قصة قدر مكتوب الجزء الرابع

#قدر_مكتوب

الكاتبة. Zainab Farqad

بارت 4

الحياة لن تعطيك كل ما تحب

لكن القناعة تجعلك تحب

كا ما لديك ، وتقول 

الحمدلله 

🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀

بعدها بفترة صار امتحانات صابرين صار اول يوم كعدتها من الفجر تراجع المادة كانت خايفة وترجف وتقرة

سويتلها كلاص حليب وحجيت وياها كلتلها لا تخافين ولا ترتبكين كولشي ماكو مجرد اي امتحان ولا تستعجلين بالاجابة عندج وقت طويل

كامت صابرين بدلت واخذت محفضتها وبطاقتها مالت البكلوريا وصلتها للباب واني اوصي بيها لا تخاف

راحت صابرين للامتحان وخواتي بعدهن نايمات من يوم الي عطلن ما يكعدن من وقت كمت انضف البيت

صارت الساعة 9 كلت خل اخابر رحاب واعرف اخبارها ما دكت علية ولا عرفت شلونها بالامتحانات او شطلعت يعتي نجحت لو لا

دكيت عليها جاوبت

رحاب: الو

وديان: الو هلو رحاب شلونج

رحاب : الحمدلله وديان انتي شلونج

وديان: الحمدلله ع الله، شبي صوتج مريضة

رحاب؛: بديت ابجي واشهك

وديان: رحاب احجي فدوة شبيج لا تخوفيني

رحاب: مرت ابوية لكفتني احجي ويا سيف

وديان: وتالي شسوتلج

رحاب: راحت كالت الابوية وموتني ضرب وما خلاني اروح امتحن ورسبت واخذ من عندي الموبايل

والبارحة تسحبت بالليل للغرفة واخذت الموبايل

وخابرت سيف وكتلة ع الي صار

وديان: وتالي شكالج

رحاب: بدا يشتغل بمول وراح يجي يخطبني بعد اسبوعين لاءن راح ياخذ شهادة التخرج بعد اسبوعين

وديان: ان شاء الله يااربي يجي يخطبج

رحاب: مشتاقتلج ودياان

وديان: واني اكثر والله

دااحجي وياها وانقطع الاتصال خلص رصيد

رجعت دكت علية

رحاب: وديان اعذريني مداا اخابرج بس والله من ورا ما اجيتكم ذيج المرة وراها باسبوع صارت السالفة واخذوا الموبايل من عندي

وديان: لا حبيبتي معذورة

رحاب: ادعيلي وديان من يجي يخطبني يوافقون اريد اخلص من هل ضالمة

وديان: ان شاء الله ياربي يجي يخطبج وتخلصين

رحاب: وديان اني هسة لازم اسد الموبايل امكن كعدت مرت ابوية خل الحك ارجع الموبايل لمكانة لا هم تسويلي سالفة

وديان: ماشي عيوني ديري بالج ع نفسج

رحاب: وانتي هم، مع السلامة

وديان: الله وياج

سديت الموبايل ودعيتلهة من كل قلبي انو يجي يخطبها واهلها يوافقون وترتاح من مرت ابوها

كعدت خواتي تريكنة ونضفنة البيت ورا شوية اجتي صابرين دكت الباب

طبعا احنة ماخذين حذرنة فد مرة يعني اربع وعشرين ساعة الباب مقفول ، واذا احد يدوك الباب لازم نتأكد منوو يلا نفتح

وديان: هاا بشري جاوبتي

صابرين: ايي الحمدلله جاوبت، الاسئلة سهلة ما توقعت هيج

وديان: مو كتلج ماكو شي يخوف بس هيج خوفتي نفسج

صابرين: اي والله شمدريني البنات خوفني،

وديان: يلا روحي بدلي وغسلس وارتاحي واقري للمادة الثانية

مررت الايام ويا صابرين كنت متابعتها فد مرة ومتشددة وياها بالقراية اريدها تطلع معدل عالي

بس شايلة هم البيت ما عدنة مصرف يادوب نلحك ندبر مصرف يعني شغل ماكوو قليل الايجار

شكد مااحاول اجمع للايجار مااكدر يعني اوصل لنص فلوس الايجار وارجع اضطر اصرفهن ع بيت

كملت صابرين امتحانات وكنا منتظرين النتائج تطلع ع تلفزيون بس احنة ما عدنة تلفزيون

بيوم طلعت النتائج الضهر واحنة ما ندري

كنا نايمين الضهر اندكت الباب كعدنة كلنا مفزوعين منو يجينة الضهر، لبست حجابي وخواتي وراية

صحت منووو

ابو سامر: اني ابو سامر بنتي فتحي الباب

وديان: تنفست بعمق كنت قاطعة نفسي من الخوف، مااعرف ليش خفنة لاءن وقت ضهر

فتحت الباب سلم علينا وكال

ابو سامر: اكيد تفاجئتو لاءن اجيتكم هل وقت

وديان: لا عمو تشرف البيت بيتك، تفضل

ابو سامر: لا بنيتي ماكو داعي، اجيت ابشركم، صابرين نجحت

وديان: كلنا نصدمنة بس صدمة كوولش حلوة، ابتسمنة وصابرين عااطت

صابرين: صدوووك عمو عليك الله تأكدت

ابو سامر: اي بنيتي تأكدت ومعدلج 95 كانوا مطلعيهن ع تلفزيون ووصيت سامر يشوف اسمج

وديان: اشكرك عمو ما قصرت

ابو سامر: ما سويت شي مثل بناتي انتو يلا اني رايح ديرو بالكم ع نفسكم، قبل لا اروح امانة انتن مثل بناتي كولن محتاجات شي

وديان: لا عمو تسلم الحمدلله كولشي ما محتاجين

ابو سامر: اكيد ما محتاجين شي

وديان: اكيد عمو تسلم

ابو سامر : يلا مع السلامة

وديان: الله وياك، سديت الباب وانداريت حضنت صابرين بكل فخرر 

الف مبرووك حبيبتي تستاهلين

صابرين: الله يبارك بيج هذا كلهبفضل الله ثم بفضلج

وديان : ما سويت شي اني

منى: تعاي حبيبتي خل اباركلج الف مبرووك

ورود: الف مبروك

صابرين: الله يبارك بيكم

ورود: بهااي المناسبة السعيدة يراد تسويلنة دولمة وديان

منى: امدااج، وج شبيج بس تفكرين بالاكل انتي حزينة تدورين اكل، او اذا فرحانة تدورين اكل شنو سالفتج

وديان: هههههه منى ولج عوفيها

صابرين: لا عيني اني نجحت تراا مو انتي ست ورود، اريد هدية منج وديان

وديان: عيوني الج كولي شتريدين

صابرين: اريد اليوم نغني ونركص مثل قبل، خل نفرح شوية حبابات كافي حزن وتعرفوني الشي الوحيد الي يفرحني بس من اغني

وديان: دمعت عيوني من كالت هذا الشي تذكرت بيوم الي ركصنة وغنينة والصبح امي ماتت

منى: عااد شلون صوت هو، اسكتي احسن،

ورود: شنو راح نضل هنا نسولف، خلي نطب جواا

وديان: دخلنة كعدنة بالغرفة باوعت خواتي كئيبات رغم الفرحة الي احنة بيها بس ناقصنة ام تفرح وياانة اووف يا يمة كسرتي ضهرنة

باوعت منا منا شفت الطبلة يمي، جانن خواتي مدنكات وكل وحدة سارحة بعالم، جريت الطبلة وكمت ادك عليها

كلهن جفلن من الصوت

صابرين: هههههه خرب جفلتيني

ورود: عاشو عاشو 👏👏👏👏👏👏👏

منى: مثل كل مرة اني علية الركص، الرقااصة 💃💃💃💃

وديان: شد شد شد

صابرين: شكل لامي من اروح نكسرت الشيشة......... كملوها انتو

ورود: وج كافي منى جنج غسالة خرباانة، اخ يمة بطني بعد مااكدر استحمل من الضحك

منى: احس اديني خدرن هلكد ما دكيت ع طبلة، 

كااافي ولجن شعدنة تخبلنة

صابرين: غير محتفلين بنجاحي

منى: اخ يمة تعبت رجلية كامت توجعني

ورود: اي عيني الله يساعدج من الهز

وديان: كااافي ولجن خل نام شوية

نمنة واحنة فرحانين وكل شوية ورود تحجي بالاكل ومنى تضربها بالمخدة

لما تعبنة ونمنة، كعدنة العصر تنضيف خفيف واني كانت عندي طلبية مال كليجة كعدت اسوي بيها

وخواتي كل وحدة لازمتلها شغلة تنضيف

حطيت الصينية بالفرن اندك الباب، عبالي ابو سامر لبست حجابي وطلعت صحت منو كال اني ابو محمد ابو البيت

كام يصيح علمود الايجار يريدة وابو سامر حاول ويا ما يقبل يريد يطلعنة من البيت،

بدينة نلم بالغراض ودموعنة تجري وين راح نروح معقولة همة راح يتحملونة ، يتحملون يوم يومين ، مو اكثر خلي ندبر نفسنة ونطلع بس نمشي حالنة بكم يوم

كل وحدة لمت غراضها بجنطة صغيرة وويا المسمسكات والموبايل مال امي اخذتة ، وغراض البيت قليلات يعني طباخ وكاونتر وثلاجة من هذولي الضغار

ما فد يوم فرحنة بي الا اذا حزنة بنفس الوقت

ورود: كله من وراج صابرين

صابرين: شنو من وراية اني شعلية شبيج، قابل اني كلت الابو البيت طلعنة من البيت، شبيج تخبلتي

ورود: اي كله من وراج كل ما تكولين خل نغني ونركص تصير مصيبة، ذيج المرة امي ماتت هي وابوية ووهسة ابو البيت طلعنة

وديان: شكد جنت حزينة بس ضحكت ع سوالف ورود متخيلة هذا الشي صار من ورا صابرين

صابرين: طاحضج، هو هذا هم سبب، الركص شعلي

اجة ابو سامر علينا جنة متحضرين ، كال الغراض وين اوديهن ، كتلة بيعهن ، ما نحتاجهن اصلا 

كال خوش اوصلجن للبيت مالتنة واني ابيعهن

الغراض كولش قديمات وحتى لو نأجر بيت وناخذهن ما مستفادين من عدهن واصلا حتى لو نبقيهن ماكو مكان وين نخليهن

بيت ابو سامر صغير واني مااكدر اكولة خليهن بيتكم لما نلكة بيت، ولا هو اصلا كالي اخليهن ببيتي لحد ما تلكون بيت، ما عندة مكان

مو هم زين اخذنة ببيتة كم يوم، احنة منو يتحملنة اصلا احنة اربع بنات ووحدنة مااعتقد اكو احد يتحمل

رحنة ويا خطوة كدام وعشرة ليورة نريد ندخل بس مترددين شلون راح تستقبلنة ام سامر 

دخلنة سلمنة عليها جان وجهها ثكيل مبين حجالها الموضوع

هي متحجي ويانا بس لمن ابو سامر يحجي هي تحجي ، عرفت ما مرحب بوجودنا ، واني مستحيل ارضى احد يذلنا كلت حتى لو نمشي نفسنا هل ليلة وباجر من الصبح نشوف وين نروح

جانوا كاعدين ابو سامر وام سامر واولادة طالعين عندة 3 ولد كلت

عمو ابو سامر انت ما قصرت ويانة استقبلتنة ببيتك وشكد مااتشكر منك قليل واني ادري احنة صرنة حمل ثقيل عليكم بس صدكني انطيني فد مهلة واحنة ان شاء الله نطلع بلكي نلكة بيت نستأجرة ونطلع

ابو سامر : شنو هل حجي بنتي انتو مثل بناتي اعتبرتكم ، الله ما رزقني بنات ، واني اعتبرجن بمقام بناتي لا تشيلين هم

وديان : اخذتنة ام سامر دخلتنة بغرفة وكالت

ام سامر : هنا تكعدن بهاي الغرفة ، ما تطلعن منها ابد بس لما اصيحلجن اني ، اني عندي ولد شباب ومااريد تفرن عقولهن

وديان : هاي الكلمات مثل الخنجر تطعن بكلبي ، منى رادت تحجي وسكتتها الحمدلله استقبلونة ببيتهم ما نريد نسوي مشاكل بس المشكلة منى ما تعرف تسكت لازم ترد الحجاية وخايفة تسوي مشكلة

كعدنة بالغرفة وحطينة الجنط ضلينا وحدة تباوع للثانية والحيرة ماخذتنة

صابرين : وهسة راح شنسوي

منى : اني لو اموت ماابقى يم هاي المرة ، ليش هيج تحجي علينا واحنة ابد ما طلعت من عدنة العيبة لو لاءن احنة بنات وحدنة هيج يفكرون

ورود : وديان احجي شراح نسوي

ودياان : مااعرف مااعرف ، بس الي اعرفة احنة لازم ما نبقى هنا بس خلي يترتب الوضع شوية ونطلع بلكت اكدر الكى شغل شي علمود نأجر بيت

ضليت حايرة شسوي ، بدلنة ملابسنة وكعدنة بالغرفة بدون صوت كل وحدة ما خذتها الصفنة

دخلت ام سامر وبيدها صينية العشة ، كالت

ام سامر : لاءن ولدي هنا جبتلجن العشاا للغرفة ، بعد انت تسون العشة ، هسة دير بالجن تطلعن من تصير الساعة 9 ونص اطلعن

وديان : حسيت بهذا تصرفهة افضل النة لاءن الولد كولشي يسوون ، هم زين نبقى بالغرفة وتحافظ علينا بس المشكلة من تحجي ويانا وكأن احنة بنات موو خوش يعني احنة نغري اولادهة عبالك

صارت 9 ونص كالت تعالن اطلعن ،

ورود : واخيراا نطلع من هل غرفة الي يكول جنة بالسجن وطلعنة افرااج

وديان : اسكتي ، لا تسمعج ، مو زين عدنة غرفة نكعد بيها

ورود : اي هسة اني شكايلة

وديان : طلعنة وكمنة نغسل المواعين ونرتب المطبخ دخلت ام سامر للغرفة مدري شتسوي والبنات هم دخلن للغرفة ينامن واني رحت للحمام غسلت وطلعت رحت للمطبخ شربت مااي

جنت مندارة دااشرب من البراد ، انداريت ولطخت بواحد ضخم ، جاان سامر يمة متت خوف

سامر : ها يا حلوة مبينة ماخذة راحتج بالبيت

وديان : مااعرف شحجي متت خوف اخاف تجي امة وتكوم تحجي ردت اطلع لزم ايدي 

عطت عووفني لك

سامر : شبيج اوكفي دااحجي وياج اذا تستحين هناا عاادي نروح بغرفتي

وديان : انت صدك متستحي ، وخرر دفعتة حيل وفتت اركض للغرفة الاهث من الخوف شافني اخواتي جانن كاعدات ينتضرني نام سوية

منى : شبيج وديان ، ليش وجهج اصفر

ورود : ليش تأخرتي

صابرين : وج تعالي كعدي ، شبيج ترجفين

وديان : ضليت صافنة ربع ساعة واني افكر بهذا الحقير عرفت من ساعتها ما راح يعوفني اني واخواتي لازم انبههم من عندة

بنات بعد ما تطلعوون من الغرفة ، ونتأكد يلا نطلع من الغرفة

منى : ليش شكو

وديان : سامر اال ...... كام يتحرش بية

منى : اياا حقير ، شكد ادبسز

وديان : احنة ما نريد نسوي مشاكل خل تعدي هل كم يوم ع خير ونطلع 

يااربي فدواتك ساعدنا والله خايفة ع خواتي

مااريد اي حركة تسون بدون علمي وما تطلعن غير بس من همة ما موجودين ابو سامر استقبلنة ببيتة رحم الله والديه

ما نريد نسوي اي مشكلة بينهم بس خل تعدي هل يومين واطلع افتر ادور شغل وبيت

اذا نضل هنا اكيد ما راح يعوفونة لحد ما ينهشون لحمنا

يتبع

---

تحياتي

13/6/2019