قصة قدر مكتوب الجزء الثاني عشر

#قدر_مكتوب

الكاتبة. Zainab Farqad

بارت 12

شاءت الاقدار والصدفة

ان تجمعنا سويا ❤

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

وديان: من شفت ابو شوارب ( قائد) مااعرف شصار بية قلبي كام يدك سريع مااعرف خوف او اي شي ثاني مااعرف اعبر احساسي بهل لحضة

قائد: نصدمت معقوولة ودياان هناا يااربي الحمدلله لكيتها ، تقربت منها

وديان: بدا يتقرب بخطواتة كان يفصل بيني وبينة ستاند العطور، كمت اخاف، اخاف منة يطلعنة من المشتمل اذا عرف واني ما صدكت استقرينة ببيت

قائد: وديان، واخيراا لكيتج

وديان: نصدمت من كلامة، ليش شنو جنت تدور علية

قائد: لازم مابين هل شي علية انو اني رايدهة، احم احم اي ضل بالي يمكم لاءن وحدكم وانشغل بالي عليكم ،بودي اروح احظنهة واكوللهة متت من وراج وتمنيت الكااااج اووف مدااصدك لكيتها

وديان: تسلم متقصر،

قائد: انتو وين عايشين حاليا

وديان: مااعرف شجاوبة، ااا لكينة بيت واجرنة

قائد: ووين مكانة، كنت مصر اعرف مكانها

وديان: وانت ليش تسئل

قائد: باوعتلها وخزرتها، جاوبي وين مكانكم

وديان: هذا الشي ميخصك، ياريت تتركني وتتفضل لغير مكان اني عندي شغل

قائد: ضليت حاير ليش مدا تقبل تنطيني عنوانهة، صحيح هي هم بنية وتخاف شلون تنطي عنوانهة لرجال غريب بس كلت اليوم مااعوفهة راح اراقبهة

واني مااتحرك منا شراح تسوين

وديان: لا تجبرني اصيحلك الشرطة رجائا اطلع، انت شنو تريد مني

قائد: والله صدووك خوفتيني، بابا اني ضابط يا شرطي راح تصيحيلة هسة

وديان: درت وجهي عنة وما حجيت ورحت ارتب بالعطور، يااربي هذا شجابة خرب حظي صار شكد وما عرف بينة، كان مسافر وخلصانين هسة راح شيسوي اذا عرف احنة كاعدين بالمشتمل

محمد: لك قائد وينك، اشو ضال هنا امشي يمعوود

قائد: محمد يحجي وياي واني بالي بعيد واكف قريب يم القسم مال العطور الي واكفة بي واباوعلها ومدا اصدك لكيتها اباوعلها وابتسم لا ارادياا يااربي فدواتك الحمدلله لكيتها،

محمد: هييييي مو دااحجي وياك

قائد: هاا شكو

محمد: سالمين، شبيك، اشو ما شتريت العطر الي تريدة

قائد: ماكوو مالكيتة، بس لكيت الاحسن من العطر ، كنت احجي واباوعلهة وصوتي عالي عرفت سمعتني

محمد: وشنو هذا بلا الاحسن من العطر

قائد: بعدين تعرف

محمد: يلا لك خل نطلع ابراهيم حرك التلفون علية، بالطابق الجواا ينتضرنة

قائد: روح انت. اني مااروح

محمد: ولك شبيك شنو ما تروح

قائد: محمد ابوس ايدك عوفني بعدين احجيلك

محمد: اكول انت وين صافن وتحجي، باوعت صافن ع بنية واكفة يم العطور، كانت ناطية ضهرها وترتب العطور وفجأة ندارت 

ولك شنوووو هاي اوويلي تكطع، اكول ليش عقلك طاير

قائد: تنجب لا اطيح حضك احترم نفسك ، ويلا دير وجهك عنها

محمد: لا والله ولش عيوني، انت حلال تباوع واني حرام

قائد: اي هاي زوجتي المستقبلية، ونجب يلا وروح مااسمحلك تبااوع

محمد: كول والله

قائد: ماكو داعي احلف

محمد: لك شنوو هاي صاير تطورات واني ماادري، يا خاااين ما تحجيلي

قائد : بعدين احجيلك ولي عااد مو ابراهيم راح يهجم المول مو بس الموبايل من كد ما دك عليك ما بي حيل يصعد فوك

محمد: اي لخاطرك راح اروح، بس فد خمس دقايق حباب واروح

قائد: شتسوي بالخمس دقايق

محمد: اباوع ع زوجتك المستقبلية، لك شنوو هاي وين لكيتها

قائد: جريتة من ياختة، لك محمد افهمني تراا مداا اشاقة هاي مو عبالك اي بنية

محمد : لك ع كيفك يا.... شمدريني عبالي تشاقة مثل كل مرة، يلا اني راح اروح، بس بالليل تخابرني وتحجيلي تراا انعل والديك اذا ما خابرتني

قائد: افتهمت بس ولي مناااا

راح محمد واخيرا خلصت من عندة وضليت اباوع الوديان تروح منا وتجي منا بس تريد تبعد نضرها عني واكف قريب يمها واسوي حجتي دااتفرج بس اني كل تفكيري يمها واالله اذا اكول عشت اقوى فرحة بحيااتي متصدكوون فرحتي مداا اكدر اعبر عنها او اوصفهاا

فدواتك ربي ما تكطع باحد اني ردت الكاها بالحلال وخليتها بطريقي الحمدلله، كل شوي رجلية تخطي يمها اريد احظنها، اريد اشمها، اريد اكوللها تعذبت بغيابج

اريد احجيلها شلون كنت ادعي ربي الكاها، اريد اكوللها شلون خلتني اتعلق بيها، من هاي اللحضة بعد مااعوفها نهائيا وحلفت لو هي لو مااخذ غيرهااا

وديان: ابو شوارب ذبحني بنظراتة حتى ارتبكت، شوكت يرووح عاد ياربي

صارت الساعة 8 وانتهى دوامي وهو ما مل ولا راح منا، شلون مصيبة اذا لحكتي للبيت

اليوم موعد استلام الراتب، اني استلم الراتب اسبوعي كل اسبوع اخذ الراتب

اخذت جنطتي وغراضي ومشيت من يمة وهو يباوعلي، نزلت بالطابق الاول بالدرج للكهربائي وهو وراية صار استغفر الله شلون اليوم الا يعرف احنة وين ساكنين يااارب عديهة ع خير

نزلت جوا، العالم هسة بدت تطلع وانترس المول رحت دخلت بغرفة مدير المول الي يكعد بيها دائما سلمت وهو انطاني الراتب مالتي وطلعت

طلعت وابو شوارب صار بوجهي واكف كبال باب الغرفة ورافع حاجبة،

وديان: عفواا وخر شوية داافوت، حجيت ومنزلة راسي

قائد: شتسوين جنتي بالغرفة

وديان: رفعت راسي بتعجب. انت شدخلك، وخر

قائد: صكيت ع سنوني، احجي شتسووين جنتي

وديان: خررب يومة شكد خوفني، وخر رجائا دفعتة وطلعت بسرعة كوة طلعت من الازدحام

قائد: الشيطان تربع بعقلي، شعدهة دخلت لهاي الغرفة والمشكلة ما تحجي شي كوة متحمل

دفعتني وطلعت رحت لحكتها بالسيارة

اشو هاي تمشي مااخذت سيارة معقولة بيتها قريب، ضليت وراها وهي تمشي ومدنكة راسها ما ترفع راسها ابد

دخلت بفرع قريب ع بيتنة، كلت هاي بيتها طلع قريب يم بيتنا واني ماادري شنو السالفة، وصلت للفرع مال المشتمل مال بيتنا صارت قريبة ع مشتمل مالتنا، ضليت متفاجئ

هاي شتسووري هنا، ركنت السيارة ونزلت بسرعة ركضت، كان الشارع فارغ، حطت ايدهة تريد تدك الباب مال المشتمل ركضت من ورا و لزمتها من ايدهة وكلت 

انتي شتسووين هنا

وديان: هييي عوفني، عوف ايدي

قائد: جااوبي

وديان: هذا بيتنا اني وخواتي هذا الي اجرنة، ارتااحيت هسة عوفني

قائد: عفت ايدهة واني مصدوم، وانتي من شوكت هنااا صحت

وديان: من شهر العاشر، جنت احجي وافرك ايدي من الوجع

قائد: شنننوووووو ولج شلوون من اجرج البيت

وديان: هيي شبيك تصيح انت، روح اسأل امك وهي تجاوب

قائد: انتي احجيلي

وديان: درت وجهي ودكيت الباب قووي مثل المخبلة اريد ادخل بعد مااتحملة

قائد: كانت تدك الباب قوي ما تحملت ولزمت ايدهة مرة ثانية، تراا ادفنج بمكانج هنااا احجي شلون وصلتي لهنا ، احجي واضغط ع ايدها حيل

وديان: كسر ايدي هلكد ماضغط ع ايدي، دموعي نزلت اني واتلاوة وياه، عوووفني روح اسئل امك كتلك وهي تجاوبك

قائد: مااعرف ليش تصرفت هل تصرف بس من شفتها راحت لغرفة مدري شسوت الافكار كامت تودي وتجيب وفوكاها مأجرة بيتنا واني ماادري، كمت مااعرف شتصرف

بحالات العصبية كولشي اسوي ،

انفتح الباب فجئة طلعت منى فتحتلي الباب وانصدمت من شافتني وهو لازم ايدي، هو عافني بسرعة وراح للبيت واني دخلت دمووعي تجري من الوجع

منى: فدوة وديان احجي شبيج شسوالج

ورود: وديان: احجي شبيج لا تخوفينا

صابرين: رحت ركضت جبتلها ماي وشربتها

وديان: شربت الماي واني ارجف، كمت احجيلهن هذا قائد عرف بسالفتنة احنة الي مأجرين البيت، كنت كوة اطلع الحجي، احجي واشهك بالبجي

منى: خيوولي هذا الادبسز، يعني قابل شراح يسويلنة

وديان: اخاف يطلعنة من البيت

ورود: اذا طلعنة من البيت وين نروح

صابرين: حتى اذا يريد يطلعنة ام عبدالله ما راح تخلي

وديان: كمت بدلت ملابسي وغسلت ورحت لفيت ايدي صارت لونها ازرك ع بنفسجي، شدعي عليك خرررب يووومك مو ايد الي يكول طبر

هلكد ما ضغط على ايدي حسيت راح تنخلع، الله لا ينطيك، كمت ابجي من الوجع لك اني هاي الضروف الي صارت ويانة كلها ما بجيت هلكد من وراك بجيت

منى: وديان شلون صارت ايدج

وديان: بعدهاا توجعني

صابرين: يااربي ان شاء الله تنكسر ايدة

ورود: لا عفية لا تدعين عليه حلووو

منى : هذاا الحلوو مالتج ما عندة رحمة

وديان: ضليت صافنة واتذكر عصبيتة، يااربي ليش رجعتة وخليتة بطريقنا كنت خايفة بأي لحضة يجي ويكوللنا طلعوا من البيت

منى: يلا وديان كومي نتعشى

وديان: كمت وياهن نتعشى بس مااكلت مااعرف ليش كل الاحاسيس تجمعت، احساس وجع وخوف والم اووف ياربي فدواتك ساعدنا

قائد: رجعت للبيت والشرر يتطاير من عيوني دخلت للبيت وركعت الباب حيل دخلت للصالة اخواني كلهم كانوا كاعدين ضليت ادور بعيوني ع امي صحت

يمةةةةةةةةة يمةةةةةةة تعااالي وينج

مصطفى: خير شبيك قائد

قائد: انت حساابك بعدين اصبرلي

ام عبدالله: خير يمة شبيك تصيح شكوووو

قائد: منو الي مأجر المشتمل مالتنة ، صحت

ام عبدالله؛: عرفت قائد عرف بالبنات هنة الي كاعدات بي ، كاعدات بي البنات الي شفناهن بالزياارة

قائد: وليش ليش تضمين علية وما تنطيني خبرر ليش

ام عبدالله: انت بيوم الي اجيت من المركز وكلت تعبان واجتني قضية جديدة سألتك بوكتهة شنو هي القضية بس انت كلت تعبان وما بية حيل اسولف العصر اسولفلج بس انت بعد ما فتحت موضوع مع انو انت دائما تحجيلي القضايا الي تجيك حتى لو تعبان شمعنى هاي ما جبت طاريهة

وراها اني التقيت بالبنات وسولفلي قصتهن واني اجرتهن البيت، وما كلتلك اخااف تروح تطلعهن من البيت وما تقبل ااجرة الهن لاءن حسيت انت لحد الان ماامئمن بيهن

وابسط دليل ما جبت طاري لموضوعهن بعد وانت تدري اني اتمنى اسمع اخبارهن، واني ضميت عليك وكتلك مرة جبيرة وبناتها خفت ما تصدك بيهن شريفاات وتروح تطلعهن من البيت

قائد: ضليت مصدووم من الكلام، يمة شتحجين انتي يعني اني لحد هاي الدرجة ما عندي غيرة ورحمة بنظرج واروح اطلعهن من البيت

ام عبدالله : يمة انت عصبي وما تتفاهم وخفت ع بنات، خفت احجيلك وما تتفهم لاءن حسيت انت ما مهتملهن من ما جبت طاري لموضوعهن،

قائد: كعدت وحطيت ايدي ع راسي مصدوم يومية ادعي الكاها وهي قريبة علية وما شفتها،

يمة اني ..... وحجيتلها السالفة بالمركز يعني ما لحكت اعرف وين هن، واتي كتلج العصر احجيلج وبعدهة التهيت من راحن ع امل انو الكاهن

وبعدهة اجتنة قضايا ونسيت احجيلج وكلت ماكو داعي احجيلج وبس اخوفج عليهن دعيت الكاهن بس ما لكيتهن وبعدها انشغلت وسافرت

بس يعني معقولة هيج تتوقعيني يعني معقولة اني اروح واطلعهن من البيت

ام عبدالله: شمدريني يايمة هيج خطر ع بالي،

قائد: وانتي وين شفتيهن وجبتيهن

ام عبدالله: حجيتلة السالفة

ماجد: يمة اوكفي هسة اني فتهمت نص السالفة بس بالبداية وين تعرفتو عليهن

ام عبدالله: بالزيارة وووو ..........

احمد: لعد ليش ما كلتيلنا بس كلتي لمصطفى

ام عبدالله: انت مثل اخوك قائد ما تتفاهم كلت ماكو داعي اكلك، وانت ماجد طايش خفت تشوفهن وتروح تسمعهن حجاية وما كلت بس لمصطفى لاءن هو الوحيد البيكم المتفهم

ماجد: ليش قابل اسمعهن حجاية، هن شنوو حلوات عليج الله يمة كولي

قائد: انجب واسكت شوف من هسة اكلك اذا توصل يم المشتمل رجليك اكسرهن

ماجد: يعني معقوولة مرت هل فترة وما شفتهن

ام عبدالله: هن ما يطلعن بس للمدرسة واذا يطلعن وياية للسوق ماكو غير طلعة

قائد: لعد شلون جانن مدبرات عيشتهن اذا ما يطلعن

ام عبدالله: وديان اختهن الجبيرة تشتغل بالبيت تسوي كبة و كليجة وبيتزا وهذني الشغلاات يعني

ماجد: يمة يعني البيتزا والشغلات الي جنتي تجيبيها هاي الي اسمها وديان تسويهن

ام عبدالله: ايي

قائد: بس اشو اني شفتها تشتغل بمول

ام عبدالله: اي مو هي واختها راحن للسادس وكالت هاي العطلة اريد اشتغل واجمع فلوس اخاف نحتاج مدرس خصوصي يعني ع اقل تجمعلهة كم فلس والبنات مصاريفهن هوااي، ماتريد تخلي بنفس خواتهة شي

ماجد: هاي شكد عمرهة

ام عبدالله:مو دااكولك راحت لصف سادس ادبي هي بعمرك بس رسبت سنة

ماجد: صددك، فتحت عيوني، يمة الله عليج حلوة

ام عبدالله: تخبل اية من الجمال

ماجد: 😍😍😍 يمة الله عليج اذا حلوة خطبيلي ياها

قائد: سمعت ماجد يكول خطبيلي ياها عيوني نطن، تنجب احسلك لا ادفنك هنااا اسمعني زين قسما بذات الله وراح اكرر هل كلام

اذا تروح يم المشتمل او تتعرضلهن او تمسهن بحجاااية اذبحك

ماجد: ااييي شبيك فتهمت

قائد: والله هل بنت رفعة راس تحدت كل الصعوبات الي واجهتها وحافظت ع نفسها و ع خواتها

قائد: كعدت بغرفتي مداا استوعب الي صار معقولة معقوولة يااربي هي قريبة يمي واني ما شفتها كم شهر اني موجود يمها وما شفتها وبعدها سافرت

اهم شي لكيتها واطمئنيت عليها هي بخير، الحمدلله الحمدلله يااربي، تذكرت من عصبت عليها وجريتها من ايدها قوي وأذيتها كامت تبجي

رحت نزلت يم امي كعدت بصفها وكلت، يمة راح اكلج شغلة

ام عبدالله: كول

قائد: اني شفت وديان بالمول و ....... وما قبلت تحجيلي من سألتها شلون اجرت البيت وكالت روح اسئل امك

ام عبدالله. اي وتاالي

قائد: اي نجي للشغلة الاهم. جريتها من ايدها قوي بكل قوتي الا شوي كان خلعتها وكامت تبجي

ام عبدالله: يااا صخام الصخمني، شبيك يمة تخبلت

قائد: يمة اني كتلج علمود تروحين تشوفينها اخاف صار الايدها شي مو تلوميني

ام عبدالله. وانت تلومني ما كتلك ع بنات بالمشتمل دشوف عمايلك

قائد: ديلا يمة كوومي شوفيها

ماجد: يمة اروح وياج اوصلج

ام عبدالله: ماكو داعي اني مو يومية اروح وحدي بعدين هنا المشتمل قريب

ماجد: لا ميخالف اوصلج

قائد: تنطمر هناا وتنجب، هااي سوالفك مو علية

ماجد: هسة انت شدخلك اريد اروح اشوف هاي وديان اذا عجبتني اتزوجها شتكولين يمة

ام عبدالله: والله ما عندي مانع ونعم منها، وابشررك بدون ما تشوفهة البنية تخبل

قائد: كمت تسمع حجيهم واتكطع صرت ناار من الغضب، يممةةةة روحي عاد وتعالي بسرعة عندي حجي وياج

وديان: كنا كاعدين بالصالة نتفرج تلفزيون وفجئة اندكت الباب، كلت هاهية خلص راح يطلعونة من البيت

منى: اني راح افتح الباب اكيد هاي ام عبدالله

فتحت الباب ام عبدالله سلمت ودخلت

ام عبدالله: شلونج وديان

وديان: الحمدلله خالة

ام عبدالله: اكيد دريتي بان قائد عرف بالسالفة

وديان: اي خالة

ام عبدالله : والله مااعرف شكولج

وديان: ادري خالة واذا تريدون نطلع من البيت من الصبح نلم غراضنة ونطلع ما نريد تصير مشاكل

ام عبدالله: لا بنتي انتي شتحجين، اني اجيت اعتذرلج ع سواا قائد بأيدج هو كالي مأذيج واني جيت اطمئن عليج اخاف صايرلج شي

وديان: هااا يعني ما راح تطلعونة من البيت

ام عبدالله: لا اكيد وانتو راح تبقون بالبيت معززين مكرمين،

وديان: يعني قائد ما عصب يعني ما معارض نبقى

ام عبدالله: لا بالعكس هو كان يتمنى يلكاجن لاءن هو بيوم الي طلعتو من المركز ..............

ورود: ابتسمت وكلت، خاالة ابنج فدشي يعني، جماال واخلاق وانساانية. وهيبة الله يحفظة الج

ام عبدالله: ههه حبيبتي ربي يحفظج. ، شو داشوف ايدج وديان

وديان: قربت ايدي وكمت اوخر بالباندج كنت لافتهة بي

اول ما فتحتهة نصدمت كان شكلها يخووف و ورمانة

ام عبدالله: ياااا عزا العزاك قائد، هاي بس يكول جر ايدج لعد لو ضاربج عليها شلون

منى: خالة ابنج ما شاء الله ما عندة ايد هااااون هلكد مامئذيها

ام عبدالله: والله مااعرف شكول، هذا هو قائد من يعصب ما يعرف شيسوي اعذريني واني اعتذرلج الف مرة ببدالة

وديان: ماكو داعي تعتذرين خالة

ام عبدالله: شلت الموبايل ودكيت ع مصطفى كتلة اكو مرهم تلكا بعلبة الاسعافات الاوليةشرحتلة ع عصارة نسيت اسمها، كتلة جيبها. لاءن ايد وديان ورمانة انت لو واحد من الولد

قائد: كنت كاعد وانتضر امي تجي ، فجئة دكت ع مصطفي وهو راح يدور بعلبة الاسعافات الاولية

ماجد. شتريد منك امي

مصطفى: تريد هذا المرهم لوديان، حضرة الضابط كااسر ايدهة يمكن

قائد: شنوووو، هو اني شسويتلهة بس جريت ايدهة

ماجد: اووي سودة علية تلكاها رقيقة ما تتحمل، واجة هذا هو وايدة مثل الجفجير، وجرها كأن هي مجرم وقبض عليه، شكد ما عندك رحمة، خطية كسرت قلبي،

قائد: اشتعلوووو يا ماجد، يحجي وبودي اخنكة

ماجد: جيب اني اودي المرهم، بلكت تطلعلي واشوفهة

مصطفى: نجب اني اوديها

قائد: تنجبون ثنيناتكم، اني اوديهة، ماجد انت ما تكعد راحة، وانت مصطفى تعبان، جيب اني اوديهة

احمد : شبيكم تتعاركوون شنو تخبلتوو

مصطفى: اني اوديهة وخلص الموضوع

ماجد: وليش بلاااا

مصطفى: لاءن اني متعودات علية وداخل البيت بوجودهن اكثر من مررة وانتو بعتباار غربة عليهن

قائد: انجب وانطيني اني اوديهة

ماجد: معلية معلية اني اوديهة اريد اشوف الحلوة

قائد: لزمت ماجد من ياختة، لككك عدل حجيك لا اسحلك والله

ماجد: شبيك وثول

مصطفى: طلعت وديتهة وخليتهم يتعاركون دكيت الباب فتحتلي ام لساان

السلام عليكم

منى: عليكم السلام

مصطفى: هاي انطيها الامي

منى: اووك، شكراا

مصطفى: عفوووا ،

منى: ردت اسد الباب كال

مصطفى: اكوول

منى: شكوو

مصطفى: ااا انتي مو رحتي سادس

منى: اي

مصطفى: اذا تحتاجين كتب او ملازم كوليلي

منى: اشكررك ، سديت الباب ودخلت

مصطفى: هاي ليش من اشوفها ادووخ، والله حبيتها، بس المشكلة اشو مدااتهتملي

وديان: ام عبدالله حطتلي المرهم ولفيتها بالباندج، بقت شوية وراحت صار الصبح كانت عندي طلبيتين كوة سويتهن

اسوي ع كيفي كواا احرك ايدي مااكدر بعدها توجعني يادوب كملت الطلبية ورحت بدلت ورحت للمول

يتبع