مساء الورد حبايب گلبي
اريج ..عصبتني بكلامها وفورت دمي خزرت عيني وكتلها تره حبيبي وزوجي وابن عمي غصبن ع الكل افتهمتي 😏
همس ..عشتو والله يالله عايشة اللحظة خلي انشوف عود بالاخير المن راح يصير احمد 😏😏
اريج ..هههههه انشوف عيني ليش منشوف 🙄
عفتها تنبح ورايه وتدردم
وراحنه اتغدينه وكملو شربوا الجاي واحنه جاعدين
عمي ..اخوتي وخواتي مدام مجموعين اني اريد اخطب اريج لااحمد
اريج ..اني دحجت ع احمد جان فرحان اني ارتبكت وبنت خالتو تدحج وفتحت عيونها ع وسعهن من الصدمة وامي سكتت ومرت عمي عاطت
ام احمد ..شنو السالفه ليش هيج اتسوي بدون مندري مايصير ترا
عمي ..مالج دخل افتهمتي اني اريد بنت اخوي لابني وماريد غيرها
اريج ..اني داحجي جان توكف بنص الصاله مرت عمي وتصيح ع احمد
ام احمد ..شوف تاكولك لو اخذت اريج لا انته ابني ولا اني امك واتبره منك ليوم الدين وتحلم ارضا عليك بعد
امي ..تره احنه مكاتلين نفسنه ع ابنج هو الي يريدها مو احنه وهاي حجايتج تراها عيب بحقنه واحنه ابيتج احشمي الجاعدين
اريج ..اني جنت اسمع وساكته وبس ادموع مكدرت اكعد اكثر
طلعت ركض كتلها لامي امشي هو كام يصيح ع امو
احمد ..يوم عيب هل حجي ولوشتسوين ما اخذ بنات اختج افتهمتي وخلي يسمعني
هياتهن جدامهن احجي اني ماريدجن ..وشوفي اني طالع ومابقه بهل بيت من وراج
..
اريج ..طلع احمد واجه ورايه كتلو ارجع وانساني ابد لتفكر بيه هذا هو شفت شلون ميردوني لان ميحبوني شسويلهم كولي ..
وابجي واحجي اجتي امي وطلعنه من بيت عمي لان مرتو هانتنه واحنه ابيتها
عمار ..عمي ضب مرتك المره ميصير تدخل بين الزلم بس انته نطيتها عين وسفه انهنه ابيتك
اريج ..طلعنه واحمد يعتذر من اخوتي وامي ويوصي بيه بس الااتهور اني ما
احجي بس ابجي واكولو عوفني وروح لامك واخذ الي تريدها الك مرا وانساني
احمد ..اريج ترا هسه احرك البيت والكعبة كافي هل حجي روحي وبالليل اني يمج بس فدوه لتنقهرين والله لو اخر يوم بعمري اضل بس الج
اريج ..ارجع هسه لتطلع من بيت اهلك
احمد ..ماشي حبيبي بداعتي لتسوين شي تخليني اتأذه بسببو ..
راحوا بيت عمي لبيتهم واني رجعت للبيت وكمت اصيح وكتلها لامي شوفي يمه
...انتي امي وع عيني وراسي بس مال تتحكمين بحياتي وتريدين تنزوجيني ع كيفج
وتغصبيني اخذ بنات اختج لا والله اعذريني ...
هل شي ماوافق عليه لان هاي حياتي مو حياتكم ولو اخر يوم بعمري ابقه انتظر اريج ومازوج غيرها
ام احمد ..عفيه عليك هاي اخر ترباتي ومجازاتك الي تعاديني وتوكف بوجهي
الخاطر اريج خانم ..هاي وبعدها مصارت مرتك لو تصير شراح اتسوي بيه يمكن
تشمرني بالشارع الخاطرها
ابو احمد ..ول يابه يامراة انطمي واسكتي الزواج مو غصب والولد مايريد غير بنت عمو شبيج اتخبلتي
احمد ..بسبب كلامنه خالتي كامت واخذت بناتها وطلعت زعلانه
خالتي ..والله ياخيتي اعذريني بعد عيني اني مانطي بنتي لواحد ميريدها وخلي
ابنج ياخذ الي يريدها لتغصبي ع وحدة مطايقها اصلا ..وحتى هل بيت ماعاد
النه طبه بي
احمد ..اعذريني خالة والله مو قصدي انتقص من همس بس تعرفين الواحد من يهوه ويحط ابالو وحدة محد يكدر يغيرو
خالتي ..لا خالة لا هذا حقك محد يكدر يجبرك ع شي متريدو ..يله همس صيحي اختج دنرجع لبيتنه
ام احمد ..وين خيتي ابقي جاعدة شبيج ليش هيج تسوين
خالتي ..لا حبيبة هم ياله نرجع لبيتنه وشكرا ع العزومة مع السلامة
احمد ..طلعت خالتي واني كتلو لابويه حتى اسمع امي ..يابه اني راح اروح لبيت عمي ومن تتفقون ع الخطوبة دزوا عليه ...
لميت غراضي ورحت لبيت عمي
في مكان اخر
اريج ..من طلعنه من بيت عمي اني ماحجيت شي سكتت وصعدت بلسياره ويه اخوي
واجوي اهلي صعدو رحنه البيتنه واني كبل صعدت للغرفه وبس بجي ..
ادري هاي مرت عمي شمسويتلها اني هلكد تكرهني وبس تريد بنات اختها ...
طكيت بجي ع حظي الي مابيوم عدل ويايه ونمت بدون مادري من القهر لليل سمعت اعياط جوه طلع احمد جوه وزهكان ويه امي
امي ..عوفها لبنتي راح تموتوها روح اخذ من بنات خالاتك مو امك اتريدلك وحدة منهن بعد شكو جاي هسه شتريد
احمد ..عمة اروحلج فدوة بس خل احجي وياه صدكي والله العظيم ماريد غير اريج
وبنات خالتي كتلهن ماريدجن وحتى لخالتي كتلها وجدام الكل اني اريد اريج
وبس ..
امي ..وهيه اتعيط .. اتريد تضحك عليه داكولك مالك مراه عدنه ارجع لاهلك وخليهم يزوجوك ع مرامهم ..
اريج ..نزلت اني كتلها يمه عوفينه اذا سمحتي ..اتقرب احمد عليه وعينو مغوركة لان امي زفتو وبهذلتو من وراية اووف حبيبي شبيدي عليك 😢
احمد ..حبيبي تفهميني
اريج .. اعرف مو بيدك بس احمد مليت ..والله اموت عليك بس شوف حياتك اني كلت هيج لو هو اتعصب وانجن
احمد ..من هيج حجت اتخبلت طيرت عقلي ركعت الطبلة برجلي دفرتها واتكسرت
صرخت بوجها كتلها اشبيج اتخبلتي لج اني ماعوفج لو اعرف يذبحوني ولج وكفت
جدام امي وعصيت امرها كلو الخاطرج تجين هيج تحجين لتخبليني
اريج ..حطيت ايدي ع وجهي وكمت ابجي هوه اتقرب عليه وحظني
احمد ..صدكي وثقي بالله اندمهم ع كل دمعه نزلت منج ..ولج انتي بنتي اريج
متعرفين غلاتج عندي نسيتي جنتي تكبرين جدام عيني وكلبي اتولع بيج ومكام
يشوف غيرج ..
تريدين بهل سهولة اتخله عنج وعن حب عمري وطفولتي ..الا اذا اتخبلت لو شالوا جنازتي منا
اريج ..حطيت ايدي ع حلكو كتلو اششش اسم الله عليك حبيبي بس والله تعبت من
كولشي اني اصلان ما اكدر اعوفك احمد بس اهلك ميريدونه سوه ليش هيج
احمد ..اوووف حبيبي لو اعرف جان ارتاحيت ..كومي نطلع والله ضوجه
اريج ..مسحت عيوني كتلو والله مالي واهس هنا امي طبت علينه ورزلتني ..
امي ..شنو انتي قشمر بس يكول شي ترضين يامدمغه اهلو مايواطنوج بعيشة الله شلون تاخذين واحد اهلو ميردوج ها ..
احمد ..كلام عمتي دمرني كتلها عمه ليش هيج تحجين خليج محضر خير لا هيج
اتسوين اتعرفون هيه شنو بلنسبه اليه ..واني شنو بالنسبة الها حرام تفرقونه
عن بعض ..
امي ..والله اهلك الي يريدون فرقوكم احنه شكو روح احجي ويه امك الي كاتله نفسها ع بنات اختها عبالك ماكو بالدنيا بنات بعد
احمد ..عمة اني مو طفل حتى يغصبوني ع زواج ماريدو افهموني ياعالم اني اريد اريج وبس ..وامي كتلها هل حجي وحتى خالتي وبناتها
اريج ..راحت امي طلعت من الصالة وطلعنه اني واحمد نشتم هوه شوية لان نفسيتنه اتدمرت وتعبنه جثيير من وره امو
المهم وره فتره حماده رجع للدوام وخلاني اتخبل كتلو هم راح اتروح واني اموت والله فدووة اروحلك بطل من هل شغلة ..
احمد .لاحبيبي لتخافين نقلوني من الموصل وبعد ماكو شي علينه ..
اريج ..اوووف من عنادك بقيت ابجي واتوسل بي كتلو احمد فدوه اروحلك تريد
اتموتني كولي اكتلني ولتظل هيج اتسوي الله يخليك اشتغل اي شي اله هل شغلة
البلد تايه والعالم دتموت بالدرازن ويوميه جايبين شهداء ولك ليش مترحم حالي
وتسمع كلامي 😭
احمد ..حضنتها وبستها من راسها كتلها والله ماكو شي لتخافين كلمن يموت
بيومو حبيبي انتي بس ادعيلنه الله يجمعنه ابيت لان ماتحمل فراكج بعد ..
اريج ..اااااه حبيبي والله شلعت كلبي من عنادك ...ع العموم الله يحفظك الي ويحميك من كل شر بجاه كلمن عندو جاه يم الله ...
وراح احمد البيجي سامراء واخذ كلبي ويا ..واني كمت بس ابجي والقهر شالع كلبي نفسيتي اتدمرت من الخوف والقلق عليه ..
بس جان يوميه يتصل ويظل اثناء الواجب يحجي ويايه ونسهر للصبح عادي اهون بجثيير ..
وطول احمد بالجيش ظل سنه ونص يداوم والحمدالله ماكوو شي وعادي جان من يجي يجي يمي يبات وهاي الفتره ابد مارحت لبيت عمي ..
بس البنات هنه يجن من يجي نطلع ونتونس نفتر وحبيبي ممقصر بشي ويايه صادف
عيد وخابر احمد واني كتلو تجي كال لادوام وره العيد اجي اني ضجت ..
وثاني يوم الصبح حسيت ايد ع وجهي جريت المخذه وخليتها ع راسي كتلها روحي
اريد انام لان اعرف هاي حركات بنت اختي جان يكول اروح عادي متريديني اني
سمعت الصوت وراسا كمزت وكمت كتلو احمد ليش هيج اتسوي اتكولي ما اجي وتجي
احمد ..طبعا ردت اسويلها مفاجأة بيوم العيد الصبح نزلت من دوامي ورحت يمها
بقيت اتحرش بيها واضوجها جانت نايمة من سمعت صوتي كمزت فديتها هههههه ..
كتلها ولج خبله يمر العيد واني ما اعيد وياج واشوفج غير اموت وادري بيج اتضوجين اذا ما اجي ..
اريج ..من فرحتي حضنتو بكل قوتي واتمدد بصفي وظليت احجي وياه
احمد ..يله كومي نتريك جوعان ..
اريج ..لا خلينه هيج ماريد ريوك
احمد ..اممممم مو تره اصير وكح وتعرفيني شسوي 😏
اريج ..ضحكت كتلو اموت عليك
احمد ..رفعت راسها وبستها وكتلها يله جبتلج كيمر وكاهي ادري بيج اتحبي
اريج ..ضحكت كتلو يله كوم
احمد .. هااا هسه كوم بس سمعتي كيمر وكاهي ام بطن 😂
اريج ..اووو تعرفني احبو لتسوي هيج ترا ما اكل 😒
احمد ..ضحكت وكتلها اني ااريد عسل واشرت ع شفايفها وغمزتلها ..هيه كمزت ونزلت خافت مني لا ابتلي بيها 😂
اريج ..يبووو خرررب يومك عفتو ونزلت ركض ادري بي مصيبة من يتهور 😂
احمد ..نزلت وراها وكعدت البيت كلو بقيت اصيح ياقوم اني اجيت ماكو احد يجي يرحب بيه كوموا كافي نوم
عمار ..سمعت صوت هذا المخبل فززني من نومي كعدت وطلعت كتلو وجع شبيك
اريج ..طلع عمار اخوية وكامو يشااقون همه واحد يضرب بالثاني وجه اخوية
الجبير يصيح يله خل انشوف منو الي يفلش لاخ ويطلع دم اني اضحك عليهم
كتلو احمد تراه راح اكل وحدي ضحكو كال كوم خل انلحك نتريك وياها بعدين تره كولشي منحصل هسه اريج تشفط الريوك كلو
اتريكنه والولد طلعو يسلمون ع العشيره هاي تقاليدهم لازم بلعيد يروحن
للشيخ يسلمون كملنه احنه الغدا واتغدينه ومرت ايام العيد طبيعي وراه العيد
هم رجع الدوامو احمد وهل مره من راح رجع وراه ايام اتفاجأت احمد يومين
مخابر ..
والله كلبي مثل النار عليه واتصل ويطلع مغلق وقبل المغرب
دك تلفون عليه طلعت بنت عمي جواب وسلام كتلها شكو شعجب خابرتي مو الصبح
اتخابر هيه اتشاقت وكالت عابت شبيج خابرت داكولج تعالي يمنه كتلها اوووي
والله مالي واهس
ندى ..ابوي راح يمر عليكم وتعالي ويا حبابة ..
اريج ..ماكدر والله مالي خلك ولج
ندى ..يمعودة شبيج شكد حقنه اطلعي اتونسي غيري جو شبيج حابسة نفسج مثل العجايز
اريج ..وراه ملحتها كتلها يله تعالو كمت بدلت وانتظرت اشويه واجه عمي طلعت
سلمت عليه وصعدت وجه عمي ماعرف شبي كتلو شبيك عموو اشو ضايج
عمي ..ها ..هيج ماكو شي ..هيج ضايج
اريج ..كلبني نغزني شصاير نزلنه يم المطعم جاب عشه عموو. واهاي الشغلات
ببسي وحلويات ضحكت وياه كتلو كل هاي لان اني راح ابات يمكم كال تستاهلين
ورحنه البيت عمو نزلت اكو ناس بلاستقبال ..
كتلو عمو هاي شكو اشو ناس جثيير يمكم
عمي ..طبي عمو بساع للمطبخ
اريج ..طبيت وبنت عمي واكفه سلمت عليه ولكيت عماتي هم اتعجبت بيهم كتلها اشو مكتيلي كلهم مجموعين عابتلج غير تكولين ..
خل اروح اسلم ع عمه
ندى ..تعالي ساعديني عوفي امي هسه
اريج ..استغربت شبيها هاي كتلها شبيج هسه بساع اجيج طبيت للغرفه لكيت عمه
تبجي واتكول جان راح وليدي سلمت كتلها هلو عمه بوستها كتلها خير عمه شنو
شبيج حظنتني وبجت
ام احمد ..كمت وحضنتها لاريج وكتلها احمد وكمت ابجي ..
اريج ..اني كلبي وكع جسمي كام يرجف يربي فدواتك بس لاصاير شي باحمد راسا كتلها شبي عمه
ام احمد ..يمه اريج احمد متصوب اليوم الصبح خابرونه واصدقائو كالوا بالمستشفى وقبل شوية جابوا يمنه
اريج ..اني حجت هيه هيج راساً اغمى عليه وكعت وراها صحيت لكيت نفسي بحظن عمي
عمي ..شبيج بوية والله مابي شي هسه بس يطلعون صدقانه من يمو عود اتشوفي
اريج ..اني بس ابجي اكولو فدوه عمو و بس اشوفو ماريد شي اشو وراه شويه
اجوي اهلي كالو شنو هل خبر الي سمعنا نسوان اخوتي اجني عليه راسا يواسني
خطيه واني بس دموع ..
طلعو الولد ورحت اني ركض الو وابجي هو ابتسم
احمد ..تعالي شبيج دومج مخروعة وتبجين هههههه
اريج ..كلتو ليش هيج اتسوي بيه والله راح اموت من وراك ادحج حماده ايدو
ورجلو مظروبه كمت اشهك بالبجي اكثر واجوي الكل للستقبال اتحمدولو بالسلامه
واني ظليت يمو كاعده كالت بنت عمي كومي بدلي وتعاي حتى ترتاحين كمت وياها شافتني امي حجت عليه
امي ..هاا يمه راح اتظلين اهناا
اريج ..اي يمه عجل اشلون اظل اساعد البنات
امي ..ظلي هيج سوي وهمه ميريدوج ولا عندج كرامة
اريج ..فدوه يمه عوفي هذا الكلام مو وكتو احمد مريض ومحتاجني بجانبو ..
ورجعت يمهم كتلو اتعشيت حبيبي
احمد ..لا حبيبي بعدني ممشتهي
اريج ..عجل شوكت متريد كولي حتى اصبلك تاكل
احمد ..صااار حبيبي ان شاءالله ..
اريج ..عمتي سوتلو شوربه لحم واني كمت احظر وياهن اتوسلن اتعشه مشتهيت كتلهم والله ماريد
احمد ..عوفوها اني وياه ناكل سوه ادري بيها بس اني افتح نفسها ع الاكل 😏
اريج ...ضحكت وهنه يضحكن يكولن بلله ذوله مو مخابيل اني بس ادحج عليه ترجع ادموعي تنزل ما اتحمل اشوفو هيج حتى مابي حيل يتحرك
وللحكاية بقية ..
انا بلياك اذا ارمــــــــش❤️
الك تنزل الف دمــــــعه😔
واذا اتنفس بدونـــــــك🙊
احس ويا النفس وجعه💔
يتبع ....
تحياتي
أحمد
30/5/2019
ليست هناك تعليقات:
إرسال تعليق