قصة قدر مكتوب الجزء التاسع

#قدر_مكتوب

الكاتبة. Zainab Farqad

بارت 9

ويبقى الله حين لا يبقى احد❤

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

محمد : اي مو انت من رحت وراها بكم ساعة وصلن التقارير وبعد التحقيق حولو كل البنات للمحكمة والاوراق وسعاد شهدت وياهن

وثبتت براءتهن انو هنة ما مشتغلات بالدعارة ، بعدها طلعهن القاضي وراحن واني عجزت اخابر عليك وانت ماكو حتى الضباط وياي هم يريدوك محتاجينك بالشغل

قائد : وهذا من شوكت الحجي ، يعني شوكت طلعن 

محمد : تقريبا الساعة 5 ونص العصر بعد التحقيقات من المركز طلعن

قائد : وانت ما تدري وين راحن

محمد : لا طبعا ماادري قابل اسئلهن وين رايحات

قائد : اخذتلي صفنة ، اووف ياربي راحت وما شفتها كان ببالي اساعدهة هسة وين راحت

محمد : الووو وين رحت

قائد : وياك

محمد : يلا تعال للمركز بسرعة ، بعدهة قضية البنات الباقيات مفتوحة ودنحقق وطالبينك مو كيفت ع نومة

قائد : اي راح اجي ، مع السلامة

محمد : الله وياك

قائد : رحت توضيت وصليت ، دعيت الكاها ، حسيت هاي ملكي صارت لازم اساعدهة ، 

بدلت ونزلت ما لكيت احد بالبيت

اخواني مكضينهة هياتة ، امي مااعرف وين امكن يم احد من الجيران ، بعدين اخابرهة طلعت رحت للمركز واني كاره روحي وكاره كولشي بالحياة

وصلت وبعدة التحقيق مستمر ويا البنات البقية ، اكو بنات انسجنوا ووياهم سعاد 

وهم التحقيق استمر 3 ايام بدون نوم وتعب وكوة مركز

وكل شوية تخطر ببالي وديان خايف عليها ، ولد الحرام هواي وهي تخلي المايشوف يشوف من جمالها هي وخواتها الله يستر عليها

روحي تعلكت بيها ، بهاي الايام صرت حدي زيادة عن اللزوم بس اصيح حتى الشرطة الي وياي اصيح عليهم مااعرف شصار بية

اليوم قررت ارجع للبيت صارت اجازتي بعد مااكدر تعبت صار اسبوع بدون نوم

وديان : جنت اضحك مدنكة رفعت راسي وكلنة نصدمنة اني وخواتي من شفنة

ام عبدالله صارت كبالنة وجه بوجه ضلينة مثل الصنم ما نعرف شنسوي هي من شافتنة دموعهة كامت تجري واحنة هم بجينة

كأن شفنة امنة بدون وعي ركضنة عليها وحضناها ، جانت شايلة علاليك متسوكة عافت العلاليك بالكاع وحضنتنة وبجينة

رغم مرة غريبة وما نعرفها ومرة وحدة شفناها بس حيل تعلقنا بيها حسيناها امنة وحبيناها

بعد الحضن الطويل والبجي كالت

ام عبدالله : تعالو نكعد هنا نسولف

وديان : رحنة كعدنة بمطعم وتبادلنة السؤال عن احوالنة بس كان مبين علينا التعب والحزن

ام عبدالله : احجولي شجابكم هنا انتو مو رحتو لدار الايتام

وديان : تفاجئت من كالت بدار الايتام ، شلون عرفتي احنة رحنة لدار الايتام

ام عبدالله : بعد ما رجعنة من الزيارة كلبي ما طاوعني اعوفجن وروحي تعلكت بيجن حسيتجن بناتي وابني هم ما كدر وكال راح اروح اسئل عليهن

واذا كدرت اجيبهن ، بس راح من سئل عليجن كالولة راحن لدار الايتام

وديان : بديت احجيلهة اني وخواتي شلون صرنة يم سعاد وبعدهة جابونة للمركز يم ابنها قائد

ام عبدالله : يعني ابني. يدري ويعرفجن بس شو ما حجالي عن موضوعجن

وديان : مااعرف ، احنة اخر مرة شفنة قبل يومين بالتحقيق

ام عبدالله : والله كسرتن كلبي الحمدلله الله رحم بحالجن وما كدروا يشغلوجن هل شغل

وديان : دنكت راسي ، الحمدلله

ام عبدالله : وهسة وين راح تروحن

وديان : ارض الله واسعة ، والله ما ينسى عبدة

ام عبدالله : ونعم بالله بس اني مااكدر اعوفجن وحدجن والناس مثل الذيابة ما راح يعوفونجن بحالجن لحد ما ينهشون لحمجن

وديان : لا خالة مانكدر نجي ببيتكم ، ما نريد نصير عالة ع احد احنة نكدر ندبر نفسنة

ام عبدالله : ومنو كالج تجين بببتنة ، انتي وخواتج راح تكعدن بالمشتمل مالتي قريب ع بيتنة بكم فرع تكعدن بي لحد ماالله يفرجهة

وديان : باوعت لخواتي بحيرة

منى : اي وديان خل نروح

صابرين : ليش مترددة شبيج وديان مو هم زين لكينة بيت

ورود : وديان فدووة وافقي خل نروح والله تعبنة

وديان : خالة اني مااكدر اكعد هيج لازم ننطي ايجار واني حاليا ما عندي فلوس للابجار ،

ام عبدالله : واني راح اخذ منجن ايجار بس اول شهرين مااخذ لحد ما تدبرن امورجن

وديان : لا شهر ولا شهرين راح اشتغل وانطيج كل الايجار

ام عبدالله : اي بنتي براحتج ، اهم شي تكعدن بيت واامن عليجن

وديان : خالة مااعرف شلون اتشكرج

ام عبدالله : الشكر لله ، انتن مثل بناتي ، يلا كومن خل نروح

منى : دنكت ام عبدالله تريد تشيل غراضهة ، دنكت اني وصابرين شلناهن

ام عبدالله : تسلمون

منى وصابرين : الله يسلمج

وديان : وصلنة للبيت مالتهة دخلتنة للطرمة. تريد تروح تجيب مفتاح المشتمل اصرت ندخل جوة ما قبلنة

ام عبدالله : اجيب المفتاح وكم شغلة حتى ننضف المشتمل

وديان : جنة واكفين بالطرمة ونباوع ع بيت ماشاء الله جبير وحلو حيل الطرمة مالتة جبيرة والحديقة تخبل كلها ورود وحشيش

جنة واكفين فجئة نفتح الباب ودخل شاب انصدم من شافنة كال

السلام عليكم

الكل : عليكم السلام

وديان : هو افتهم احنة جايين ع امة دنك راسة ودخل جوة ، مبين واحد من ولدها مااعرف ياهو بيهم الله يحفضة

اجتي ام عبدالله وبيدهة المفتاح ومنضفات وماسحات حتى ننضف المشتمل اخذناهن من عدها ورحنة دخلنة للمشتمل

عبارة عن طرمة جبيرة وبعدها اكو صالة وغرفة استقبال ومغاسل وفوك غرفة جبيرة

المشتمل متروك صارلة هواي

كل وحدة لزمتلهة شغلة تنضف وخطية ام عبدالله ما قصرت هم كامت تغسل ويانة

وديان : خالة لا تعبين نفسج احنة نشتغل

ام عبدالله : لا يمة ماكو تعب متعودة ، شفتي بيتنة شكبرة متعودة انضفة وحدي

ورود : وهاي شلون تلحكين وحدج

ام عبدالله: تعودت ع شغل ، ولدي كلهم ما بيهم خير

صابرين : هههههه ليش

ام عبدالله : ولا واحد بيهم يرضى يتزوج ، وعبدالله اقتنع وتزوج وتالي سافر وعافني

منى : ليش سافر

ام عبدالله : راح يدرس هو وزوجتة

منى : اهاا ، اكلج خالة هذا الي دخل للبيت ابنج ياهو بيهم الوسطاني لو. الصغير. لو شنو

وديان : منى عيب شنو هل اسئلة الطايح حضها

ام عبدالله : ههههه عوفيها تسأل جاي تتعرف علينا مو

منى : اي والله حبيت اتعرف عليكم

ام عبدالله : هذا ابني مصطفى كلية ادارة واقتصاد مرحلة ثالثة

ورود : خالة ولدج حلوين

وديان : يااا شجاجن ولجن عييب

ام عبدالله : ههه انتي الاحلى حبيبتي ، منو الاكثر حلو قائد لو مصطفى

ورود : والله الصراحة قائد

ام عبدالله : يااا قائد معقولة

ورود : اي والله خالة فد حلو وشخصية ومبين حباب

ام عبدالله : اي ادري بي حلو وشخصية بس هاي اول مرة بنية تمدحة ، كلها تتعوذ من عندة وتخاف منة لاءن عصبي

ورود : اي خالة هو عصبي يس حلووو

وديان : وتالي وياج ورود اشتغلي عاد

ورود : هسة اني شمسوية يعني مدا تشوفيني اشتغل واحجي

وديان : اشتغلي ولا تحجين احسن

كملنة تنضيف البيت غسلنا من فوك ليجوة ، صار الليل وام عبدالله كالت شوية واجي عليجن

راحت واجتي دكت الباب عرفناهي لبست شالي وطلعت

كانت هي وابنها مصطفى شايلين غراض فتحت الباب حط الغراض وطلع

ام عبدالله : يمة هذني فراشات حتى تنامن عليهن اعذرني جبتلجن ياهن شلون ما جان بس لاءن ليل وما بية حيل افتح الغراض مال الفراشات واطلع

باجر الصبح ان شاء الله اجيبلجن فراشات. هسة دبرن حالجن بهذني

وديان : تسلمين خالة ما قصرتي ، تعبناج ، اخذنة الفراشات وفرشناهن رتبنة البيت جنة شاعلين لالة ( مصباح نفطي ) جابتة النة احسن من اللايت يخلص شحن ، هسة مولد مو طني

ع مولد ما مسوين خط بس ع وطني موجود ورا شوية هم راحت ام عبدالله واجتي كلت لمنى تفتح الباب جنت هلكانة من التعب ومددة رجلبة

منى : فتحت الباب وصار بوجهي هذا الي اسمة مصطفى شايل مولدة صغيرة

مصطفى : احم احم سويلي طريق داافوت احط المولد

منى : اااي. وخرت وهو حط المولد وورا دخلت ام عبدالله بيدها العشة

حطتة بالمطبخ ومصطفى كام يسوي المولد جنة كاعدين جوة ورا شوية اشتغلت اضوية البيت صاح مصطفى كال يمة اني رايح

كالتلة الله وياك

ام عبدالله : يلا جيبن العشة خل نتعشى

وديان : خالة والله مااعرف شلون اتشكر منج او ارد الي سويتيلنة يا

ام عبدالله : شنو هل ححي وديان بعد اذا تعيدينة ازعل عليج اني بعد امجن ، وسالفة تردين الي سوتلجن يا

انسيها انتن بنااتي

يلا جيبن العشة ترا جعت واليوم شهيتي مفتوحة لاءن صارن عندي بنات اكعد اكل وياهن

وديان : صابرين و ورود جابن العشة وكعدنة ناكل ونسولف عن حياتنة وام عبدالله هم تسولفلنة ع اهل قبل ونضحك

حسيناها من تحجي مثل حجي امي الله يرحمها ، كملنة عشة وضلت يمنة كالت راح اروح الولد وحدهم ديرن بالجن

طلعت وطلعنة كلنا وراها قفلنة الباب وتأكدت انو انقفل وراحت ، رحنة قفلنة الباب الجوا ورحنة فرشنة الفراشات بالغرفة ونمنة

براحة صار عدنة بيت واخير صح احنة وحدنة بالبيت بس نكدر نحمي نفسنا

ومن هاي اللحضة قررت اشيل مسؤلية البيت

وديان: من التعب نمنة وما حسينا ع شي ، كعدنا ع صوت الباب يدوك، كمزت من مكاني، خواتي ماخذتهن النومة

لميت شعري بسرعة ولبست شالي وطلعت صحت منوو

ام عبدالله: اني يمة فتحي الباب

وديان: فتحت الباب واني افرك بعيوني بيهن نعاس

ام عبدالله: صباح الخير

وديان: صباح النور خالة هلا بيج تفضلي

ام عبدالله: اعذريني اجيتكم من الصبح بس عبالي كعدتن جبتلجن ريوك

وديان: تسلمين خالة ليش كلفتي ع نفسج

ام عبدالله: لا تحجين هيج تراا ازعل انتو مثل بناتي، روحي كعدي خواتج

وديان: رحت كعدتهن ورحت توضيت وصليت، ما كعدت ع اذان الفجر من التعب

وخواتي وحدة ورا الثانية يغسلن ويصلن

وديان: خالة اريد اطلب منج طلب

ام عبدالله: كولي بنيتي

وديان: خالة اني اريد اشتغل، مثل ما تعرفين ايجار ومصرف البيت وخواتي لازم وحدة بينة تشتغل

ام عبدالله: اي صدكتي يمة، بس شتشتغلين يعني مثليش شتعرفين

ودبان: خالة اني قبل كنت اشتغل بالكبة، يعني اسوي للعالم كبة وكليجة وبورك او لحم بعجين او بيتزا يعني هذولي الشغلات الي اعرفهن

ام عبدالله: خووش احنة هاي منطقتنة كلها موضفين ويشترون جاهز ، ما دام هيج اني اي بيت ادخلة اكللهم عليج، ومن باجر اخذج للسوق واشتري الشغلات الي تحتاجيهة

وديان: تسلمين خالة، بس

ام عبدالله: بس شنو، كولي لا تستحين

وديان: اني اريد ارجع خواتي للمدرسة، يعني هسة بداية دوام صار 3 اسابيع من داومو لازم انقلهن بمدرسة قريبة هنا

ام عبدالله: لا تشيلين هم، باجر نروح لمدرسة البنات وننقلهن

وديان: خالة مااعرف شلون اشكرج واجازيج لو ما انتي مااعرف شصار بينا

ام عبدالله: النوب اذا تحجين هذا الحجي ازعل عليج

قائد: رحت للمركز واحنة مستمرين نحقق بهل قضية بس كنت ضايج ومخنوك من ورا هاي وديان الي اخذتلي عقلي

او بس اعرف مكانها، فتحت الجرار دااطلع اوراق وشفت سوارها، شلتة وتذكرت ايدها من كانت لابستة تذكرت معانيها وكل تفاصيلها

اووف شسوت بية هل بنية

ام عبدالله:بعد ما التقيت بالبنات، حسيت صارن امانة عندي وقررت احافظ عليهن بس الي اخذ تفكيري قائد

مع انو هو يعرفهن ويعرف اني شكد تمنيت اجيبهن لبيتي، بس ما جابلي طاري لموضوعهن من شافهن بالمركز

ومع انو هو كل قضية يجي يسولفلي حتى لو تعبان ، عرفت انو قائد شك بالبنات، يعني عبالة من ذني البنات استغفر الله وما يريد يكولي

قررت اخليهن بالمشتمل بدون مااكولة هنة نفسهن البنات الي شفناهن بالزيارة، اخاف ما يتفهم الموقف ويروح يطلعهن من البيت

واني روحي تعلكت بيهن حسيتهن مثل بناتي، صحت لابني مصطفى وحجيتلة السالفة

مصطفى: واذا سأل قائد منو كاعد بالمشتمل شنكولة

ام عبدالله: راح اكولة مرة جبيرة بالعمر وعدها بنات 3 ، صغار واذا سألك كولة اني دااراقبهم وما عليهم شي

مصطفى: ماشي يمة، بس حتى ال احمد لا تكوليلة ع سالفة البنات

ام عبدالله: ليش يمة

مصطفى: يمة يعني انتي ما تدرين باحمد مثل قائد عصبي فد مرة وما يتفهم اي شي نسخة من قائد اذا يحتاجون شي حاجيني واذا اني ماكو حاجي ماجد

ام عبدالله: خوش، بس انت هم دير بالك حط عينك ع مشتمل صير مثل اخوهن واحرسهن خطية ماعدهن احد وهذني يتيمات وامانة،

مصطفى: لا تشيلين هم يمة

قائد: رجعت من المركز للبيت تعبان، دخلت لكيت امي دتطبخ

الله يساعدج يمة

ام عبدالله؛: هلا يمة الله يساعدك، شلونك

قائد: الحمدلله ع الله

ام عبدالله: ادخل يمة اسبح وارتاح مبين تعبان

قائد: اي والله يمة، راح انام لاتكعديني ع غدا

ام عبدالله: بكيفك يمة

قائد: رحت سبحت واتمددت وخطرت ع بالي وديان، هسة وين هي وشدتسوي اوف ياربي احميها هي وخواتها

نمت نومة عميقة كعدت الساعة 8 بالليل نزلت لكيت مصطفى وماجد كاعدين يباوعون لعبة كرة القدم

سلمت عليهم وكعدت ، لعد امي وين

مصطفى : ااا شسمة، راحت ع جيرانة

قائد: واحمد وين

ماجد: طلع هو واصدقائة

قائد: وانت حضرتك شدتسوي

ماجد: مثل مدا تشوف دنباوع كرة القدم

قائد: يعني تراا مليت من الحجي وياك، انت سادس يا ابني شوكت تقرة

ماجد: يووووو

قائد: وجعووووو، كوم اقرة يلا

ماجد: تراا والله ختنكت من الغرفة وشايل الكتب والملازم شوكت اخلص وارتااح

قائد: اقرة وانجح وترتاح

ماجد: مو هسة اقرة خل اتعشة واصعد العرفتي اقرة

قائد: اي اي انت ضل هيج، بس صدك اذا تجيني راسب لو مكمل حظك اطيحة

ماجد: هو حظي طايح من زمان

قائد: وحضرتك شوكت تبطل السوالف المكسرة

ماجد: شنوو، شمسوي اني

قائد : لا تسوي نفسك ما تعرف بشي، انت شوكت تبطل من تصجيم بنات خلك الله

ماجد : هاي منو كالك، اني اصلا ما مصجم بنية

قائد: اي خطية انت، ع اساس مااعرفك شنو، لك قبل يومين مو مصجم بنية لو لا عطت

ماجد: ااا اي

قائد: وجعي،

ماجد: هاي منو كالك زين شنو مراقبني

قائد: هذاك اليوم اجة صديقي وياي بالمركز وشايفك مصجم بنية وهاي لبنية تطلع اقاربة كالي لو مااعرفك واعرفة اخوك كان عرفت شسوي بي

واني ما عرفت شحجي من وراك تعذرت من عندة، يعني دومك مخجلني شلون بيك بالله

ماجد: ديلا عيني هسة اني شكلت

قائد: تراا والله احبسك بالغرفة والموبايل اخذة من عندك، ياابني انت ساادس هذا مستقبلك

ماجد: اي مو اني جاهل وتاخذ الموبايل وتحبسني بالغرفة

قطعت كلامي بدخول امي علينا وكتلة حساابك بعدين

امي: ها يمة شلون صرت خما بعدك تعبان

قائد: لا يمة ما بية شي، وين جنتي

امي: ها ما كتلك اني

قائد: شنو شكو

امي: اني اجرت المشتمل مالتنة ،

قائد: قطبت حاجبي المن اجرتي

امي: اجرتة لمرة كبيرة بالعمر خطية هي وبناتها عدها بنات 3

قائد: ما عدها اولاد

امي: لا خطية ما عدها،

قائد: وشلون تعرفتي عليها واجرتيها البيت

امي: مو شسمة، باوعت لمصطفى وحجيت، 

كنت اني بالسوق من اجيت هي لكيتها تفتر تدور بيت للايجار ما صار هواي من اجتي كانت مسافرة وزوجها توفة واجتي تعيش هي وبناتها هنا

حجتلي قصتها ونقهرت عليها واجرتها المشتمل، مدري شلون طلع وياية كل هذا التأليف

قائد: يمة سئلتو عليهم شفتوهم، مو اكوللكم الدنيا مو امان لا تأمنون بأي احد

مصطفى: لا تخاف اني دااراقبهم ماكو محد يطلع من البيت غير بس الام ع كد تطلع تشتري مسواك وترجع

قائد: هاهية لعد، بس اني هم لازم اشوفهم واتأكد

وديان: قضينة اليوم نشتغل وام عبدالله خطية تسوقت شغلات للبيت، ثاني يوم الصبح اجتي علية ام عبدالله حتى نروح ننقل البنات للمدرسة واجيب المواد حتى اشتغل

عندي عباية خليجية اسود وشال اسود بعدني حزنانة ع امي واصلا بعدة محرم، اجتي ام عبدالله علية

وصيت خواتي يديرن بالهن ع نفسهن، واتأكدت قفلن الباب وراية يلا مشينا

ام عبدالله: لا تخافين يمة ابني مصطفى موجود اليوم عندة اوف بالكلية وكتلة ضل بالشارع عينك ع مشتمل لما نجي

وديان: اشكرج خالة كفيتو ووفيتو

وديان: رحنة لمدرسة منى وبنفس الوقت مدرستي اخذنة وثيقة منى ووثيقتي حتى ننقل واني هم قررت ادرس واشتغل

ما كنت حاطة ببالي هل فكرة بس طول الطريق ضليت افكر وكلت لازم اواجه علمود دراستي

بعد وثيقة صابرين و ورود، هنة نفس المدرسة بس غير دوام مسائي

ام عبدالله: امشي نروح نتسوق لما يصير وقت دوامهم ونروح ننقلهن

وديان: رحنة للسوق وبدينة نشتري الغراض الي نحتاجهة كانت عندي فلوس قليلة والنص الثاني دفعتها ام عبدالله وكالت من تشتغلين ترجعينهن الي

بعدها طلعنة ورحنة اخذنة وثيقة صابرين وورود ورحنة للمدرسة الي قريبة ع مشتمل وقدمنة الوثائق بصعوبة يلا قبلونة

لاءن احنة متأخرين يلا داومنة ام عبدالله كالتلهم اني خالتهن والبنات فقدن امهن وابوهن بنفس اليوم وصارت ضروف وخلتهن يتأخرن بالدوام

وافقو وقبلونة، هم دوامين صرنة يعني بس ورود تصير عكس دوامنة شايلة هم الها لاءن وحدها تبقى اذا احنة بالمدرسة

يتبع

تحياتي