اسعد الله مساءكم احبتي
🌷🌷🌷🌷🌷🌷🌷🌷🌷🌷🌷🌷
احمد ..ولج والله مشتاقلج موووت
اريج .. اني هم والله مشتاقتلك نام هسه وبعديت اسولفلك
احمد ..شكو شصاير حبيبي احجي هسه ..
اريج ..ماكو شي شبيك اسولفلك من رحت شصار بيه كام حضني ويبوس براسي
احمد ..اريدج قويه متخافين من شي انتي مرتي وحبيبتي
اريج ..فدووة لعمرك حبيبي ربي يحفظك ويخليك الي 😊 وراها نام احمد واني سحبت نفسي منو ونام هو خطيه كولش تعبان المغرب كل ماروح اشوفو الكاه ذاب نفسو محاس بشي كعد وراها
احمد ..من نمت محسيت ع نفسي مثل القتيل ..جنت تعبان جثيير كعدت المغرب كتلها اريج ليش هيج خليتني انام جان كعدتيني
اريج ..ضحكت واتقربت عليه كتلو شفتك تعبان وميهلي ازعجك كلت خطية خلي يرتاح من كيفو يكعد
احمد ..ههههه ماشي تسلميلي حبيبي ...
بس اريج فدوه اريد تسويلي جاي لان راسي احسو يريد ينفجر
اريج ..صااار من عيوني دقايق ويجيك الجاي 😁 ..رحت للمطبخ سويتلو جاي وكيك وديتو الو
احمد ..ماريد كيك حبيبي ممشتهي شبعان من الغدا والله
اريج ..مااااا اني مسويتو الك لازم اتضوكو بهل الكلام اتصلت عليه امو وهو
كاللها اني بيت عمي وهيه اسمعها اتعيط وتدردم عبن اجاني ومراحلها
ام احمد .. اي اخذتك اريج خانم مني ..هاي جزاتي ربيتك وكبرتك ابختها ليش
يمه ليش متكول اروح اشوف امي اول شي تالي اخابرك والاكيك يمهم يعني انته
اتروحلها وعايفني
احمد ..يوم فدوة لعمرج بس انطيني فرصة احجي هسه قابل شسويت لكل هذا الحجي ..ع العموم هسه راح اجيج
اريج ..جنت اسمع صوتها وصريخها اتأذيت من كلامها قهر حسيت مكبوت بداخلي
ليش هيج مرت عمي ويايه ليش تكرهني شسويتلها اسمعها تحجي عليه وهو بس يكولها
امي هسه جايج باي ..
وهيه تحجي لحد ما هو سدو اني حصرتني البجيه لان سمعتها تحجي عليه كمت راسا دخلت جوه هو صاح عليه اني صعدت ركض هوه اجه ورايه راساً
احمد ..حبيبي شبيج ليش تبجين عوفيها تحجي شعليج بيها
اريج ..اني بس ابجي واشهك لان صعبة تحس انت ممرغوب ع اهل الشخص الي تحبو
احمد ..كافي فدووة اروحلج لتبجين شسوي هاي امي وهم حقها اني مارحت شفتها وهيج حجت يعني الغلط مني
اريج ..مسحت دموعي وكتلو اي صحيح اتقرب يمي واخذ راسي بحضنو
احمد ..كافي لتسوين هيج انتي نبض كلبي وعزيزة وغالية عليه
اريج ..اني بس ابجي
جان يكول يله حبيبي خل ابدل واروح اشوف اهلي هزيت راسي كال اخابرج بالليل والصبح اجيج نتريك سوه محجيت شي دنكت راسي ..
احمد ..اووووف وتالي اذا اتضلين هيج ماجيج بعد سكتت هيه كتلها يله ننزل
اريج ..نزلت وياه بدل وكمل راد يطلع حظنتو كتلو عفيه حبيبي لتتاخر عليه
والله اضوج من دونك حظني حيل وكال والله الصبح اني اجيج نتريك سوه ..
راح واني ظليت مقهوره ليش هيج عمتي متريدني شبيه والله اني ماعندي شي
وياها المهم مرت الايام واحمد قرب يوم التحاقو للجيش وطلع دوامو بلموصل ..
واني هنا اتخبلت يالله بالموصل بأخطر منطقه بالعراق يعني الي يروح ميرجع
بعد ومكان بعيد كتلو ليش احمد والله اموت ليش هيج تسوي مااا متروح وابجي
وهو يسكت بيه
احمد ..اريج والله شلعتي كلبي كافي اذا هيج اتسوين بعد ابد متشوفين وجهي اني ما اتحمل هذا البجي والله اظل الوم بنفسي ليش اكولج
اريج ..سكتت واتقبلت الامر الواقع وواجهت مصيرنه وراح احمد ساعه ٦ طلع
وظليت الطريق كلو اخابر واسال وين وصلت تعبت ماعرف شنو لحد ماوصل ورتاحيت
احمد ..حبيبي ماكدر بعد هيج اخابرج شوكت ميصير عندي فراغ اخابرج
اريج ..ماشي حبيبي براحتك اهم شي لتكطع بيه وابقه اسمع صوتك ...ومرت
الايام وكام احمد يخابر من يفرغ لو من يصير واجبو انظل سهرانين جان ماكو شي
بلموصل بعدها
واراها هم نزل احمد ورجع عادي بس رجع بدون ميدرون اهلو خاف لا امو تحجي واضوج اني وثاني يوم راحلهم وراها بسبوع احمد رجع للدوام ..
واهناا ياريتو ماراح دخلو داعش الموصل وضلينه احنه انتابع الاخبار وكلبنه
محترك وانحاول اندك ع احمد ماكو متنه والله واني بس اتخربط وكطعت الاكل
واتمنه بس اسمع صوتو جنت اناشغ واحس بروحي تنسحب مني شوية شوية مثل الواحد
الي ديعالج ومنتظر موتو ..هيج جانت حالتي بغياب احمد ..
وظلينه شهر ونص احنه ع هل الحاله يردون بس خبر عمي يبجي امو اتخبلت اهلي كولنه احنه ملتمين بيت عمي ..
واني اصلي واقراء قران وابجي امي كامت تحجي عليه لان ما اكل وبس بجي
اتخربطت ودوني للمستشفى ضغطي نازل وطالع بيه تسمم بلمعده اهلي تخبلو لان
ممكاله شي وهيج ويصير بيه اني اكولها ماما عوفيني خل اموت لان مابيه بعد ..
بقيت بحالة متهستره واعصابي تلفت احمد منعرف عنو شي واخبارو
انكطعت والموصل سمعنه صايرة قطعة من نار واليوصل هناك ينذبح حتى اهلها
اتهجروا واتهجولوا واني اسمع هل اخبار ادك والطم اكول هاي هيه احمد راح من
ايدي ...
وراها بسبوع اني داقره قران الفجر وسمعت التلفون دك ركضت ع
التلفون بدون ماصدق حتى لكيت رقم غريب خفت ارد جسمي كام يرجف مثل السعفه
اترددت ياربي لتفجعني بخبر موزين 😭
اريد ارد وايدي متوصل للتلفون خايفه من الخبر
بس بعدين رديت واجاني صوت رد بيه عافيتي يممممه افيشششش ولك احمد ماصدك والله 😭
احمد ..من دخلوا داعش انحصرنه بمنطقه خطرة احنه والفوج مالنه كلو بقينه
نقاوم الدواعش صمدنه الحمدلله بس جان بالي يم اهلي وحبيبتي كلت هسه ظال
بالهم يمي لان انقطعت الاتصالات والانترنت وبقينه شهرين محصورين بذاك
المكان وبفضل الله خلصنه والا جان اتذبحنه كلنه من هذولي الانجاس
الارهابيين ..
واول مصارتلي فرصة راسا دكيت ع اريج شوية وردت عليه كتلها الووو حياتي
اريج ..اول مسمعت صوتو اتخربط وضع واني الدموع تنزل بدون ما احس بس كتلو احمد بيك شي احجي فدوه والله كلبي محروك راح اموت
احمد ..حبيبي ماعندي مجال هواي بس طمني الكل كوليلهم اني زين مابيه شي لاكن محصورين وبس اتصير فرصه اجيكم وليظل بالكم عليه ..
اريج ..ونكطع الخط نزلت اصيح واعيط بلبيت كلو هرجتو هرج ..اهلي طلعوا
يصيحون شبيج كتلهم احمد احمد امي لطمت ع صدرها كالت يمه راح الولد ولج احجي
شبي كتلها يمه احمد عايش امي ارتاحت كالت راح كلبي بجينه خابرت عمي وكتلو
خطيه ساعه ٦ الفجر اجونه كتلها عمه مابي شي والله بس عمتي هيهات تسكت
عمتي ..اي طبعا ليش لا ..يخابر عليج وينساني اني امو ميكول امي كلبها
مفرفح عليه وظال بالها عليه لا يروح يخابرج ويعوفني بحركة كلبي ..ميفكر
يخابر امو الي ربتو وتعبت علي
اريج ..يبووو شراح يسكتها كتلها عمه
والله ماطولت وياه ورقم غريب الاتصل عليه حتى اتصلت عليه مغلق عافتني وتدحج
عليه صفح اني مهتميت اهم شي حبيبي زين وراها باسبوع خطيه ويطبلنه احمد
الظهر
اني داغسل الاماعين وبالي يمو وين صار احمد طب تعبان واهدومو
كلها اترب ادحج اني احس نفسي داتخيل بس رجعت رفعت راسي وجان اصيح اجه وركضت
اله ابوس بي واحضن بس احمد تعبان كولش اهلي طلعو وامي تبجي. احنه نبجي
اخويه عمار من فرحتو بي شايلو ويكولي همزين اجه ويبجي
احمد .. من
كملنه الواجب ورجعنه لديرتنه بوجهي رحت لبيت عمي ومن طبيت بملابسي العسكرية
وتراب بدلتي شافتني اريج اتسودنت ههههه فدوة لعمرها هاي حبيبة كلبي ركضت
حضنتني وكامت تبوس بيه وطلعوا بيت عمي كلهم وعمار شالني ويفتر بيه خررب
يومك ولك عمار بله اخبال ولك خل انزل ههههههه
عمار ..ولك عوفني اشبع منك خيي ممصدك والقران انت جدامي ردنه نموت من القلق عليك ..
اريج ...خابرت امي مرت عمي وكالتلها تعالي غداج يمنه تريد تفاجها اجوي بيت
عمي وره ما احمد سبح طبعا عمي واحمد يدحج عليه وركض احمد لاعمي ويبوس ايدو
ويرجع على راسو ويحضن بي مرت عمي تبوس راسو وايد احمد اندار حماده يحضن
عمه ويبوس بيها وايدها وهيه تبجي وتصيح
عمتي ..حضنتو لابني ممصدكه
رجعلي بسلامة كمت اشمو من كل مكان كتلو يمه وليدي رحمتك ربي من رجعتو سالم
لحضني يمه وليدي بعد بيتي ممصدكة اشوفك وبحضني هسه انت افيشششش يريحتك
يالغالي
اريج ..دخلوا الاستقبال وكعدو امي سوت سمج وبرياني وتمن
احمر وزلاطه ولبن واحنه كولنه انحظر وياها وصبينه الغدة وكملنه وجاي وسوالف
وضحك واني فرحتي ميهلي اعوف عيون احمد من شربو الجاي كالي تعاي اجيت يمو
احمد ..جنت ادحج ع غزالتي كتلها تعالي يمي اجت كتلها شبي الحلو بس يدحج عليه
اريج ..غوركن عيوني كتلو مشتاقتلك وبجيت
عمي ..هااا عمو مو هسه يمج هوه ليش هل البجي
عمتي ..يمعود عياره نسوان مابيها شي 😏
اريج ..اني انداريت عليها كتلها عمه اني اتعاير !! هذا احمد تعرفين شنو
بلنسبه اليه هذا النفس الي يصعد وينزل بريتي وكمت وعفتها ورحت للمطبخ
احمد ..اوووف امي ولاتبلعها لهل مسكينة رحت وراها للمبطخ واتقربت عليها
وكتلها حبيبي بداعتي كومي لتظلين الي يحجي كلمه راساً تنغثين كبري عقلج
اريج ..سحبت نفس عميق حتى اهدأ كتلو شفتها شنو حجت
احمد ..ميخالف حبيبي الخاطري اتحمليها مهما يكون هاي ام حبيبج
اريج ..ماشي الخاطرك بس راح ابلع حجيها واسكت
احمد ..يله كومي صار العصر
عمي ..عمو يله كوموا حظرو نفسكم باجر الكل مجموعين بيتي علمود سلامة احمد
اريج ..مقبلت اروح ابات اهناك كتلهم ماروح اني احمد دحج عليه واشرلي اسكت عفتهم ورحت للمطبخ واجه ورايه ..
احمد ..هاا ليش متجين
اريج ..اتريدني اجي حتى اتظل عمه تحجي عليه ماريد خليني اهنا
احمد ..اريج كومي ويانه بلا هل كلام ماشي ..واذا ما اجيتي اني ازعل عليج
اريج ..قبلت اروح ورحنه كولنه وعمي خابر الكل عماتي ولد عمام ابويه هم
وعمتي خابرت خواتها واجوي ثاني يوم واحنه كملنه تنظيف الكبار يطبخون بلمطبخ
والولد مابيهم غريب ..
اجني بنات خالة احمد يدحجن عليه من غير نفس
عبالك كاتله ابوهن هو حبيبي يطب ويطلع ويصيح حبيبتي تعاي ويتحارش بيه
جدامهن لو يشمر بوسه بلهوه اني اضحك وادنج ..
ميس ..شفتيها شلون يتشاقه وياها ويتحارش بيها ولايكول بنات خالتي واكفات عيب
سوزان ..يمعودة حظها جاعد قابل مثل حظج المصدي عود خالتنه رادتج الو وينو عجل شو داير هواه ع بنت عمو يخايبه
ميس ..شنو قابل اذب نفسي كوه عليه والله يالله الميريدني ماريدو
اريج ..شفت بنات خالتو يبسبسن بيناتهن ويدحجن عليه ..مهتميتلهن وداريد انصب الغدا صعد احمد فوك وكال تعاي رحت وراه وهو راساً جرني
احمد ..اوووف لج مشتاقلج مووت كمت ابوس براسها وحظنتها كتلها افيشششش ع الريحه والله لو يخيروني بلدنيا كولها وبحضنج اختار حضنج
اريج ..بست ايدو اني وكتلو اموت عليك يتاج راسي ونضر عيوني هو اتقرب عليه
وباسني خلاني عبالك راح اخرب خدرت وحسيت رحت لغير عالم وارها فزينه ع صوتهم
صاحوا احمد وينكم تعالوا اتغدوا حسينه ع نفسنه
كتلو شكد عيب عزاا هسه شيكولون هو ضحك وحضني
احمد .شسويلهم خلي شيكولون خلي يكولون
اريج ..ضحكت كتلو اووف منك
احمد ..ولج شو مداشبع منج انطيني بوسة بعد
اريج .. ههههه كافي لتصير طماع انفضحنه ترا امشي ننزل ..
ونزلنه اني وياه بنت خالتو تدحج صفح علينه
ميس ..والله يالله تتختل وتتدحس
اريج ..عصبتني بكلامها وفورت دمي خزرت عيني وكتلها تره حبيبي وزوجي وابن عمي غصبن ع الكل افتهمتي 😏😏
وللحكاية بقية ..
لا يوجـد آجـمـل مـن يـوم سيجمعني بـک ، وسيعلم الجميع آنـک لي وأنـا لـک 💍💕😍
يتبع ...
تحياتي
أحمد
29/5/2019
ليست هناك تعليقات:
إرسال تعليق