مساء الخير والعافية عليكم غوالي
🌼🌼🌼🌼🌼🌼🌼🌼🌼🌼🌼🌼🌼
اريج ..كملوا همه العشه وارحو الكل بقوا بس اهلي
امي ..يله يولد خل انروح حتى العالم تاخذ راحتها
اريج ..كاموو اخوتي كالولو احمد اي شي تحتاج خابرنه تلاكينه يمك
احمد ..بعد روحي متقصرون انتوا اخوتي كفو والنعم منكم ..
طلعو بيت عمي وبقينه بس احنه كتلها حبيبي تعالي يمي
اريج ..بقيت ادحج عليه ارتاحيت من شفتو كبالي يتنفس كتلو حماده والله مداتحمل اشوفك هيج عوف الجيش الخاطر الله
احمد ..ولج مجتوزين ههههه دعوف هل حجي وتعاي يمي ريحي كلبي
اريج ..اجيت يمو كعدت اخاف ع جرحو ماتقربت اكثر
احمد ..ول يابه اتقربي شبيج تعاي اهنا واشرت ع صدري
اريج ..لا يوجعك مااا اخاف والله
احمد ..ههههه ولج من هاي الجهه لتخافين مالها شغل دتعاي فتيتي كلبي
اريج ..قربت راسي ع كيف هو باسني براسي ويشتم بشعري ويتنهد ..
احمد ..من اتصيرين يمي يروح كل الوجع انتي مرهم لجرحي انتي دوه لعلتي امووت عليج بنيتي انتي ...
اريج ..ههههه ياعمري والله بست من مكان ايدو يضحك يكولي والله اعشقج من
هيج اتسوين كتلو والله احبك بس انته يوميه طالعتلك شغله تخوفني عوف الجيش
شوف مره انحصرت بالموصل ومره اتصوبت بعد متروح احمد وغصيت من البجي 😭
احمد ..كافي بجي ياروحي ..ولج اكولج اخاف دتبجين حتى لتسويلي عشه 🤔
اريج ..مسحت دموعي وابتسمت كتلو جعت حبيبي
احمد ..اي جعت واذا ظليت راح اكل غير شي 😉
اريج ..ههههه يممه منك خلي اكوم ادري بيك منحرف اتسويها 🙊🙊
كمت سويتلو عشه واجيت اوكلو ياكل ويدحج عليه كتلو شبيك تدحج عليه
احمد .. تدرين حبيبي اتمنى اظل هيج مريض حتى تظلين يمي واشبع من حضنج
اريج ..اوووو احمد لتحجي هيج والله اني اموت من دونك تدري روحي بيك لتعيد هل حجي
احمد ..اتجيت ع المخدة وضحكت ومديت ايدي ع وجها اتلمس خدها وشفايفها كتلها هلكد تحبيني اريج ..
اريج ..جانت ايدو ع شفايفي لزمتها وبستها بقوة وشميتها كتلو ليش عندك شك
احمد ..جريت ايدها وحطيتهن ع شفايفي وبقيت اطبع بوسات خفيفه كتلها لاوالله اعرفج ..
بس احب اسمعها وانتي اتكولين احبك
اريج ..بستو بخدو وكتلو مو بس احبك اني اموووووت عليك يله نام حبيبي ارتاح واني اروح يم البنات
احمد ..لزمتها مخليتها اتكوم كتلها بداعتي تعاي نامي هنا
اريج ..شبيك احمد عيب ما اكدر وهسه عمه راح تجي يمك سوه نفسو ضاج وطنكر ههههه
احمد ..ماشي روحي ممحتاج احد يمي 😒
اريج .. حطيت ايدي ع وجهو واتلمست خدو كتلو لتضوج حبيبي
احمد ..ماشي ديله روحي حبيبي
اريج ..كمت رحت يم البنات بس كلبي مقهور عليه حست عليه بنت عمي
ندى ..شبيج اريج شو مو ع بعضج ..
اريج ..سولفتلها ع طلبات احمد ويتزعل وكذا ..
ندى ..حبيبتي صدوك هو ميرتاح اله وياج
اريج ..عيب شلون عمي وعمتي موجودين فشلة
ندى ..هسه احلها معليج انتي خليها عليه 😉
ام احمد ..اكوم انام يم احمد اخاف يريد شي
ندى ..ليش ماما انتي تنامين يمو ويظل كلساع يكعد اني واريج نام يمو احسن وانتي ارتاحي
ام احمد ..لا يمه اني اروح يم وليدي كلبي مينطيني اعوفو
اريج ..هنا عمي صاح ع عمه راحت يمو كالت بنت عمي كومي انودي افراشها كتلها مااا استحي راحت هيه ودت الفراش ورجعت لغرفة عمي
ندى ..ماما احنه فرشنه يم احمد وانتي ظلي انتي وبابا بغرفتكم
اريج ..ظلت ندى اتقنع بعمتي وبالاخير اقتنعت دخلنه لاستقبال دحجت كتلها شوفي خطيه شلون نايم ضايج من واريه
ندى ..يمعوده هسه بس تحجين وياه حجايتين يروح الزعل اخوية واعرفو يدوخ عليج 😉
اريج ...ههههههه والله اني لان استحيت مقبلت شسوي .. اتقربت يمو حسيتو
جاعد كتلو حمودي انته جاعد جرني بيدو الي صاحيه عليه بحركة سريعه خرعني
هههههه
احمد ..جنت ادحج من طبت اريج بنظرة بين نايم وجاعد من شفتها
اتقربت يمي جريتها عسريع ونيمتها ع صدري كتلها لاختي روحي جيبيلي مي
ولاترجعين
ندى ...صاااار تدلل ياذيب 😂
اريج ..اصخام ولج عوبة اوكفي تعاي وين وليتي
ندى ..طكيت ضحك عليهم كتلها باااااااي اني العليه سويتو 😉
اريج ..اني دحجت عليه كتلو شنو مفهمت
احمد ..انتي مو استحيتي اني حليتها كتلها هيه اتشوفلج حجه
اريج ..ضحكت كتلو يمه منك والله انته فد واحد وقاطعني كال احبج شسوي ظلينه هاي الفتره كلها بيت عمي واتعودت كلش عليهم .
وعمه زينه متحجي شي بس من تجي بنت اختها تنكلب علينه حته ع بنتها لان بنت
عمي متحب بنت خالتها اني انهار من يجون وهيه اتظل اتحاول بس تحجي وياها
واني اتعصب الحد مافد يوم كملنه الغدة
وهمه يمنه بيت خالتها اشو
احنه دنصب الغدة وهيه اجتي اخذت اكل احمد وراحت يمو اني الدمعه صارت بطارف
عيني احمد رجلو اتحسنت بس ايدو اتأذي من راحت سمعت يكولها ممشتهي اني وهيه
ظلت تتلوك
همس ..احمد اكّل بداعتي علمود الدوه ..ميصير تبقه بلا اكل .. وعمو هم لح عليه همين حتى اوكلك
احمد ..رفعت تك حاجبي وعرفت تريد تتقرب مني وتنول الي ابالها بس تحلم ..كتلها كتلج ماشتهي رجعي الاكل يله
همس ..اتقربت عليه وكعدت بسدو وردت الزم ايدو حتى اسويلو مساج لايدو نتر بيه وعاط عليه
احمد ..شنو السالفه شبيج وخري كومي منا واطلعي بره وسدي الباب وراج اريد انام ..
اريج ..اني كمت اريد الزم الشي احسو يوكع مني كملو صب الغداء كعدو كلهم
اني كتلهم ما اشتهي راح اظل بلمطبخ اسوي الجاي داسوي الجاي اندريت لكيت
احمد واكف يم الباب ع العكازه كتلو ليش كمت مو تتوجع احجي واني مدنكه راسي
اتقرب عليه وبيدو رفع راسي
احمد ..مو مرتي تستحي مني وادنج راسها مني دحجي علي اريد املي عيني بشوفة عيونج الكتلني كتل
اريج ..جان يحجي وفرحانة بي لان طرد همس واجاني كتلو روح اتغده وعوفني
احمد ..والله ما اكل اذا متجين ويايه ناكل سوا
اريج ..ع شنو اجي وبنت خالك يمك واصلاً اني صارلي جثيير اهنا واليوم اخابر اهلي حتى اروح ..
هو اني كلت هيج لو هو اتخبل حسيتو فار دمو
احمد ..قسما بذات الله اذا رحتي بعد ماخليج اتشوفين وجهي ..امشي يمي هسه يله لتعاندين
اريج ..مشيت وهو جدامي كال تعاي لزم ايدي اجيت لزمت ايدو لان اعرفو اذا تعصب يكوم يلعب طوبه
عمي ..والله سبع وجبتها تعاي بابا وكلي ابن عمج مقبل ياكل يكول اله تجي اريج ياله اكل ..
خالتي ..عشتو وشبيها همس ما اكلت من ايدها
اريج ..اني صدوك فرحت من سمعت هيج مسوي يعني طردها وفشلها ما اكل من ايدها يممه فدوة رحتلو لحبيبي 😍
ندى ..تعاي اريج يمي اكعدي
احمد ..اذا هيه تكعد يمج عجل اني منو يمي يكعد
اريج ..ضحكت كتلو لا اكعد يم حماده كعدت اوكلو وميقبل ياكل بغير خاشوكه
اله احنه اثنينه بنفس الخاشوكه وبنت خالتو انضغطت واتخبلت جانت اتدحج علينه
وعيونها تجدح نار هههههه من كملت الغدا كمت رحت للمطبخ اجتي هيه ورايه
همس ..نرفزتني هل اريج اوووف رحت وراها كتلها والله عمي امهات السحوره شمسويه اله وهيج ميريد غيرج
اريج ..ضحكت عرفتها مضغوطة كتلها مو اني الي اسوي هيج بس كلمن يشوف الناس بعين طبعو جان هيه تتخبل اني اتكولين عليه ام السحوره ..
اجوي الكل من الاستقبال وهو اجه وياهم كالو شكو اشو هاي راسا كالت شوفها اتكول عليه ام السحوره كتلها اني كلت هيج ليش تكذبين
همس ..هاااااا عجل اني
عمي ..صحت ب همس كتلها بس كافي
اريج ..اني رادت اروح للغرفه كالي احمد تعاي احجيلي شنو الي صار حتى افهم
خالتي ..اكيد راح اتلوف الحجي ع بنتي وتصير البريئة
احمد ..خالة رجاءا بس خل افهم ولووو اني اعرف منو الي حجت ..انداريت ع اريج كتلها احجي ولتخافين
اريج ..عيني غوركت كتلو والله. اني من كمت اجت ورايه اتكولي امهات السحوره
وسولفتلها وكتلها كلمن يشوف الناس بعين طبعو وبس ..هذا الي صار
احمد ..شوفوا والله هل شارب مو عليه اذا بنت عمي تنهان ابيتي اتكومون اتطلعن هسه من البيت وماريدكم تجون بعد واني موجود زين
ام احمد ..صيحت عليه كتلو شتحجي انته متستحي شلون تطرد خالتك علمود هاي
اريج ..هذا الحجي كلو اني اتوترت كتلو ع شنو اني الي اطلع مو اني الي انهان
احمد ..اكعدي اريج انتي ممتحركين وخل اشوف واحد يحجي وياج
اريج ..طبيت للغرفه وعفتهم وكمت ابجي واجتي بنت عمي ندى كالت انتي شلون اتريدن اطلعين علمود هاي الي طايح حظها
اريج ..مسحت عيوني وشلت شعري بالقراصة كتلها والله ما اتحمل اني هيج
ندى ..هو بيت عمج وانتي احق بي خل اتولي هاي ام الزلم
اريج ..ضحكت ع حجايتها كتلها عوفيني انام والله روحي طالعه وانتي روحي يم بيت خالتج
ندى ..يمعوده هسه راحن وخلصنه منهن عساهن لاردن شكد يحبن المشاكل عوذة
اريج ..وصدوك طلعت لكتهم طالعين ومرت عمي كالبه وجها لان اختها طلعت
زعلانه وعمي حجه ع اختها واحمد مدد ع الجربايه وصاح اختو اجتني كالت تعاي
احمد يريدج ..
كتلها كوليلو نايمه كالت تعاي وبلا هل سوالف مقبلت
عفتها وانداريت ردت انام ما اكدر شويه وهم انفتح الباب والضوه كتلها فدوه
ندى طفي الضوه ونامي ...شو ماكو صوت وحسيت واحد يم وجهي 😳فزيت واذا احمد يمي اصخام كتلو شبيك وخر صدك جذب
احمد ..طبيت ع اريج لان ضوجتني بس تتعزز ومتسمع كلام علكت الضوه واتقربت
عليها عبالها ندى ضحكت عليها ههههه اجيت يمها هيه كمزت من شافتني بقت اتوخر
بيه مكدرت كتلها من صحتج ليش ماجيتي ها
اريج ..بقيت اوخرو بس هوه ثكيل مكدرت كتلو فدوه وديني ماريد اظل هنا ضجت
احمد ..ماوديج وغصبا عنج تبقين يمي حتى اصير زين 😏
اريج ..ادري شنو هيه اجباري اظل ..حضني وكال بس يله كومي كتلو نعست اريد انام
احمد ..اوك ماشي اني هم نعسان يله ادني شويه خل انام سوه افيشششش شكد حلوو وين لاكيها 😁
اريج ..يبووو احمد وخر لتسويلي مشكلة ..فدوه روح هسه عمتي تلعب طوبه بيه
احمد ..اي وشسويلهم نايم يم مريتي وحبيبتي ..
اريج ..اووووف منك ..وعادي صالحني احمد وراها ايام وبده يتحسن واني رجعت البيتنه واحمد بعدو بلأجازه ويجينه بين يوم ويوم البيتنه ..
لحد ما خلصت اجازتو وره شهرين وكال راح ارجع اني اتخبلت كتلو والله اموت
هل مرة لهنا وكافي ماخليك تروح انته ليش متحس بيه وهو ظل يقنع بيه لحد ما
كال شبيج اذا عفت الجيش راح يكولون لان اتصوب عافو لان يخاف واني مو جبان
ما اخاف عجل منو يحامي كاعنه وبلدنه اذا كلمن كعد ابيته وضم راسه ها
اريج ..معليه احمد والله ما اتحمل يصير بيك شي بعد والله تعبت ليش متحس
بيه ..ضاج وظل يبوس بيه ويقنعني وسوه الي براسو وراح للدوام ..
وظلينه هم نتخابر ونسولف واكولو والله مشتاقتلك ايكولي والله اني هم بس
شسوي يله اجيج وهل مره ماعوفج وطول احمد بالدوام وقرب يوم عيد ميلادو يعني
يصادف بيوم الي يجي هو عيد ميلادو ورحت اني البيتهم بدون ميدري ..
وحضرنه البيت وعلكت الزينه وحجزنه الكيك حتى انسويلو حفلة ويفرح بيها
ويكولي ولج والله بس اريد اشوفج ونتشاقه ورحت للسوك اشتريت فستان قصير حته
البسو بيوم عيد ميلادو لحد قبل يوم من نزولو ظلينه نسوالف الصبح
احمد ..تعرفين اريج اظل احبج لحد اخر لحظه بعمري
اريج ..والله اني اموت عليك وضلينه لحد ما اني نعست كتلو حماده والله اشو
نعست هذا الحجي ساعه ٤ ونص الفجر كال يله حبي روحي نامي وارتاحي كتلو يله
تصبح ع خير هو ضحك كال هسه صباح الخير كتلو يله مومهم باي عمري وسديت
التلفون ونمت ..
حسيت ع التلفون يدك ساعه ٨ جريتو اخويه يدك جوابتو
كال ها نايمه كتلو اي والله كال انطيني امي نزلت انطيت التلفون لامي بعد
ردت اصعد ..
وصلت يم الدرج واسمع امي عاطت عيطه رجت البيت رج يومه رجلي بادت اريد امشي ماكدر جمدت بمكاني ..
ربي سترك شصاير كوه سحلت رجلي سحل رجعت يمها كتلها يوم شبيج شكو احجي امي
بصرخة بس كالت احمد اني رجلي كمت ما احس بيهن كعدت بلكاع وكتلها يمه فدوه
احجي اشبي كالت ولج احمد استشهد !!!!!!!
اريج ..😳😳
وللحكاية بقية ..
يتبع ...
تحياتي
أحمد
31/5/2019
ليست هناك تعليقات:
إرسال تعليق