الكاتبة. Zainab Farqad
بارت 10
كيف انتصرت؟
تركت كل شيء لله .... 💕
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وديان: رجعنة للبيت وبديت اشتغل من اول يوم صارت عندي طلبية، لمدرسات 2 كل وحدة رادت كبة وكليجة
من رحنة بوقتهة كان يوم خميس بعد يومين للاحد ونداوم كعدت اسوي بالطلبيات وخواتي يمي
وديان: احنة راح نبدي نداوم اريد تشدن حيلجن بالدراسة وتديرن بالجن ع
نفسجن خاصة انتي ورود لاءن انتي الوحيدة الي دوامج عكسنة راح يصير
ورود: شلون وديان والله اخاف ما يصير اداوم وياجن نفس الوقت
وديان: والله ما يصير اتمنى هذا الشي بس هو دوامج عكسنة لاءن انتي متوسطة واحنة اعدادية، يلا ما ضل شي انتي بس هل سنة متوسطة
وبعدها تصيرين ويانا لا تخافين
ورود: شراح يعدي هل سنة
وديان: تعدي هاي السنة وداعتج تعدي،
منى: ايي يعني اني وياج صرنة نفس الصف بس كل وحدة فرع اني علمي وانتي ادبي
وديان: جريت حسرة، اووف تمنيت اني هسة سادس كان ما باقي شي واخلص
يوم الجمعة اخذوا الناس الطلبات وانطوني الفلوس الحمدلله، ومن الصبح هم
رادوا ناس طلبات رحم الله والديها خالة ام عبدالله هي تجيبلي زبائن
وين ما تررح تمدح بطبخي، صار الليل الساعة 9 ونص اخر طلبية اجة ولد دك الباب ، رحت لبست شالي وطلعت
بس راسي شوي من عندة علمود احجي ويا، تأكدت هو الولد رحت جبت الطلبية وانطيتهيا وهو انطاني الفلوس رفعت راسي باوعت للشارع
كان اكو واحد يباوع علينا خفت، بس من نضرة عيونة عرفتة هذا ابو شوار ( قائد) بسرعة طبكت الباب حيل ودخلت جواا
هذا ليش يراقبنة عبالك،
قائد: اني من النوع الي ما أمن بالناس بسرعة كلت لازم اراقب الناس الي
كاعدين بالمشتمل مالتنة، وكفت ع صفحة كانت الدنيا ليل وضلمة الشارع
الاضوية خافتة، اجة ولد دك الباب وطلعتلة مبين كولشي ممبين منها بس خيالها حت شكلها ما شفتة باوعت علية وطبكت الباب مبين خافت
يعني هاي المرة الي كاعدة ببيتنا بنتها شابة، اني لازم اراقب ع مشتمل اشوف ياهو اليجو وياهو الي يروح
ضليت لساعة متأخرة بالليل اني وصديقي نسولف وعيني ع باب مالتهم بس ماكو شي لما تعبت ورحت نمت
وديان: يوم السبت العصر اجتي خالة ام عبدالله كلتلها
خالة مثل ما تعرفين باجر لازم نداوم واريد اخذ خواتي للسوق اشتريلهن ملابس مدرسة عادي تروحين ويانة لاءن مااندل زين
ام عبدالله: اي يمة تدللين كومن بدلن
وديان: لبسنة عباياتنة ما عدنة غيرهن وقفلنا الباب وطلعنا
ابنها مصطفى كان واكف قريب يم البيت هو واصدقائة ام عبدالله اشرتلة واجة
سلم علينا من بعيد وكال
مصطفى: ع خير يمة وين رايحين
ام عبدالله: يمة احنة راح نروح للسوق اذا اجة قائد وسأل علية كولة راحت للسوق تجيب شغلات للبيت
مصطفى: ماشي يمة الله وياج، مو تتأخرين
ام عبدالله: لا ان شاء الله مااتأخر
وديان: دخلنة للمحل واول وحدة اخذت صدرية وقميص هي منى رئسا شافت موديل وعجبها ووراها صابرين
واني ماعجبني موديل من هذا المحل رحنة لغير محل وعجبتني صدرية بس غالية كلت خل اشتري لورود واذا كفن الفلوس اشتريها
ورود ضلينا نفتر يلا لكينالها شي يناسبها واني اخذت الصدرية الفلوس صحيح ما كفن كولهن ام عبد الله دفعت وضلت تحلف واني احلف مااخذ
لما حلفت وكالت دين من يصير عندج ترجعيلي ياهن يلا قبلت، اخذنة كل وحدة دشداشة مال بيت وشغلات ماعدنا اي شي
وقرطاسية اخذنة، رجعنة للبيت الدنيا غروب بسرعة وصلت وبديت اشتغل كانت عندي طلبية ماشاء الله كمت ماالحك
وخواتي يمي بالمطبخ يسون عشة، اكيد راح تسألون منين اسوي كليجة واني ما عندي فرن او العشة واحنة ماعدنة طباخ وكذا
ام عبدالله خطية عدها طباخ صغير ابو اربع عيون جابتلنا يا وبي فرن هو. وجابتلنا ثلاجة صغيرة كانت عطلانة بس صلحتها
وجابتها النا، سويت الطلبية وتعشينة ونمنا ، كعدت الفجر ع اذان صليت
ورتبت البيت حتى ورود ما تتعب لاءن احنة دوامنة صباحي وهي مسائي
حضرت مركة للغدا من نرجع بس احميها، كانت اكو ساعة باوعت صارت الساعة 6 ونص رحت كعدت خواتي حتى ورود كعدت
غسلن وصلن وتريكنة وكل وحدة راحت تبدل، كملنا ورود مبرطمة تريد تبجي راح تبقى وحدها
ورود: وديان اخاف وحدي
وديان: حبيبتي ماكو داعي تخافين ومثل ما شفتي هنا المنطقة أمان وماكو شي
وبعدين اني وصيت خالة ام عبدالله عليج وما راح تعوفج زين لا تخافين
ورود: هزيت راسي بمعنى اي
وديان: يلا بنات خلصتن
منى: اي خلصت
صابرين : اوكفن دااسوي حجاابي
وديان: يلا حبيبتي ورود ديري بالج ع نفسج باعي من تصير الساعة 10 نكعي تمن من اجي اطبخة والباب اقفلي ورانة
ومن يندك الباب تأكدي منوو يلا تفتحي، اخاف ام عبدالله افتحيلهة، وهاا
اذا اجاج جاهل انطي الطلبية مالتة حطيتها بالفريزر الكبة طلعيها وانطيها
وتأكدي شوكت يريدون الطلبية الثانية، ولا تخافين ماكو شي،
منى : وج كاافي بعد شتوصين تراا ما رايحين لاخر الدنيا
ورود: اي افتهمت لا يضل بالج علية
وديان: طلعنة وتأكدت قفلت الباب ورانة، رحنة للمدرسة ودخلت ع مديرة وكلتلها احنة متأخرين وكذا هي عرفتنا
ووصت المدرسات علينا ورحنة كل وحدة لشعبتها اني. بشعبة ومنى بشعبة وصابرين راحت لشعبتها
كعدت اني يم بنية حبابة ومنى هم راحت لشعبتها وبالفرصة تعرفت ع بنت الي
بالصف مبينات حبابات وكمنا ناخذ التحاضير الي فاتتنة والجدول
كضينا اليوم نستلم كتب ونكتب الي فاتنا حتى منى و صابرين ما شفتهن ملتهيات
خلص اليووم ع خير ورجعنة للبيت دكينة الباب وصاحت ورود منوو
منى: حرااامي فتحي الباب لج انسمطنة حر
ورود: فتحت الباب وكمت البس بحذائي
وديان: ها شصار وياج خما خفتي
ورود: اي بالبداية خفت بس بعدين كمت عدلت البيت واجتي خالة ام عبدالله
يمي، واجة الجاهل وانطيتة الطلبية وكال اريد الطلبية باجر بنفس الوقت
والعدد ......
ونكعت تمن تراااا احجي ودالبس بحذائي
وديان: ماشي ديري بالج ع نفسج زين
ورود: لا تخافين علية يلا باي
وديان: راحت ورود، واني قلبي يمها لاءن راحت وحدها ومنطقة. ومدرسة جديدة عليها
دخلنة للبيت بعدني بملابسي رحت حطيت التمن ع نار والمركة حتى اسخنها لاءن ست منى خبصتني جوعانة
بدلنة وتوضينة وصلينة وتغدينا، ورحنة نمنة شوية صارت الساعة 3 كعدت اقرة وكعدت خواتي هم كل وحدة لزمت كتابها
صارت الساعة 4 ونص اجتي ورود فتحتلها الباب وجهها اصفر
وديان: ولج شبيج احجي
ورود: اااا ما بية شي
وديان: كانت ورود تحجي وتتلفت، مديت راسي اباوع ع شارع ماكو شي
ولج احجي شكوور
ورود؛: هاا لا ماكو شي بس شفت كلب خفت يركض وراية
وديان: وكعتي قلبي عبالي شوف شصار بيج ، دخلت جوا تبدل وغسلت واجتي صبيتلها اكل كانت جوعانة
ورود: اليوم جعت حيل
وديان: سودة علية نسيت انطيج فلوس تشترين شي
ورود: لا تكولين هيج اسم الله عليج
وديان: اي سولفيلي شلونة اول يوم
ورود: كنت مرتبكة وخايفة بس دخلت للشعبة وبعدها رحت للمديرة كلتلها ع
سالفتنة وعرفتني ودتني استلمت كتب ووصت المدرسات علية وكمت اخذ التحاضير
الي فاتتني، وانتن شسويتن
وديان: احنة مثلج، نفس الشي، راحت
ورود تقرة واني صار وقت اسوي الكبة وهل مرة اجتي العصر غير طلبية رادو
بيتزا وبورك واني ما عندي كل المواد
اجتي ام عبدالله علينا تسأل
وديان: الله جابج خالة
ام عبدالله : خير شكو كولي
وديان: اجتني طلبات بيتزا وبورك ع باجر العصر بس ما عندي المواد كولهن
ام عبدالله: سهلة، اكتبي المواد الي تريديها واكل الابني يجيبلج ياهن هسة
وديان: كتبتهن وانطيتها فلوس راحت ورا ساعة ونص اجتي وجايبة الغراض تشكرت من عدها بقت شوية وراحت
ما قبلت تتعشى ويانا كالت الولد وحدهم
قائد: هل ايام مرت علية حيل صعبة كضيتها بالمركز، القضية بعدنا نحقق
بيها واجتنة قضية ثانية حولت القضية مال سعاد والبنات لغير ضباط راسي راد
ينفجر من وراها
واني استلمت غير قضية وكمت احقق، بس ماكو ساعة مرت علية ما فكرت بوديان، يااربي والله حبيت هل بنية يااربي فدواتك اريدها
هسة شدتسوي ياربي احفضها ووفقها وبعدها عن اولاد الحرام، طلعت من المركز
واخذت السوار مالتهة وياية دخلت لكيت امي كاعدة تتفرج ع خطبة الشيخ
بالتلفزيون
قائد: السلام عليكم
ام عبدالله: عليكم السلام، هلا يمة الله يساعدك شلونك
قائد: الحمدلله انتي شلونج
ام عبدالله: الحمدلله، اشو مو ع بعضك احسك صارلك فترة كولي شبيك مريض
قائد: لا يمة ما بية شي بس شوية تعب
ام عبدالله: لا تضم علية اححي
قائد: لا والله ماكو شي بس تعب
ام عبدالله: يمة شوكت تتزوج واشوف اطفالك
قائد؛: بعد مو هسة
ام عبدالله: ادري يا يمة شوكت يعني راح تدخل ب 30 واني الله يجوز ياخذ امانتي اريد اشوف اطفالك وافرح بيك
قائد: اسم الله عليج يمة لا تكولين هيج
ام عب الله: لعد خل ازوجك
قائد: الله كريم بس مو هسة
رحت ارتاح بغرفتي طلعت السوار ضميتة بالجرار ورحت سبحت وصليت اتمددت واخذت السوار اباوع عليه واتذكرها
اووف ياربي ليش هيج علقتني بيها وبعدتها عني والله رايدها بالحلال، اوووف ياربي كون هسة الكاها مااعرف شيصير بية من الفرحة
نزلت جوا لكيتهم كلهم كاعدين وامي دتسوي عشة
قائد: حي الله الشباب شلوونكم
احمد : هلاا بيك الحمدلله انت شلونك
مصطفى: هلا هلا اشو مختفي
ماجد: هاااا قائد بس لا حبيت بنية وضامها علينة
قائد: خايب ما تنجب انت بس تفكر بذني السوالف
ماجد: لعد بشنو افكر
قائد: فكر بدراستك، احسلك
مصطفى: شبيك قائد اشو احسك مو ع بعضك
قائد: مابية شي يس شوية تعب
احمد: يمةةةةة
ام عبدالله: شكوووو
احمد: متت من الجوع ما صار العشة
ام عبدالله: داسوي بي،
قائد: رحت يم امي بالمطبخ، طلعت الخبز من المجمدة وطلعت المي ووكفت اسوي
الخيار متعود اساعد امي خطية وحدها تتعب واخواني اجوي كاعدين ع ميز الطعام
يباوعون ع تلفزيون
ام عبدالله: قائد اكعد يمة كولشي لا تسوي انت تعبان، ماجد انت تعال سوي الزلاطة
ماجد: ولويش بلا هو تعبان واني اشتغل
ام عبدالله: الي يسمعك يكول مشغلتك ليل مع نهار، لك انت كولشي ما تسوي حتى قراية ما تقرة شنو فائدتك
ماجد: اي اي ضلي احجي بالشين علية وقائد الحباب المطيع الابن الماككو مثلة
قائد: هههههههههه كول من البداية تغار وفضها
احمد: هااااي شنوووو قائد ضحك كلوووش
مصطفى: راح اذبح ماجد. بدال مااشتري طلي بهاي المناسبة السعيدة
قائد؛: شدعوة عيني قابل اني ما ضاحك يعني
احمد: لا امكن اخر مرة شفتك ضحكت قبل سنتين
قائد: لا تبالغ مو لهل درجة،
ام عبدالله: يلا اكعدوا تعشوو هسة اجي
قائة: يمة ع خير وين رايحة
ام عبدالله: راح اروح ع جيرانا الي نزلو بالمشتمل مالتنا اوديلهم عشة خطية امهن جبيرة بالعمر وصديقتي مااتأخر انتو تعشوو
قائد: باوعت لمصطفى يباوع ع امي ومرتبك ويغمزلها، هذاا شبي
مصطفى: امي من كانت تحجي كمت اغمزلهة اخاف تنسى وتكول اودي للبنات العشة بس من غمزتلهة تذكرت وكالت امهن جبيرة بالعمر
قائد: امي اخذت العشة وطلعت واحنة كعدنة باوعت لمصطفى وكلت
انت دتراقب المشتمل الي كاعدات بي
مصطفى: اي ولحد الان ماكو شي وما شفت تصرف منهن خطأ
احمد: لعد اشو اني اخر من يدري مأجرين المشتمل واني ماادري
ماجد: ولا اني حتى اني ماادري
مصطفى: هي السالفة صارت بسرعة امي شافت المرة وتعرفت عليها وكالتلها اريد بيت للايجار و.........
وديان: كاعدين نقرة وندك الباب لبست شالي وصحت منو
ام عبدالله: اني ام عبدالله
وديان: فتحت الباب ودخلت ام عبدالله، سلمت علية وانطتني عشة، خالة ليش كلفتي ع نفسج. وتعبتي احنة نسويلج لازم
ام عبدالله: لا يمة ماكو تعب ، بعدين انتن عدجن قراية وكافي انتي دتشتغلين وتقرين
وديان: يلا خالة فوتي ويانة نتعشى ع واهس
ام عبدالله: لا بنيتي بالعافية الولد دينتضروني يلا مع للسلامة ديرن بالجن ع نفسجن
وديان: الله وياج، دخلت وحطيت العشة وهجمت ورود كانت شايلة كتابها واجتي طلعنة الخبز واحنة هم مسوين كم شغلة وكعدنة نتعشة
منى: اكول باجر دوامنة مسائي وورود دوامهة صباحي ، يعني باجر اضل نايمة الصبح الله
ورود: اي راح اكعد من الصبح اووف
ام عبدالله: ها شو مدا تاكلون
قائد: ننتظرج
ام عبدالله: يلا سموا بسم الله
قائد: اكول يمة، هاي المرة بناتها شكبرهن يعني شكد تطلع اعمارهن
ام عبدالله: هاا والله مااعرف اعمارهن بالضبط بس هنة بالمتوسطة
قائد: هاا، بس حسيت الي شفتها جبيرة مو متوسطة عبالك معقوولة هي ضخمة كنت احجي بداخلي
طلعت بالليل يم اصدقائي وعيني ع مشتمل ماكو اي شي ولا طلعوو ولا ابد
وديان: مر شهر كامل، وجمعت فلوس الايجار مال شهر وانطيتها الام عبدالله وجمعت كم فلس يعني مسواك وكم شغلة نحتاجها
واني مستمرة بالقراية والشغل وخواتي يساعدوني والطلبات الحمدلله كثرن عجبهم شغلي وصاروا حتى المدرسات الي وياية هم يوصني
رحاب صديقتي انخطبت طبعا بين فترة وفترة اعرف اخبارها وحاليا دتحضر لعرسها راح تأجل هاي السنة او احتمال تمتحن خارحي سادس
مااعرف بس المهم راح تخلص من مرت ابوهة، بس الي شاغل بالي اكثر ورود مو ع طبيعتهة
كل ما تروح للمدرسة وتجي وجههة اصفر وشكد مااحاول احجي وياها بلكت تحجيلي معاندة تكول مااكو اي شي تعبتني
مررت الايام وكمت اجمع الفلوس واعرف شلون ادبر لوازم البيت، اشتريت كاونتر صغير وفرن وتلفزيون علمود خواتي يتفرجن بالعطلة
طبعا وصيت ام عبدالله وهي وصت ابنها خطية مصطفى واجة سوالنا يا، كل شهر اشتري شغلة للبيت
اتذكر بيوم الي اجة مصطفى حتى يسويلنا التلفزيون، اجة هو وامة دخل سلم وصعد يسوي بالصحن فوك
وخواتي بغرفتهن بس منى تفتر شايلة الكتاب وتفتر ما تعرف تكعد بالغرفة، وهو كل شوية صاعد نازل يسوي بي
صااح من فووك
مصطفى: اجت الاشارة
منى : لااااا
مصطفى: وهسة
منى: لااااا ماكو
مصطفى: وهسةةة، كل شوي اسوي واصيح
منى: لاااا لاااااا لاااا
منى: استغفر الله وديان كاعدة بالمطبخ هي وام عبدالله واني بالصالة الي بيها التلفزيون خلتني وديان حتى من يصيح ع اشارة اكولة
واكفة وشايلة الكتاب واقرة وهو كل شوي يصيح
مصطفى: وهسة
منى: مااالاكو يمعووود ماااكو، حجيت واني مدنكة راسي بالكتاب مااحسيت الا ع صوتة وراية
مصطفى: لا يابة، صدووك ماكو لعد هاي شنووو
منى: رفعت راسي وشفت التلفزيون بي اشارة، يوووو من دنكت راسي اجتي خرب بالحظ
ااا ماادري ماانتبهت
مصطفى: مرة ثانية من تحجين نصي صوتج
منى: بكيفي ، بعدين من احجي بصووت عالي حتى تسمع
مصطفى: ومنوو كالج اني اطرش
منى: محد كالي وهسة شتريد
مصطفى: باوعتلهة. بتأمل وابتسمت
باوعتلة ورفعت حاجبي، هذااا شبي، مشيت وفريت ايدي ودخلت للغرفة هي ياالله شو هذا كوة عبالك ديتحارش
مصطفى: ضليت صافن ع حركتها، هاي شبيها، طلعت وكلت الامي سويت التلفزيون ووديان تشكرت من عندي مبينة شكد حبابة
عكس اختها ام لساان،
قائد: تعبت من التفكير بيها، ومدا الكاها
الناس الي كاعدين بالمشتمل ما جزت من عدهم هم ضليت اراقب بس ماكو احد لا اكو احد يدخل ولا يطلع
ورا فترة صارت ويانة شغلة، ولازم نسافر اني وجماعة وياي رجعت للبيت حتى انطيهم خبر واتحضر
ام عبدالله: يمة يعني شكد تضل
قائد: 6 اشهر
ام عبدالله: شدعوة هلكد يا ابني راح يضل بالي عليك ماكو احد يروح بمكانك
قائد: لا يمة هذا امر جاييني مااكدر، انتي بس ادعيلي اني مكلف بشغل
ام عبدالله: الله يوفقك ويحفضك ياابني دمعت عيوني
قائد: لا تبجين يالغالية قابل اني وين رايح غمضي عيونج وفتحيها تلكيني يمج
يتبع
تحياتي
ليست هناك تعليقات:
إرسال تعليق