد افهم شي
احمد ..اهااا اي وصايره اتجاوبين ومتريديني من قواج عليه احجي
اريج ..ردت افلت من قبضة ايدو مكدرت كتلو قهرك ودفعتو كتلو وخر خل اروح
محسيت غير احمد حط شفايفي بشفايفو وظل يبوس واني ادفع بس اريد اقاوم لحد
محسيت نفسي رخيت وبادلتو الشعور بلا مادري ليش اريد مااعرف لو احبو بعدني
ظل يبوس بشفتي لحد ما انكطع النفس مني ..
ابتعد واني مغمضه عيوني هو دحج علي فتحت عيني وجان ادفعو كتلو حقير ليش هيج اتسوي ماريدك اكرهك
احمد ..ضحكت ومسحت وجهي كتلها اتحبيني وتظلين اتحبيني معبالج اصدك هل كلام الي يطلع من وره كلبج 😏 ..لو صدك مجان استسلمتي بحضني من اول بوسة
اريج ..كتلو مااا احبك لو اموت وهاي الي سويتو وقاحه عفتو ونزلت بنت خالي
كالتلي وين اختفيتي كتلها هيج شغله ابن خالي الي صعدني ديركص ويه الولد
صحتو كتلو ليش هيج سويت واني احسبك اخويه
علي ..لان اخوج ماريدج هيج اتظلين بقهر احجي وياه وافتهمي منو وحاسبي لتظلمي
اريج ..كتلو ما استحمل وبعد ماريدو ابد لو شيصير ..
كملنه الحنه واني اعناد بي اركص كلساع طلعو الولد كلهم وسووا الحنه بلشارع
واني كعدت افكر بلي سواه احمد بنات عمتي كالن متكومين ويانه كتلهم تعبت
مابيه حيل ..
وللحكاية بقية ...
بــالــك تـضـن وتــكــول
بفـــراكك أرتــاح😔✋
ابـجــي ابـسـواد الـلـيـل
حـتـى الـرمـش طــاح💔🚶
يتبع ...
تحياتي
أحمد
26/5/2019
ليست هناك تعليقات:
إرسال تعليق