قصة قدر مكتوب الجزء السابع

#قدر_مكتوب

الكاتبة. Zainab Farqad

بارت 7

جف حبر التمني

فاليكتب القدر ما يشاء 💔

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

وديان : حسيت ع واحد لزمني من ورا كمت ادفع بي حيل وهو من ورة افترسني يبوس بركبتي 

كمت اعيط بس محد يسمعني صوت الدي جي عالي

دفعني حيل وضربني راشدي اذني كامت توش هلكد ما الضربة قوية شفتة رجال جبير يطلع ب الاربعين عمرة جرني وطلعني برا يم سعاد كاللها

سعاد هاي الي كلتي عليها مو

سعاد : اي هي هاي ابو ريتاج ، عجبتك مو

ابو ريتاج : مو بس عجبتني ، طيرتلي عقلي ، الغرفة جاهزة مو ، ولو مبينة راح تعبني

سعاد : طبعا ولو ابو ريتاج اشرتله ع غرفة ،

وديان : يحجي وياها ولازمني من ايدية حيل جرني للغرفة وقفل الباب كمت ابجي حيل وهو بدا يتقرب كلت هاهية راح شرفي

بدا يتقرب وينهش بلحمي ، يعض بية بكل مكان وكأن كلب. بدا يرفع بدشداشتي كمت اصرخ حيل بس لا حياة لمن تنادي

دعيت بكلبي يااربي استرني ولا تخلي هذا يدنس براءتي ياربي رحمتك ونخيت ال البيت بكلبي غمضت عيوني راد يتقرب ما حسيت الا ع صوت سيارات شرطة

هو ابتعد مني بسرعة وطلع فتح الباب ، كمت اعدل بثوبي وطلعت وراه ، الشرطة كسروا الباب وهجموا علينا كاموا ياخذون واحد واحد بينا

ركضت ع غرفة خواتي جانن مفزوعات ويبجن كلتلهن لبسن عباياتجن كمنة نلبس دخل علينا شرطي ووجه السلاح علينا واشرلنة بسكوت بدون نفس كمنة نطلع

من طلعنة سيارات الشرطة تارسة الفرع واكثر اخذونة وكل االطريق ياربي ليش هيج ديصير ويانة راح ننفضح وتصير سمعتنا جوة الكاع

بس الحمدلله ياربي ما دنس برائتي هذا النذل ، وخواتي يبجن موتني 

الكل جان بوجهة الخوف والفزع

رغم احنة ما سوينة شي بس منو يكول راح يصدكونة ، يااربي ساعدنة

عشنة اسوء حالاتنة

وصلنة لمركز الشرطة دخلونة لغرفة جبيرة ، وكاموا ياخذون مجموعة كل شوي يحققون وياهم

بدوا ويا مجموعة سعاد والي وياها وبعدها كل شوي من البنات ، وصل السرة النة واكو بنات بعد هواي

كال الشرطي يلا اطلعن ، طلعنة اني وخواتي ، كال بس 3 كتلة لا فدوة مااكدر اخليي وحدة من خواتي هنا باوعتلة بتوسل كال امشي لخاطر الله

وصلنة لمكتب الضابط دخلت اني اول وحدة الضابط مدنك راسة ديكتب بالورقة ومبين ع ملامحة فدنوب يخوف ملامحة هو ومدنك قاسية

صاح الشرطي كلة سيدي ذولة البنات وصل السرة الهم ، رفع راسة وضليت بصدمة اني ويااا

طلع هو نفسة ابو شوارب ( قائد ) لا ياربي معقولة هو ، ضل يباوعلي صفن واني هم متفاجئة

وهسة دور البطل يعرفكم ع نفسة

قائد : اسمي قائد عمري 28 ضابط مواصفاتي ( طويل ضخم شوية لاعب حديد من قبل بس جسمي مرتب بشرتي لون حنطاوي عيوني لون جوزي واهم شي عندي شوارب ، تلوك للضابط ،ملامحي حدية هواي يعني دوم معصب بالسنة اضحك مرة امكن او مااضحك كله من ورا شغلي ما مخليلي عقل ) اعيش ويا امي ابوية متوفي وعندي 3 اخوان اصغر مني وعندي اخ اكبر مني بس طالع بالخارج

اني دوامي بي خفارات هواي. ويومية تجيني مصايب تشيب الراس. حيل يتعب شغلي

صار محرم وامي رادت تروح تزور ، واني هم صار هواي ما رايح كلتلها يلا امشي نروح وصلنة طبينة للحضرة كلتلها من اكمل الكاج بالصحن

دخلت صليت ودعيت وقريت قرآن وطلعت رحت اكو محل صغير اريد اشتري ماي الامي كلت اكيد عطشت 

شفت بنية جانت مدنكة دتشتري ماي

سبحان الي خلقها ناعمة وترفة بيضة عيونها فدشي ورموشها طوال هي ومدنكة حفضت شكلها هي ومدنكة تعوذت من الشيطان

اني شنو جاي هنا اباوع ع بنات قابل ، صار واحد كبالي يعني قريب يمها ضليت اباوعلهم شو هاي فتحت الجنطة وهذا ذبلها الرقم

استغفر الله رحت تقربت اكثر وزمخت بيهم كلت ع اقل احترموا المكان الي انتو بي ، شو هاي خزرتني وكأن ما عاجبها الوضع

دفعت الفلوس وراحت بعدها اخذت الشغلات الي اريدها وضليت افتر بالسوك الي يم الامام ، عجبتني سبحة اشتريتها

ضليت اتمشى كلت خل اروح اجيب امي اخاف تريد تشتري شي ، رحت لكيتها كاعدة يم بنات ، اني اعرف امي هواي اجتماعية وطيبة تتعرف ع ناس

سلمت ورفعت راسها البنية هي نفسها الي ذبلها الرقم رفعت حاجب امي كامت تعرفهن علية ما شاء الله امي مبينة حاجية عن كل شخص بالعائلة ، شبسرعة لحكتي تحجيلهن

امي اخذتني ع صفحة وكامت تحجيلي عليهن تكول ما عدهن احد ويتيمات وكذا خلي ناخذهن نكعدهن بالمشتمل الي عدنة ( اكو عدنة مشتمل صغير قريب يم بيتنا الي عايشين بي حاليا قريب يبعد عنا بكم شارع ما مأجرينا )

اني من امي كامت تحجيلي هيج الشيطان تربع بعقلي ، ورفضت رفض تام ، لاءن بنات وحدهن وكولشي يسون ما نعرف اصلهن او فصلهن

والموقف لمن فتحت الجنطة وذبلها الرقم ثبت انو ما اامن باي احد ، امي ضلت تتوسل ناخذهن ، اني رفضت بقطع تام ادري بامي رئسا تصدك بالعالم

شفت امي نقهرت عليهن ، امي تحجي واني اباوعلهن فصختهن تفصخ بالنضرات مااعرف ليش ضلت نضراتي لهاي البنية ام الرقم

ما قبلت امي تاخذهن كالت بس راح اروح اسلم عليهن ، شفتهن حالتهن مو هلكد مهما كان مااخليهن هيج انطيت الامي فلوس كلتلها انطيهن الهن

يساعدن نفسهن بيهن ، ضليت اباوع الامي تحجي وياهن وبس هي هاي ام الرقم تحجي ، خرب لزكت اني ام الرقم هسة لو بس اعرف اسمها

اجتي امي وجانت دمعتها بطارف عينها ، ادري بامي كلبها رهيف ، كلتلها تريدين شي قبل ما نطلع

امي : لا مااريد

قائد : صعدنة بالسيارة ، شبيج ام عبدالله ليش تبجين وتمسحين دموعج بسكوت

امي : يمة انت كسرت بختهن

قائد : يمة شنو هل حجي كسرت بختهن

امي : يمة ذني يتيمات وردت اخذهن استر عليهن ، بعدين حسيتهن مكسورات ما عدهن احد واني ما الله ما رزقني بنات حسيتهن بناتي والله

قائد : يمة انتي ما تدرين ليش رفضت ، حجيتلها ع هاي البنية ام الرقم

امي : معقوولة قصدك وديان

قائد : اسمها وديان طلع ، اي يمة هاي

امي : واذا يجوز الولد تحرش وذبلها الرقم لا تسوء الظن بالعالم ،

قائد : يمة انتي شتحجين اني مرت علية اكثر واكثر من هل سوالف

امي : اووف يا يمة ما بيدي شي غير بس ادعيلهن الله يستر عليهن

قائد : عجيب ، ما جاي تروح من بالي هل بنية طول الطريق افكر وتاخذني الصفنة الله ستر ما سوينة حادث ينعل بليسج ماادري ليش فكرت بيها

امي: وهنة شكد نفسهن عزيزة ما قبلن ياخذن فلوس

قائد:

وصلنة للبيت وذبيت روحي ونمت من التعب جانت اجازتي ، اول ما كعدت اجتي ببالي

شلون بلا هاي السالفة ما تخلص عاد ، كل شوي وتخطر ببالي ، وامي تذكرني بيهن

رحت للمركز وعدنة قضية تم الكشف عن بيت فاتحينة للدعارة من احد المراقبين الي عدنة

كمنة نحقق بهل موضوع بطريقتنا الخاصة ، مرت 5 ايام ،رجعت للبيت لكيت امي كاعدة ع سجادة الصلاة وتبجي

بست راسها واديها كلتلها خيرج يمة منو منزل دمعتج الغالية

امي : يا يمة والله من يوم الزيارة لحد الان بس افكر بالبنات مااعرف شصار وياهن

قائد : ليش هلكد تأثرتي بيهن يجوز يجذبن

امي : لا يمة ابد حجيهن ما يوحي هيج ، طلعن كولشي من كل كلبهن حسيت بحركتهن حسيت بفقدانهن الامهن مااعرف شصار بيهن

يااربي استر عليهن ووفقهن وين ما جانن

قائد : امي ماخذتها الصفنة وبس تفكر بيهن واني هاي ام الرقم (وديان ) هذا اللقب الي طلعتة عليها ما جاي تروح من بالي

يمة اني باجر راح اروح لكربلاء واسئل عليهن واذا كدرت اجيبهن يعيشن بالمشتمل

امي : صدك ، هذا الحجي ، احلف

قائد : اي والله ، وداعتج يالغالية ، معقوولة هل شي هلكد فرحج

امي : اي والله هم ونزاح من كلبي

قائد : ثاني يوم من الصبح رحت لكربلاء اتوجهت وادعي الله الكاهن مااعرف ليش روحي تعلكت بهاي البنية ( وديان ) مع انو مبين عمرها صغير

وصلت للناس الي مسئولين هناك ، وشوفتهم الكارت مالتي ، ضابط

وسئلت عليهن واحد من الشيوخ كال

الشيخ : انت تقربهن يعني

قائد : ها ما عرفت شكول ، لا قريبات صديقي واحنة دنبحث عليهن

الشيخ : بس هنة البارحة راحن

قائد : تفاجئت وين راحن

الشيخ : اكو هنا ويانة واحد اله صلة بدار الايتام يعني عندة معرفة واتصل بالمسؤلة واجتي اخذتهن لدار الايتام

قائد : ضليت بصدمة ، ووين عنوان هذا دار الايتام

الشيخ : الصراحة ماادري ، اجتي المرية شوفتنة اوراق مكتوبة باسم انو هي مديرة دار الايتام اخذتهن وراحت

قائد : وزين هذا الي اتصل بالمرة واخذتهن وينة

الشيخ : سافر البارحة انطانا خبر ورا ما راحن البنات كال راح اسافر

قائد : لا ياالله ، وزين شوكت يرجع

الشيخ : الله اعلم

قائد : اتشكرت منهم وطلعت مخذول ماكو هنة ما كدرت احصلهن ، كلت ما دام اجيت لهنا دخلت زرت وصليت ودعيت وطلعت رجعت للبيت

طول الطريق بالي يمها ، هسة هي بدار الايتام مثل ماكال ، اني لازم الكاها مااعرف ليش حسيت لازم اخذها يمي

قائد : وصلت للبيت تلكتني امي

امي : ها يمة الله يساعدك ، جبت البنات

قائد : هلا يمة ، والله الصراحة كالولي راحن لدار الايتام ، وبديت احجيلهة

امي : ما دام راحن لدار الايتام هاهية المهم اكو بيت يحميهن يااربي نور دربهن

قائد : دخلت ارتاح ونمت ، كعدت واني مكسر جسمي ، مااعرف ليش ذاكرتني تاخذني الها

اتذكر ملامحها وخزرة عيونها وشكلها ورموشها فدشي ، رسمة شفايفها ، وجهها الابيض الي لايك ويا الحجاب الاسود

اووو استغفر الله شداافكر اني

ثاني يوم رحت للمركز وصلتنة اخبار حددنة المكان وكمنة نراقبة يدخلولة ناس بالليل جهزنة بيوم كذا نسوي كبسة عليهم

اني كلفت الي وياي همة يدبرون الموضوع وصار اليوم واجتني الاخبارية تم القبض عليهم جابوهم بالطريق حضرت نفسي افتح محضر

مبينة راح تجي المصايب ، كل شوية يدخلولي 3بنات ، استغفر الله شكولهن ليش هيج يخربن نفسهن ويبيعن شرفهن وهنة بعدهن شابات

والي كتلني قهر المسؤلة مالتهن اجتي ولا كأنو صاير شي عادي متبرجة وما هامها الموضوع تجاوب بكل برود اعصاب والله لو مو بنية الا اعلمها الله حق

كل شوية يدخلن بنات واكعد استجوبهن ساعة لما يحجن كم كلمة طلعن البنات جنت دااكتب مدنك راسي اجة واحد كال سيدي ذولة المجموعة الثانية

رفعت راسي ونصدمت ، هااي ام الرقم (وديان ) صارت عيني بعينها معقوولة يجيبوها بتهمة تشتغل بالدعارة باوعت خواتها وياها لابدات وراها خايفات

ضليت فوك ال10دقايق صافن بوجهها واحاول اتذكر واربط الاحداث ، اشرتلهن اكعدن مااعرف شحجي

جانن مدنكات يبجن ويمسحن بدموعهن

قائد : احجيلي شنو سالفتكم ، ماعرف ليش تعاملت وياها بعطف

وديان : كوة احجي كلمة واشهك بالبجي

قائد : اهدئي بالبداية واحجي ما راح يسوولج شي بس اعترفي بالي صاير

وديان : حضرتك اكيد تتذكرنة بالزيارة وتعرف قصتنة

قائد : اي

وديان : بعدها ......... حجيتلة الموضوع كله لحد ما وصلنة لامركز

قائد : ضليت مصدووم لا ياالله ضربت الميز الي كدامي من كالت حاول واحد منهم يغتصبني هي وخواتها جفلن من الخوف

وديان : والله ما سوينا شي احنة ، هي المرة كالت دار ايتام ما ندري بيت دعارة ، من وصلنة وعرفنا ما كدرنا نطلع

قائد : ماعرفت شسوي ، كلتلها هسة اطلعو بعدين نتخذ الاجراء حسيت هي تخصني شلون تجرء واحد يلمسها

صحت للشرطي اخذهن وكملت التحقيق بعدها كالو لازم نعرضهن للمستشفى يكشفون عليهن

يعني البنات بعدهن باكر لو لا

واني اقترحت هل شي علمود اعرف دنسو برائتهن هل حقراء لو لاء

وديان : رجعنة لمكانة وورود حالتها تأزمت بس تبجي وحتى سخنت

منى : ورود حبيبتي لا تبجين كافي احنة راح نطلع ما سوينا شي غلط

صابرين : مسحت دموعي ، اي ورود لا تبجين راح نطلع منا ونشتغل ونأجر بيت ونكعد احنة ما سوينا شي غلط راح يعرفون احنة مو مثل هذولاك البنات ونطلع

وديان : عرفت خواتي قويات حضنتهن ومسحت دموعي وكلتلهن هيج اريدجن ، لازم نساند بعض ونتحمل احنة راح نطلع

ضلينة كاعدين للصبح ورود وصابرين نامن بس اني ومنى كاعدين اني هم من التعب كل شوية اسند راسي ع حايط واغفى

وارجع اسمع صوت عالي واكعد ، صار الصبح اجوي الشرطة طلعونة اخذونة للمستشفى

اني تخبلت معقولة هيج يعني بهل سهولة ، جايهم امر يكشفون علينة كل البنات يعني

شكد صعبة عند البنية هاي الشغلة يشكون بشرفها او يتهموها ويروحون يعرضوها ع دكتورة تفحصها حتى يتأكدون من طهارتهة

بجيت ع حالنة ، ليش هيج صار ويانة احنة شنو ذنبنة وهيج صار

رحنة للمستشفى وكمت افهم خواتي حتى ما يخافن بس كوة اطلع كلمة كلمة صعب هذا الشي ينشرح ويفهمنة خاصة اختي ورود

بالصعوبات كدرت افهمهة ، وصلنة للمستشفى ولكل تباوع علينا صعدونة باطابق الفوك خاص بجناح جبير كعدنة بي وكل شوي تجي الدكتورة تفحص تاخذ وحدة وحدة

اني صار دوري سميت بسم الله وكلتلهن صيرن قويات ، دخلت وفحصتني نزلت دمووعي بس هذا الشي الوحيد الي يثبت برائتي

بعدها منى ، ادري بمنى تمثل القوة كوة دخلت بعد ما شجعتهة كلتلهة من راح تدخلين وتثبتين برائتج راح نطلع منا ونخلص

بعدها صابرين ، صابرين بسرعة اقتنعت همها بس تريد نطلع

بعدها ورود كامت تبجي وخايفة الدكتورو مبينة حبابة من شافتنة احنة بنات بعدنة يعني ما دانسين براءتنة تعاطفت ويا ورود كالتلها ما راح اسويلج شي

كامت تترجاها ورود ادخل وياها ، دخلنة للغرفة كعدت الدكتورة وكتبت بالتقرير اسم ورود وكتبت باكر بدون ما تفحصهة ضليت متفاجئة

الدكتورة : تكدرين تاخذين اختج وتطلعين

وديان : دمعت عيوني ، يعني ما تفحصينها

الدكتورة : لا ما يحتاج ، هاهية انت مبينات ما صاير بيجن مثل هذني البنات ، ابتسمت

وديان : اشكرج دكتورة

الدكتورة : ابتسمت ، ديري بالج ع اختج ام دميعة

وديان : باوعت لورود ابتسمت ومسحت دموعهة كلتلها الا تحجين هسة كدام احد ما فحصتج خوفا من اي شي

ع اقل اكو احد مصدكنة ، الدكتورة صدكت اختي بدون ما تفحصهة ، الحمدلله اكو شخص من هاي الكرة الارضية كلها صدكنة

طلعنة ننتظر البنات البقية يكملون ،

بس شكد مااوصف الشعور الي حسينة بهذيج اللحضة مااكدر اعبر كل الاحاسيس

يتهمونج ويحولونج ع دكتورة تكشف عليج يلا يتأكدون من طهارتج ، صدكوني هذا الشي شكد يمس شعور البنية ، الله يسااعدنة بس

حاولت اختصر الكم هاي الاحداث الي يم المركز والمستشفى لاءن اذا اتعمق بالموضوع بيها كم هائل من الالم واشياء صعب ذكرها

اكتفيت بهذا الشي

يتبع

تحياتي