مساءكم معطر بأريج ورد الجوري
🌹🌹🌹🌹🌹🌹🌹🌹🌹🌹🌹🌹
اريج ..انداريت كتلها اريد مي عطشانه احمد بساع جابلي المي وشربني كتلو طلعوني مليت
احمد .. اصبري حبيبي الصبح نطلع هسه ارتاحي لتعبين نفسج وهاج هاي اكلي لكمة حتى تتقوين شوية
اريج ..ماشي ..وكلني احمد شويه وراها نمت ..
ثاني يوم الصبح طلعنه من المستشفى ..وهم من رجعنه للبيت لكيت هواي ناس جاين وناس تطبخ محظريلي جربايه بلغرفه جوه دخلوني ...
مددت ارتاح ..جان عندي الم قوي لزمت مكان العملية وصحت اخ توجعت
احمد ..اسم الله حبيبي باجر اخذج للدكتور اخاف صاير بيج مضاعفات ..
اريج ..لا عادي لتخاف هسه يروح لتهتم اليه اجه باس راسي
احمد ..اتقربت عليها وبست راسها وكتلها اشلون ما اهتم وانتي كلبي وحياتي
وروحي بيدج ...ولج من طبيتي للعمليات حسيت روحي شاغت فرفحت والله
اريج ..ابتسمت وكتلو الله يخليك اليه حياتي ولايحرمني من هاي حنيتك ..
ومرت الايام عادي ورجعت صحتي تمام وبهاي الايام عمي اتوفه ابو جنتنه وفاة
عمي برهم شلعت كلبنه لان كولنه انحبو زوجة اخويه اتخبلت خطيه وهيه عدها
جهالها زغار ابنيه ولد البنوته عمره ٤ اشهر وتخربطت خطيه واني انهاريت ابجي
واعيط
رحنه البيت عمي وكمت اشتغل ويه البنات واشتغل ويه الولد
الطبخ سوه بره بلطرمه واني وياهم لان ماكو غريب ولد عمامي ولد خوالي ولابسه
حجابي وتعبت كولش من الصبح لليل الشغل بليل خلصو ..
اني داغسل بره
الجدور والاماعين اجه ابن خالي علي كال اني اساعدج كتلو اي والله تعال اجه
خطيه يساعدني وعادي نشتغل ونسولف واحمد سمع صوتنه اجه طب من بره ركض ..
احمد ..سمعت صوت اريج انجنيت جانت تحجي ويه علي ركضت طبيت رزلتها كتلها شنو هل صوت واصل بره
اريج .. شبيك احمد عادي دنشتغل ونسوالف ليش هيج تعيط عليه
احمد ..هاا اعيط !! وانداريت ع ابن خالها علي كتلو وانته شكو اهنا متستحي عايف الزلم بره وجاعد اهنا يم النسوان
علي ..انت اشبيك اشو متعرف تحجي شفتها تعبت واجيت اساعدها ..اعتقد ماسويت شي غلط ولاعيب
اريج ..اني اتعصبت كتلو لعلي روح عيني اشكرك مقصرت ويايه اني هسه اكمل طلع
احمد زهكان اني كملت وغسلت الطرمه ورحت سبحت طلعت مابيه حتى امشط شعري
كتلها ماما مشطيلي مشطتلي امي ودخل احمد يدحج عليه
احمد .. بلعافيه ياحلوة
اريج ..كمت ومحجيت اجه للمطبخ اني والبنات اهناك
احمد ..رحت وراها للمطبخ كتلها تعشيتي ..
اريج ..سكتت محجيت ويا
احمد ..احجي شبيج ..
اريج ..درت وجهي عنو
احمد .. مو داحجي وياج جاوبي يول ..
اريج ..ضجت كتلو نعم شتريد ..
احمد ..سمعتيني كولش زين شنو حجيت
اريج ..اخاف اجاوبك ويطلع صوتي عالي 😒
احمد ..ضحكت ع حجايتها حطيت ايدي ع شاربي وسبلت عيني بعينها كتلها ليش اتضوجين غير احبج و ماريد احد يسمع صوتج
اريج ..وتحجي عليه هيج وترزل الولد خطيه وهو ديساعدني
احمد ..هههههه يله مصار شي واسف حياتي ..هنا البنات صاحن عليه تره مو كتها
جاعد تتغزل واحنه واكفين اني راساً كتلها بله شوفي كلهن يغارن منج 😉
اريج ..ضحكت كتلو ديله اطلع عيب فشلة ..
احمد ..اتقربت عليها وكتلها عيب ليش بنت عمي واحبها وراح تصير مريتي
وتاتغزل بيها من حقي يعني ...ثم اني جوعان وانتي بله عشه يله امشي ناكل
لكمة ..
اريج ..حتى غده مدغديت ما اشتهي ابد ..
احمد ..شنو ليش ولج مماكله
اريج ..والله تلعب نفسي لان مقهوره
احمد ..ديله سوي اليه والج وناكل سوه حتى نفتح نفس بعض ع الاكل 😉
اريج ..لا اوكف خلي اسئلهم منو ممتعشي واسويلهم ويانه
احمد ..اوك ماشي يله
اريج ..والله سالت عادي يردون اكو عشه واكو مقبلو ياكلون سوينه عشه وكملت
وصحت ولد وبنات وكعدنه بلمطبخ اتعشينه واحمد بصفي يسولي لكم ازغار ويخلي
بحلكي كتلو شبعت كافي يجبرني يكول لا مشبعتي.
كملنه ونمنه وخلص
ايام الفاتحه عادي وظلينه احنه بيت عمو وره السبعه رجعنه واحمد من يشوفني
ابجي يتخبل يكولي ادعيلو بس لتبجين واني بس اسمع صوت الملايه تقره اظل ابجي
..
رجعنه البيتنه وتمرضت وره صخونه وماعرف شبيه كالت امي هذا تعب
عادي اخذت علاج واجه احمد واني بيه طبيعه لو كل المرض بيه من اشوف احمد
اصير زينه وارتاح ..
احمد ..مو اكولج ظلي يمنه اتصيرين اتخبلين 😉
اريج ..ههههه عابت حتى تفترسني غير 😏
احمد ..ااااااخ ولج بس افترسج كولي اكطعج هم 😍
اريج ..خررب يومك منحرف مو بيدك 😂
ومرت الايام اهنا احمد عادي ويايه بس وره فتره حسيت احمد مو ع بعضو اسألو
يكولي ماكو شي اخابر مرت عمي اتكول حتى بالبيت هيج بس صافن وميحجي ويه احد
لحد ما مر ع وضع احمد هيج اسبوعين واجه لبيتنه ..
احمد ..احم اريج راح اكولج شي بس لتعصبين ولاتنقهرين لان اعرف خبالاتج
اريج ....دحجت علي انقبض كلبي كتلو شكو خوفتني احجي حتى كلبي احسو راح يطلع من الخوف
احمد ..اخذتها بره وكعدنه بلحديقه كتلها شوفي حياتي داشوف شغل مو حيل قوي وممرتاح اني هيج
اريج ..اي قابل بس انته هاي حال كل العراقين
احمد ..اي صح
اريج ..زين وهسه هذا الي راح ازعل علمودو
احمد ..اتنفست بقوة واتنهدت كتلها لا ..بس اني اريد اتعين بلجيش.
اريج ..اني انصدمت دحجت عليه وكتلو عيد شنو كلت
احمد ..اريد اتعين بلجيش
اريج ..اتعصبت من هيج كال كتلو والله سهله عندك اتكولها اتريد اتعوفني وتروح
احمد ..حبيبي شبيج منو يعوفج ..
اريج ..عجل شنو الي دتكولو الجيش معناها ماشوفك
احمد ..حبيبي احسن النه ولتضوجين اني من اجي اكضيه بس وياج لتزعلين
اريج ..كمت وعفتو كتلو بس اكولك شغله انته حاير بيا طريقه تعوفني ليش تتحجج هيج كول ماريدج وعادي روح شوف حياتك
احمد ..شبيج اتخبلتي هيج تحجين اني لايبه روحي صار ايام حاير اشلون اكولج
وانتي هيج اتفكرين بيه ول بوية فهميني اني اريد شغل اكون نفسي بي حتى
ماعتاز لاحد ومن نتزوج اكدر اعيشج احسن عيشه شبيج
اريج ..جسمي كام يرجف كتلو احمد اذا رحت يعني تموت وتعوفني وكمت ابجي واعيط جان يلمني بحضنو
احمد ..ركضت عليها شفتها انهارت كتلها اششش فدوة لعمرج ليش هيج تحجين
..لتسوين هيج بنفسج ترا العمر بيد الله اذا جاعد يمج والله يكتبلي اموت هاي
بعد ساعتي اجتي تعترضين ع حكم ربج ..
اريج ..اني بس ابجي كعدني بحظنو ويبوس بيه ويسكت واني بس ابجي
احمد ..ضحكت كتلها تره حلو هيج انتي اتظلين بحضني تبجين واني اظل ابوس ومرتاح 😁
اريج ..ظربتو ع صدرو كتلو سافل ماكدر ع روحك
اريج ..ضحكت كتلها اي هيج اريدج حبيبة كلبي انتي ابقي بحظني اوووف شكد احبج ههههه
اريج ..احمد بداعتي عوف هل تعين والله محلو واخاف يصير عليك شي اموت والله 😔
احمد ..بستها من خدها وكتلها اسم الله عليج حبيبتي بس صدكي والله احسن اليه والج
اريج .. زين شوكت اتسويها
احمد ..مابقه شي اسبوع واروح للتدريب
اريج ..اهاااااا يعني مقدم ومسوي كولشي واني اخر من يعلم
احمد ..حضنتها وبقيت ابوس بيها واحجي كتلها والله اخاف احجيلج ليصير بيج شي وفكرت اذا اروح وما اكولج تتمرضين
اريج ..حوطت ايدي برقبتو وكتلو اذا خايف عليه لتروح بداعة حبنه ...
احمد ...اوووف ولج لتشلعين كلبي والله اموت بدونج بس هيج احسن
اريج ..سكتت كتلو الله يحفظك اليه من كل شر وابجي وهو يحظن بيه كتلو عوفني خل اطب جوه وانته منا لسبوع متروح من بيتنه اتظل يمي
احمد ..ضحكت كتلها بس هيج تددللين احلى شي ع كلبي 😉
اريج ..ضحكت وضربتو ع صدرو كتلو منحرف شوف تفكيرك وين راح ... يله خل اطب
جوه من طبينه امي كالت شبيج عيونج مورمه شكو شصار متحملت هم بجيت احمد
كاللها عمه بلكوه سكتتها ورجعتي سالتيها ..
عمار .. هااا كتلها يول
اريج ..عمار انته تدري
عمار ..اكيد ادري ..عجل احمد يسوي شي بدون ماعرف
احمد ..اي اريج كتلو لان عمار رفيج عمري مو بس ابن عمي
عمار ..بعد اخوك يالغالي ..
اريج ..بلعت الغصة وسكتت وعفتهم وصعدت فوك افكر شلون راح يعوفني هيج زين اتحمل افراكو نمت واني افكر كعدت الصبح نزلت
دحجت لكيتو نايم بالستقبال رحت يمو لعبت بشعرو ..شعرو يجنن سرح وجوزي هو
حس دحج عليه وابتسم جرني الحظنو كتلو فدوه عوفها الخاطري والله مليت من هيج
فراك يوم سوريا ويوم الجيش كلبي بعد شيتحمل
احمد ..ول يابه شبيج والله ماعوفج كل ما انزل اجي ركض عليج وابقه يمكم لحد ماتملين مني 😉
اريج ..جنت اتكطع بداخلي ردتو يعوف الجيش كتلو يعني متريد تتراجع عن قرارك 😔
احمد .. لا اريج اعذريني ...خليني اريد اروح
اريج ..سكتت بس اردد الله يحفظك واجه اليوم الي احمد راح يروح بي للتدريب
ويطول ٤٠ يوم اني بيومها منمت بس جاعده ابجي اجه هو بالليل جايب غراضو حتى
يودعني ويطلع الفجر وشافني هيج اتخبل
احمد ..اوووف حبيبي شكتلج مو كتلج صيري سبعه ترا تخليني بقلق عليج وبالي يمج ليش هيج تسوين بروحج
اريج ..متحملت كمت ابجي بعياط واحجي هو يحاول يسكتني
احمد ..حضنتها وحطيت راسها ع صدري كتلها اششششش اذا مسكتي هسه اروح وبعد متشوفيني والله
اريج ..مسحت دموعي وسكتت كتلو اسم الله عليك انته روحي واذا ماشوفك اموت
والله ..ظلينه سوه للصبح نسولف والغصة بصدري وكولساع تنزل دموعي ويكعد
يواسي بيه ويسكتني لحد ما طلع الفجر
احمد ..يله حبيبي صارت ساعه ٥ يله خل اروح اني ودعتها وبستها
اريج ..بقيت ابوس بي وابجي طلع واني عيوني مسكتت وظليت اصلي وادعي ظليت هاي الايام كلها بس ادعي الله يحفظو واصلي ..
في مكان اخر
احمد ..التحقت للدورة وبقيت فترة التدريب 40 يوم ماكو نزول ع اهالينا وجنت
اتكطع من الشوق ع حبيبتي اريج كوه اتحملت الفراك شسوي لازم اصبر واقاوم
الخاطرها والله مرت ال40 يوم كلو تدريبات شاقة كوه جرعناها ..من كملنه
التدريب خابرتها وبشرتها كتلها باجر راح انزل كملت الدورة ..
اريج
..فترة التحاق احمد جنت فاصلة عن الدنيا وبگلبي قهر يهد جبال ..وبيوم احمد
خابرني بليل كال باجر يمج اني من فرحتي ماعرف شنو اطبخ اله سويت دولمه
وسويت باميه لان هو يحبهن جثيير ..
وامشي بلبيت واغني واضحك رحت
سبحت واتحضرت يمه وصارت ساعه وحده واتصل بي ميرد بعدين اني وواكفه وعيني ع
الباب شفت ايدو ديفتح الباب كمت ركض وشفتو خطيه تعبان واني حاضنتو ابجي وهو
يبوس براسي ويكولي خبله عيب من اهلج هسه يشوفوج واني مهامني شي بس هو
بعد ما ظليت حاضنه احمد طبينه جوه اهلي سلمو عليه واني ركض رحت اريد اصب
الغدا اله هو اجه مد راسو من المطبخ كال حياتي اريد اسبح كتله محظرتو الك
فوت راح سبح واني كملت الااكل طلع هو كتلو عوافي حبيبي
احمد ..الله يعافيج يالغالية طبعا الريحه موتتني مال الطبخ ..
اريج ..ههههه كملت يله تعال اجه خطيه واخوتي شقه وياه وسوالف كملنه الغدا زوجة اخويه جابت الجاي شربو وكملو
احمد ..اتغديت وشربت جاي دحجت ع اريج كتلها نعست
اريج ..ماشي كوم بالغرفه اخوتي كل واحد يكولو نام بغرفتي راح دخل الغرفه
استحيت اروح وياه لاينتبهون اهلي هو بس دخل صاحني اجيتو كتلو هاا حبيبي
احمد ..مو سمعتي كتلج اريد انام غير تجين 🙄
اريج ..احم حبيبي عيب منهم ينتبهون والله ماكدر ..
احمد ..كولي نعست وتعاي
اريج ..يبووو مراح يعديها اله يبوس 😴 كتلو شلون مو ميصير راد يزهك اجيت يمو كتلو نام واني يمك
احمد ..ضجت كتلها روحي انتي ولا اهمج اني ..
اريج ..اتقربت يمو كتلو ليش هيج تسوي مو اني حبيبتك وتحبني ضحك باسني مدد
واني بصفو وكلساع يبوسني كتلو عفيه احمد لحد يطب ويشوفنه شبيك وخر خرررب ..
اشو هذا راساً جر الغطه وغطه حته راسنه 😱 وظل يبوس لحد ما كطع نفسي وخر وحظني يكولي ولج والله مشتاقلج موووت
وللحكاية بقية ...
لـك تعـال وشـيلنـي بكـلبك💔😔
تـره مـا ضـل وكــت 🕛
ويـشـيلنـي الـتـابـوت💔😔
يتبع ...
تحياتي
أحمد
28/5/2019
ليست هناك تعليقات:
إرسال تعليق