اسعد الله مساءكم احبتي
⚘⚘⚘⚘⚘⚘⚘⚘⚘⚘⚘⚘
لاتستحقر دموع احد يبكي اشتياقاً
فالحنين يكسر عظام الصدر وجعاً "
طبعا اعتذر منكم لان اتسببت بنزول دمعاتكم وقهركم بذاك البارت بس اعتقد
هاي حياة اغلب العراقيين الي عاشوا هل اوضاع المفجعة بهل بلد يعني مو شي
جديد علينه ..واني بركبتي امانة واعتبرها رسالة وبدوري لازم ائديها وانشرها
للعالم اجمع مو بس العراقيين حتى يشوفون شنو من حياة عايشيها العراقيين لا
شبابنه مرتاحين ولا نسائنه متهنين ولا اطفالنه فرحانين ...بس شنكول
الحمدلله ع كل حال ان شاءالله القادم احسن وربنه يعوض صبرنا خير ويرحم
شهدائنا الابرار ...
يله انكمل قصة اريج وحبها المؤلم
اريج .. امي فرحت من شافتني اسولف وكالت والله ياريت اتظلون يمنه شوفي شلون وردت من انتو اجيتو
عمي ..اليوم اني الي ابات اهنا مدام اريج متجي ويايه
اريج ..هلا بيك عمو اتمنى تبقون يمنه 😊
وظلوا يسوالفون وكل ماريد ااصعد ميخلوني يكولون تعاي شعندج صاعده ..
لحد ما بيومها نمت ع رجل عمو وصادف اليوم الوحيد الي مابجيت بي كعدت الصبح صبحت عليهم وسووا الريوك ..
اني ما ردت اتريك عمي جاب كاهي وكيمر واجه اني صفنت واتذكر اشلون جان
يتشاقه احمد ويايه من اجه وجاب الكيمر والكاهي ااااااه كلبي شبت جمرة
واتشعوطت شنسى متكولولي شنسى 😭😭
عمي حس عليه كال هاج هاي من ايدي ولتظلين صافنه اكلت وياهم واكول الف رحمه عليك حياتي كملنه
عمي ..شفتي من تلتهين ميصير بيج شي ماتبجين باعي عيونج الحلوه راحن ليش هيج تسوين ترا احمد يتأذه وينقهر موزين علي
اريج ..اي عمو ان شاءالله 😔
عمي ..بعد فوك ماريد جثيير تصعدين حاولي اطلعي اتونسي هذا امر الله نتعدى عليه حرام
اريج ..عمو مو اني احبو
عمي ..عجل اني اكرهو مو ابني هوا والوحيد عجل شسوي واني ماعندي غيرو
اريج ..فتحت عيني كتلو حقك عمو.
كال يله اريد منج اتصيرين سباعية
اريج ..حاضر من عده بديت اكعد ويه اهلي وعادي اسوالف بس ماكدر اذا ما
اختلي بنفسي اطلع بلحديقه اتذكر شلون جان يخاف عليه شلون يجي من الدوام
متلهف اليه ..
اوووف يا احمد ليش عفتني ومرت ايام مو جثيير واجتي
عمتي الزغيره الصبح وعادي احنه متعودين عليها وامي كاعده يمها وام حسين مرت
اخويه كملت الغدا كالت راح اصب عيب عمه اهنا ..
امي وعمتي كالن خل
انصلي يله اتصبن راحن يصلن اني صعد فوك اصلي كملت ونزلت سوينه الغدا وكعدنه
ناكل وعمتي فتحت موضوع ولاجان ع البال عمتي كالت اكول مدام مجموعين الكل
وجمعتنه حلوه ..
كالو اخوتي ياريت يوميه تنورينه عمه
عمتي ..فدوه الكلبك اكولكم يولد اني مالف وادور وياكم اني اليوم اجيت اريد شغله
عمار ..كولي عمه انتي تامرين
عمتي ..ماايمر عليك ظالم بس اني اليوم اجيت حته اخطب اريج الحسام ابني
اريج ..اني راسا ذبيت الخاشوكه كتلها شنو شكلتي
عمتي ..اي يمه والله حسام يريد يتزوج واني مالكه احسن منج لابني
عمار ..اصبري عمه شنو هلحجي ..
اريج ..اني متحملت عطت كتلها تعرفين اني لااحمد وعمري ما اصير الغيرو
عمتي ..شبيج ليش شبي ابني وترفضي
اريج ..مو ابنج بس اني لغير احمد ماصير ويحرم عليه غيرو يلمسني
عمتي ..هو مات بعد ع شنو انتي هيج اتسوين هسه لو انتي ميته احمد جان هيج سوه اصلا راسا يتزوج وميفكر مثلج
اريج ..اني مااكعد افرض ولو اني لو هو اني كلت لغير احمد ماصير وشتريدين سوي
عمتي ..انتي امها متحجين اشو ساكته
امي ..تعرفين هيه شنو رايها ليش اجيتي تفشلين نفسج
عمتي .. هاااا يعني هذا اخر كلام عندج
امي ..الراي رايها هيه صاحبة الشأن
عمار ..اني عن نفسي ما اقبل لان احمد مو بس ابن عمي واخويه احمد روحي واعرفو شكد جان يحب اريج مااجبرها على شي هيه متريدو براحتها
عمتي ..اصبري اذا ما ازوجو تاج راسج
اريج ..عمه زوجي الي تريديها اني شنو ..تتحسسيني اني كاتله نفسي عليه مطيرين انتي وابنج
امي عاطت بيه كالت لتحجين هيج ويه عمتج عيب كتلها خلي تسكت وتسد الموضوع
طلعت عمتي واني كعدت ابجي كتلها ليش هيج يسوون يشوفوني وحدي لان احمد مات كاموا يخطبوني مو هيه تعرفني ليش هيج
امي ..هذا هو المهم انتي كلتي الي تريدي وعرفت بعد متقبلين بي خلاص انسد الموضوع
اريج كتلها ليش هيج لان عافني خل يجي يشوف وراه غيابو شصار كامو يجوني
يريدون ياخذوني منك حياتي حماده ابجي واحجي ظليت ابجي كتلها يمه روحي فدوه
اطلعي عوفيني وحدي ..
طلعت امي وظليت وحدي اتذكر احمد ويرجعلي حجي
عمتي هو مااااااااااات انتي شكو هيج تسوين واظل ازيد بلبجي نمت ماعرف شلون
حسيت دنيا ليل نزلت جوه ولكيت عمي كاعد بلستقبال عفتهم حتى بلا سلام ورحت
اشرب مي صاحني عمي
عمي ..شدعوه عمو حتى سلام متسلمين
اريج ..فشلت ودنكت راسي كتلو لا والله عمو اسفه مو قصدي بس مقهور من عمه شفتها شسوت
عمي ..عوفيها عمو هاي متعرف تحجي
اريج ..سكتت كال انتي الي تريدي يصير والله
اريج ..عمو اني ماريد احد يخطبني اظل ع احمد وبس
عمي ..تمام هذا هوو شحده الي يحجي وياج
ومرت الايام ومر ع استشهاد احمد 8 اشهر
وراها كمنه نتأقلم ويه الحزن كمت عادي اكعد ويه اهلي بس ما اتشاقه ولا اشارك ضحكاتهم وشقاهم ..
امي رادتني انزع الاسود واتخبلت كتلها مااا معليكم بيه وكمت ابجي كتلو لاخوية فدوه عمار اخذني اروح ازورو
عمار ...اوووف خيتي ميخالف اخذج بس كافي بجي رحمة لاهلج
اريج ..ماشي ماشي مابجي والله رحنه زرنه احمد ونزلت ركض ومكدرت ما ابجي عيوني من كيفهن نزلن دموعهن..
كمت اعيط واصيح واحجي وياه اكولو فدوه حبيبي وابوس بالقبر كتلو المن عفتني تعال شوف حالي ..
زين انته مو اتحبني اخذني يمك والله مليت ....حياتي عكب عينك تعيسه انت
جنت الحلاة البيها انت جنت الطعم البيها تعال شوف اريج حبيبتك الي جنت
اتكول عليها مريتي الحلوة صارت شبح عجوز كسرها الدهر بعدك ..
بقيت اون وابجي وكوه عمار شالني من القبر كال كافي اريج ليش تخليني ماجيبج بعد كومي يله
ورجعنه للبيت مهدود حيلي
مشيت وكملت يومي عادي بس القهر بكلبي ظليت هاي الفتره احس رجعت للعزله وماريد احجي ويه احد ..
لحد ما فد يوم المغرب ونزلت واسمع فاطمة تحجي ويه امي اتكولها فدوة خالة
اصحي ليش هيج خاله والله اريج مابيها شي ليش تسوين بنفسج هيج كالتلها ولج
يمه بنتي احسها راح اتروح مني دخلت عليهم كتلها فاطمة شبيها امي
فاطمة ..مابيها شي
اريج ..احجي شبيها
فاطمة ..السكر مال عمه صاعد صار يومين ٤٠٠ لان اتخاف عليج
اريج ..اني ركضت ع امي كتلها كومي اوديج للدكتور
امي ..والله ما اكوم عوفيني اله انتي اتصيرين زينه اني كولشي مابيه
اريج ..سكتت ودنكت راسي وردت ابجي بس لزمت نفسي كتلها وعد بعد متشوفين
دمعه مني بس ليصير بيج شي بجيت كتلها يمه فدوه اروحلج مو انتي والدنيا عليه
امي ..هذا هوه يمه
اريج ..كمت جبت الانسولين ضربت امي
ابره وكعدت يمها وهيه خطيه حاضنتني واتكولي انتي النفس الي اتنفسو بست
ايدها كتلها واحنه بدونج منعيش كولنه نروحلج فدوة يالغالية
امي ..اسم الله عليكم يمه عجل كومي اكلي يله
اريج ..هو اني نزلت من الجوع هسه نسوي العشه وناكل كلنه بهاي الفتره استمريت ع العلاج ومفاد ويايه وطلع عندي كيس ع المبيض مهتميت
امي ..كلو من القهر اكولج يمه اطلعي اتونسي انتي حابسه نفسج بهل غرفة ..
اريج ..سكتت لان امي خطيه خايفه عليه حددولي موعد عمليه الاحد ورحنه الاحد اني وامي وزوجات اخوتي ومرت عمي اجتي ..
وصلنه اهناك المستشفى بعدنه ننتظر اجني خواتي وبنت عمي هيه وعمي ضحكت وياهم كتلهم شبيكم قابل راح اموت
امي ..اسم الله عليج لتكولين هيج
اريج ..حضرت نفسي للعمليه قبل مادخل كالت الممرضه انزعي اكلاده الي بركبتج
كتلها لا ما اكدر كالت ماما ميصير سكتت امي ومرت عمي يمي انطيتها لامي
الكلاده كتله ماما اذا اموت صدوك بس ادفنوني بصف احمد والكلاده ادفنيها
ويايه ..
امي بجت ومرت عمي متحملت عافتنه وطلعت امي بس تقراء قران عليه دخلت للعمليات اتشاهدت ...
وصدوك اتمنيت اموت بس الله كاتبلي اعيش وطلعت من وعيت لكيت الكل يمي صحيت
كتلها ماما فدوه عطشانه كالت اي يمه من عيوني انطتني مي شربت
منار ..تعاي ولج شكد حجيتي بلبنج شكد خربطتي 😂
اريج ..عزززة شنو حجيت ولج واني بلكوه احجي توجعني العمليه شوفوني التصوير
وعمي حاضني بهاي اللحضه حسيت عندي اب ويبوس براسي وايدي يكول حمدالله
عوفوها واني اصيح احمد يلحكني اذوني حيل يوجعني اخخخ وارجع اصيح تعال حبي
بس بوسه والكل يضحك وعمي يكولي اني دابوسج وارجع اكولو بس بوسه حباب تعال
...
عمي باسني واني اكولو افيش شلون بوسه واختي تضحك واتكولي تعاي
اني اشبعج بوس وهمه يضحكون ع خريطي واني راساً اتذكرت احمد شلون هو ويايه
جان من اتمرض شيسوي
شلون يظل حاير بيه صح هسه محد مقصر ويايه بس مكانو خالي
عمي ..يله الكل بره خلي ترتاح اطمأنيتو عليها يله ..منو تبات يمها
اريج ..كل وحده اتكول اني كتلو عمو اخذوني وياكم الريحه لعبت نفسي
عمي ..بابا ميصير باجر ان شاء الله اخذج وترتاحين بالبيت
اريج ..هزيت راسي اي امي كالت اني اظل ومرت عمي كالت اني اظل طبعا مرت عمي
من اتوفه احمد صارت كولش زينه ويايه يمكن اتندمت ظلن يمي وليل كولو حايرات
بيه تكرمون اريد حمام يكومن اثنينهن يودني نمت لصبح كعدت قبل متجي
الدكتوره واجتي كالت السلام عليكم شلونها اخبارها كتلها حمدالله زينه اني
الدكتورة ..هاا لازم تريدن تطلعين وتعوفينه
اريج ..اي والله دكتورة
الدكتورة ..هو اليوم انطلعج لتخافين
اريج ..بهل حجي اجوي الولد وعمو كال ها دكتورة بشري اشلونها كالتلهم زينه
الله يخليج الهم كلهم كالو امين وراحت الدكتور واخويه راح يسوي اجرائات
الخروج وطلعنه وبلسياره بلكوه متحمله من الوجع وصلت البيت نزلوني وخطيه
البنات محظرين جربايه بغرفة امي جوه نيموني واجني خالاتي يمنه وهوسه صار
البيت متحملت دخت راساً نمت
وره فترة
وبعد مارتحيت من العمليه
واخذتني امي للدكتوره وكالت زينه العمليه الحمدلله بس راحه يرادلها ومشت
الايام وره فتره اخويه راد يسافر عمار ياخذ مرته وجهاله ويطلع يهاجر ..
لان وضع بغداد موزين وقرروا يطلعون يسافرون بلهجره مثل جثيير عراقين هاجرو
والله اتذينه ع فراكهم خاصة اخويه عندو اطفال 3 واحنه متعلقين بيهم ...
وتعب الطريق طالعو التركيا ومناك يطالع للخارج واهناك انشلع گلب والدتي من خوفها على اخويه سكرها مينزل ..
لان اتخاف لايعبر البحر ويصير بي شي وخطيه من الخوف اتخربطت ورحنه وديناها للمستشفى ركض وتحاليل والدكتورة التشخيص ..
واني حالتي كولش انتهت لان حسيت نفسي يوميه افقد عزيز اجي واسوالف يم امي كتلها كل انسان احبو يمه يروح ليش هيج اني حضي ...
حبيت احمد راح ..اخويه متعلقه بي راح وسافر مرت اخويه وبنت اخويه اموت عليهم صارو ابعاد عليه ..
وهسه انتي يمه تتمرضين ليش فدوه اروحلج لتسوين هيج بيه فدوه ..اجه اخويه
طب وحسيت بي شي عيونو مدمعه واخواتي اجني اشرت الخويه اشبيك اشرلي اششش ..
طلع اخويه وراه الدكتور واني لحكتهم لان حسيت اكو شي اسمع الدكتور يحجي
ويه اخويه يكولو انسداد بالشريان وجلطه بالقلب اني متحملت راسن صحت فدوه
محمد لاتكولها اندار محمد عليه واجه ركض
محمد ..شبيج بابا لتهتمين ماكو شي هسه اتصير زينه اسكتي لتصيحين ..
اريج ..بقيت ابجي مصدومه ورحت لامي لكيتها جاعده كالت شبيج يمه حياتي كتلها خفت عليج
امي ..لتخافين اني زينه مدام انتو زينين
اريج ..يمه اخويه عمار خابر بالليل كال عبرت البحر وهسه اني باليونان
والله من كالنه عبر فد فرحنه وكلنه حمدنه الله وامي من سمعت عبالك شدت
حيلها وكالت لاخويه اخذ افلوس واريد عشه الوجه الله لسلامه اخوك ..
كاللها اخويه اطالعي من المستشفى وانسوي احلى عزيمه والله حمدالله الصبح
وكالو اليوم يطلعون امي وطلعت امي الحمدالله بخير وسلامه اني كعد اصلي شكر
لله ع سلامة امي..
رجعت امي ونورت حياتنه لان والله بدونها انضيع من
طلعت اجوي الكل عماتي وعمتي الزغيره متكدر اذا متغث خابرت جاوبتها اختي
وحجت طبيعي سلام عادي وشلون امج سمعت مريضه ...
منار ..اي والله عمه هاي شنسوي بعد حكمة الله ..
عمتي ..اي هاي حوبتي لان منطيتوني اختج
منار ..زهكت كلتلها المرض مابي شماته عمة حرام هيج تحجين ...ومنطيناج اختي لان تعرفين ليش ..
هيه ضاجت عمتي شلون اتكولن هيج انتن تهتن واره اخويه صارت تريبتجن زفت والله وكت النوبه معاليه اله المزعطه
منار ...شبيج عمه شنو انتي مخابره حتى تتعاركين لو تطمنين ع امي اشو جان تعيط بيه
وتكول امشي من وجهي وسدت التلفون
اريج ..فدوه عوفيها هاي تحجي هواي عوفيها
منار ..يمعودة فتت افادي عابت هيج عمة ..امشي خل انروح يم امي
اريج ..امشي يله ..رحنه كعدنه دنسولف ويه عماتي وهنه يتشاقن واجه ابن خالي
حسن جان يكول شبيها عمتي بوس امي وجان يكولها مابيج شي عمه هسه اجيبلج
رجال وكولشي مابيج ..
وهيه اتصيح عليه اتكولو انجب لتكول هيج لا
اموتك وهو يضحك ويكول شوفوها بس جبتلها طاري الزواج صارت مابيها شي وتحجي
وتسوالف احنه نضحك ع سوالفو ويتشاقه ..
وهنا مرت الايام عادي روتين ماكو شي يتجدد بس حزني وخلوتي بنفسي دائما وهنا قربت السنويه مالت احمد الكل اتفق يروحون البيت عمي ..
واني اهنا الكل كال تعالي كتلهم والله ماكدر اروح البيت عمي اطلع من بيتنه
للمقبره وياكم كالت امي شنو اتظلين وحدج كتلها عادي يمه شنو عليه اخويه
كال اني بليل اجي ابات يمج كتلو ماشي ..
راحت امي والبنات وزوجة
اخويه هم راحت ظليت وحدي بالبيت شغلت قران وكعدت ابجي من كل كلبي لان مرت
السنه بسرعه ظليت بالغرفه وحدي ومطلعه كل صور احمد وهدايه واكول ليش هيج
عفتني وحدي والله مليت مندونك غفيت من البجي ..
بدون ما احس اله
اخويه ديشيلني من الكاع ويخليني ع الجربايه حسيت كتلو اجيت كال اي حياتي
نامي ورانه طلعه الصبح للمقبره صار الصبح طلعنه ساعه 8 لان المقبره قريبه
هيه ابغداد ..
حظرنه نفسنه واخويه اخذني واجه وياه صديقو صعد هو
اعرفو اسمو علي بس مابينه سلام وهيج شغلات صعدت اني لسياره سلمت هو رد
السلام بس نضرتو ماعرف اشلونها بقه يدحج بنظرات غريبه
#وللحكاية_بقية ...
اريج اتكول هاي الصوره جان احمد يخليها خلفيه لجهازو يكول احسها مثلج من تشوفيني شلون تركضين بالهفة وتحضنيني ....اوووف مؤلمة 😢😢
يتبع ...
تحياتي
أحمد
3/6/2019
ليست هناك تعليقات:
إرسال تعليق